السلام عليكم ورحمه الله وبركاته خلينا نقول ان انت من حقك انك ترفضي لاي سبب من الاسباب ولكن خلينا نقول انه انت ما رفضتيش عشان خاطر الشك ولكن انت رفضتي علشان انت عندك رفض لفكره انه الزوج يكون مسافر وزوجته قاعدة في بلد غير اللي هو بيشتغل فيها ويبقوا طول الوقت بعاد عن بعض لانه ده بالنسبه لك غير منطقي لانه الراجل اكيد هيكون محتاج انه يكون في معاه زوجه ولو حس ان هو في احتياج لزوجه وزوجته اصلا في بلد ثاني فده هيخليه اقرب لفكره الزواج الثاني في نفس البلد اللي هو فيها حتى وان كان بشكل مؤقت وهيعمل ده عشان خاطر بس الوقت اللي هو هيقعد فيه هناك فالنقطه دي من حقك ان هي تكون أسبابك لرفض الحاله دي من الزواج حتى لو كان الشخص كويس فدي مفيهاش حاجه ما فيهاش ظلم للشخص وما فيهاش كده ان انت شكتي فيه. خليك بس بتصيغي الموضوع صح لنفسك ولاي حد انه يا جماعه انا برفض فكره ان الزوج يكون مغترب وانا اتجوز يكون زوجي عايش في مكانه وانا عايشه في مكان ثاني لاني شايفه انه ده غير منطقي ومش بيساعد الزوج ان هو يكون عايش بنفسيه سليمه وسويه هيكون الضغط بتاع الاحتياج للزوجه ممكن يدخله في حاجات احنا في غنى عنها كزوجين علشان ما يحصلش مشاكل وانا كشخصيه شايفه ان ده هيخليني اعمل مشاكل مع جوزي عشان كده انا برفضه تماما وده كده يبقى الموضوع تمام ما فيهوش صح ما فيهوش غلط ما فيهوش ظلم ولا اي حاجه خالص ده وجهه نظرك ورأيك الشخصي اللي بناء عليه بترفضي او بتقبليه بس كده
لعرض الإجابة في فدني اضغط هنا