مشكلتي اني بخاف أتكلم مع حد بطبيعتي وساعات بتكلم بحس اني طفولية جدا علي كلامي منطقي في معظم الوقت وانا اتعودت علي شعور اني كبيرة منذ أن كنت صغيرة وغير كدا عند تكوين الاصحاب اول مرة الموضوع لطيف تاني مرة بحس بملل من جهاتهم وتجاهل رغم كدا بحاول ابتعد عن النميمة والكلام عن الغير ولكن معظم الاصدقاء اللي شوفتهم بيستخدموا التريقة علي الناس لكي يتسلوا وغيرها كدا كتير وان يبتعد عنهم غير كدا أن كل واحدة تقول أنا عندي وعندي وانا شخص بسيط بحاول اعيش علي اللي معايا وممكن اعرف انه هو كذاب ولكن اسكت وقول عادي وانا ما بحبش الكذب في اي حاجة بحب الصدق حتي لو يجرحني ونفسي ما احس اني غبية بسبب اني ما عندي اصدقاء وكلهم فيك ودائما كلامي كله حكمة زي الكبار ولكن افعالي ضد حاولت أوجه نفسي واطلع العيوب واحاول اصلحها ولكن مع نفسي بافشل اكتر من مرة وعاوزة شئ يتحكم في زي الروبوت بحس اني عايزة ابقي روبوت عشان اتحكم في وما ندمش ولكن مش عارفة تسيطر علي تفكير وافعالي
طيب ايه المشكلة ف انك تتكلمي على طبيعتك، ما دام طبيعتك ديه محدش يقدر يستغلها. يعني تكون طبيعية زي ما انتي، وفي نفس الوقت تبقى على قدر كافي من الوعي بنفسك وبغيرك. مين اللي عودك على شعور انك تبقى كبيرة لما كنتي صغيرة؟ ازاي بتحسي ب الملل من اتجاه صحابك .. بيعاملوكي ازاي مثلا؟ وهل هما فعلا بيكونوا مناسبين ليكي ولا بتصاحبيهم لمجرد انك متبقيش لوحدك؟ ايه هي الحاجات اللي عايزة تتحكمي فيها بالظبط؟
تم النشر الأربعاء، ٢٣ أغسطس ٢٠٢٣
اول حاجه أما حساكي زي اني بحس تفكيري عن الناس كبير عن اصدقائى بس اصدقائي حلوين بصدق لكن مش معنى انك بتبقي حكيمه ف كلامك وتصرفاتك دي حاجه وحشه بالعكس حاجه حلوه وحوار أنهم بيكذيوا ويتريقوا علي ناس مش حلو اول حاجه بتاخدي ذنوب تاني حاجه محدش يقدر يستحمل اي كلام عليه زي الكلام الي بيقوله مش معني انك تبقي لوحدك ده حاجه وحشه لاء عادي خالص انا عدت عليا فتره وانا ف تالته ثانوي السنه دي كنت مش عايزه تكلم كان التلفون هو صديقي بمعني الكلمه لان كان كله مشغول بهمه كنت بكتب ف المفكره اي حاجه وكنت بسجل الكلام كنت بحاول اكتشف نفسي واعرف ان هياجي عليا اليوم الي ممكن ميكونش ليا صحاب عشان متأثرش بإي حاجه يعني حوار انك عندك أصحاب بس انتي مش حابه طريقتهم عادي مش ضروري يكونوا صحابك القريبين و زي ما قلتلك حاولي تكتشفي نفسك اقعدي مع نفسك شوفي بتزعليه من ايه ايه الي ممكن يراضيكي وكده
تم النشر الخميس، ٧ سبتمبر ٢٠٢٣
عالفكره طبيعي جداً انك مش من اول مره تنجح انك تصلح نفسك وعيوبك بالعكس انت لو اتسرعت هتبص في الآخر وهتلاقي نفسك كونت شخصيه غريبه شخصيه اتطبعت من طباع اللي حواليها.. مش لازم تغصب نفسك انك تقعد مع حد انت شايفوا كداب وبيحاول يخليك مبهر بيه في عينك ده بيبقي شخص ناقص معندوش ثقه في نفسه قرب من اللي انت تحس انه شبهك مش لازم تجيب العيب علي نفسك انت وتقول ان المشكله دايما منك لا مش كل البشر زي بعض ممكن يكون اختلافك ده مميزك عن غيرك كتير... الطبيعه حلوه شوف نفسك انت هل ياتري هتحب نفسك لو انت شخص مش علي طبيعتك يعني في قعده مثلا مع ناس مش شبهك واتكلمت بتصنع هتحب نفسك... مفيش حد دايم لحد نفسك هي اللي عايشه معاك لحد ماربنا يأمر انه عايزها فانت بردوا هتعيش مره واحده لازم تعرف انت عايز اي؟! مين اللي ينفع يبقي معاك ومين لا مفيش حد مثالي كلنا فينا عيوب بس الشاطر هو اللي يتقبل عيوبه ويغيرها صح.. وميتكسفش منها..
تم النشر الأربعاء، ٢٣ أغسطس ٢٠٢٣
شوفى صحبه صالحه ومتتعاملش على ان مل يلى تعرفيهم اصحابك والروح بالروح لان ده مش صح ومتتوقعيش من حد حاجه وطلبى من ربنا دايما صحبه الصالحه وكل ماتتعرفى على ناس جداد متكونيش مدلوه على حد يعنى اعتبريها زماله ولو على تريقه لو مفهاش اذيه لاحد عادي لو فيه ممكن تعترضى لشخص ومع الوقت هيفهم ان ده بيضايقك وانك مش هتتفاعلى معاه لو عمل كدا فاغلب الحديث يكون محترم شويه من غير تعدي.. وكونى بطبيعتك دايما لان ده هياثر على ثقته بنفسك بعدين.. ويلى بقول بقول انا عندي وعندي اعرف ان مفيش حد مرتاح لومعاه كنوز الدنيا وحاول تصحبى ناس شبهك مش تتغير نفسك عشان متشبهيش حد
تم النشر الأربعاء، ٢٣ أغسطس ٢٠٢٣
لعرض السؤال في فدني اضغط هنا