انا بعاني من قلق وتوتر ونوبات خوف وهلع مصاحب بوسواس قهرى ودنيتي بايظه جدا بقالى حوالي ١٣ سنه كنت خطبت فى سن ال ٢٩ وخطيبتى سابتني لما عرفت اني بتعالج نفسي ليل نهار بفكر ودماغي مش بتفصل نهائي واكتر حاجه متعبه ومؤلمه بالنسبالى اني براقب النفس اللى داخل واللى خارج حاسس اني مراقب دقات القلب ودا شئ تاعبني جدا
وعندي خوف شديد من الاماكن البعيده يعني معرفش اروح مكان بعيد حتي ولو ١٠٠ متر لوحدي او مع حد عموما ودا شئ موقفلى حياتي جدا مصدر الامان ليا او الشجاعه هو ابويا بروح اي مشوار معاه ببقي عادي معرفش ليه بطمن بوجود ابويا والبيت نفسه لازم أكون قريب من البيت حتى مكان عملى جنب البيت عشان لو جاتلى نوبات الخوف اطلع اجري ع البيت فورا
واحيانا اسيب المحل لوحدو واروح البيت اخدت علاج كتير جدا سيروكسات واندرال ٤٠ واخدت فافرين ١٠٠ واندرال ٤٠ واخدت بروزولام ٢٥ وميرتماش ٢٥ وعلاج كتير لكن دون جدوي اكتر حاجه بتجيب معايا نتيجه هو البروزولام ٢٥ بس انا حذر فيه لاني ممكن ادمنه
وفي صديق قالي فى نوديبرين ٥٠ بتاع القولون العصبي ومصاحب لنوبات الخوف والهلع اخدت حتي بدون استشاره طبيب لاني مبقتش فارق معايا حاجه انا مش عارف حتى ابقي كويس يعني لو فيه اي نصيحه ممكن اجربها مع اني فاقد الامل انا حياتي واقفه حرفيا لا شغل عارف اسد فيه ولا جواز ولا بيت ولا حتي عارف اروح مشوار ولا. عارف اعمل حاجه
اولاً انا كنت زيك بالظبط ولفيت علي مستشفيات كتير وعملت تحاليل كتير بس طلع مافيش حاجة اتجهت لدكتور نفسي لاني كنت بموت كل يوم حرفياً من نوبات الهلع والوسواس القهري اخذت علاج لمده ٦ شهور والدكتور قلله لي تدريجياً بس انصحك لازم تروح لدكتور انا كنت باخذ بروكستين بس بنبتدي جرامات قليله بعد كده بنزود التركيز وكنت باخذ دجمنتيل للقلق لمده ٥ ايام بس لكن كل دا لازم تحت اشراف طبيب ومتخليش النوبات دي تسيطر عليك او ما تلاقيها جتلك واجهها و قول في سرك آخرك هتعمل كأنك بتكلم النوبه شوف كام مره جتلك ومحصلكش حاجة وبتبقا اخرها ١٠ دقيق ٢٠ دقيقة بالكتير واجه مش هتندم ومن غير علاج
تم النشر الخميس، ٢٢ مايو ٢٠٢٥
كنت حابب افيدك بس انا بتجيلى نوبات غضب حاليا كسرت اخر موبايلين كانو معايا وفريم اللابتوب والباب بتاع الاوضه وقبل كده باب الشارع و(التلفزيون كنت ١٠ سنين تقريبا)كوبيات بقا وحجات من دى لا بطلت اعد المهم اعرف انك مش لوحدك وان فى ناس كتير تحب انك تكون مبسوط جرب تغير حاجه صغيره فى كل مره روح مكان ابعد شويه اتكلم مع حد اونلاين عشوائيا وابقى شوف لو فى تضارب بين المواد الكميائيه للادويه اللى انت بتاخذها وانا احب جدا الناس الشجاعه اللى زيك مجرد ان انت تعترف بمشكلتك بشفافيه ده فى قمه الشجاعه ممكن تكون اتعرضت لصدمه وانت صغير ادت ان الجزء العاطفى من المخ لسه مبلغش بشكل كافى لكن المصاعب تقوى العزم وبعد ما تتخطى المشكله دى هتكون اقوى بكتير من اللى حواليك
تم النشر الجمعة، ٢٣ مايو ٢٠٢٥
السلام عليك أخي العزيز، أولا أود أن أقول لك إنني متفهمة جداً للمعاناة التي تمر بها، وأشعر بك وبكل الألم والتعب النفسي الذي ذكرته. أنت لم تختر أن تعيش هذه الحالة، وهي ليست ضعف منك أو عجز، بل هي فعلاً تحدي نفسي وصحي يحتاج إلى صبر وعناية خاصة. لنقسم مشكلتك إلى نقاط حتى نتمكن من التعامل معها بشكل أكثر وضوحاً: القلق والتوتر ونوبات الهلع: أنت تعاني من حالة مزمنة تستمر منذ 13 سنة، وهذا طويل جداً وقد أثر على حياتك بشكل كبير، وهذا أمر صعب ومؤلم. الوسواس القهري والشعور بالمراقبة الذاتية: المراقبة الدائمة لنفسك وخصوصاً لضربات القلب تسبب لك المزيد من القلق وتفاقمه. الخوف من الأماكن البعيدة والاعتماد على وجود الأب كمصدر أمان: هذا يشير إلى وجود اضطراب قلق اجتماعي أو ربط تعافي الأمان بمصدر خارجي فقط. العلاجات الطبية التي جربتها ولم تحقق التأثير الكافي: تناول عدة أنواع من الأدوية بدون تحسن ملموس، وقلق من التعوّد على بعض الأدوية (كالبروزولام). الحالة النفسية العامة واليأس من المستقبل والانسداد في جوانب حياتك المختلفة (عمل، زواج، استقلال). ماذا يمكن أن تفعل الآن؟ بالنسبة للعلاج: من الواضح أنك بحاجة إلى مراجعة طبيب نفسي متخصص يمكنه تقييم حالتك بشكل دقيق، لأن الأدوية التي جربتها غير كافية وحدها وربما تحتاج إلى تعديل أو إضافة علاج نفسي بجانب الدواء. العلاج النفساني (العلاج بالكلام، مثل العلاج المعرفي السلوكي CBT) يعتبر فعال جداً في حالات القلق والوسواس والخوف، ويساعدك على بناء آليات للتعامل مع هذه الأفكار والمخاوف. ربما لم تجرب هذا النوع من العلاج بشكل مكثف. مهم جداً: لا تتوقف عن متابعة طبيب متخصص واستشارة خبراء في الطب النفسي النفسي ولا تحاول تناول أدوية بدون إشراف طبي، فذلك قد يزيد الأمور سوءاً. حاول أن تحدد مع الطبيب خطة علاجية واضحة تشمل الدواء، العلاج النفسي، وأيضاً خطوات صغيرة للتدرج في مواجهة المخاوف، مثلاً تدريجياً تحاول الابتعاد عن المنزل لمسافات قصيرة وزيادتها بالتدريج. تشجيع الذات وتغيير نمط التفكير: حاول أن تستبدل الأفكار السلبية والأخبار السيئة عن نفسك أو حياتك بأفكار دعم وتصحيح. قد تبدأ بحكايات نجاح خسرت فيها معارك وخضت أخرى واحترمت أخرى، المهم أن تظبط تركيزك على ما يمكنك تحسينه خطوة بخطوة. دور الأسرة: من الجميل أن والدك هو مصدر الأمان بالنسبة لك، لكن حاول تدريجياً أن تستقل عنه خطوة بخطوة، لأن الاعتماد الكامل قد يعيق تقدمك. قد تكون مضطراً للبحث عن دعم نفسي من خلال خبراء متخصصين ، يمكنك زيارة صفحة الخبراء على موقع فدني https://www.fedni.net/experts للبحث عن طبيب نفسي أو معالج يمكنه مساعدتك. لا تفقد الأمل أبداً. أنت لم تصف حالتك إلا صراحة وهذا شجاعة كبيرة. الأمل موجود دائماً حتى في أصعب الظروف، والعلاج ممكن والشفاء ممكن، فقط تحتاج إلى العزيمة وصبر حتى تجد طريقك للخروج من هذا الظلام. إذا شعرت بأنك تحب نتكلم أكثر أو تبغي توجيه معين، أنا هنا معك، يمكننا التفكير معاً في خطوات قريبة تساعد في تحسين يومك وأيامك القادمة. فكر دائماً أن الله سبحانه وتعالى مع الصابرين، "فإن مع العسر يسراً" (الشرح:6)، لا تيأس ولا تفقد الثقة في قدرتك على التحسّن. هل ترغب أن أساعدك في وضع خطة يومية صغيرة للتعامل مع القلق والخوف بشكل عملي؟ أم تحب أن أوجهك لكيفية البحث عن طبيب نفسي على فدني؟ ذاكرة مفتوحة لأي سؤال أو تفصيل تحب تضيفه.
تم النشر الخميس، ٢٢ مايو ٢٠٢٥
حاضر من غير ماتتطلب وربنا الشافي
تم النشر الجمعة، ٢٣ مايو ٢٠٢٥
والله ما عليك كلمه كوبايه ميه والرقيه الشرعيه الجميله وتوكل على الله
تم النشر الخميس، ٢٢ مايو ٢٠٢٥
اولا البنت اللي سابتك أحمد ربنا على كدا لان الانسان الكويس بيبان في وقت الشده وثانيا التعب اللي انتي فيه صعب وانا حاسه بيك لاني انا كمان بدأت احس بنفس الاعراض بس بعد ما مريت بصدمه كبيره من إنسان كنت بحبه واذاني كتير التعب النفسي صعب علشان مش كل الناس بتفهم وجعك ربنا يشفيك وبتمنالك كل خير يارب
تم النشر الخميس، ٢٢ مايو ٢٠٢٥
مفيش غير العلاج الطبي
تم النشر الخميس، ٢٢ مايو ٢٠٢٥
انت اخدت أدوية والأدوية بتسكن الأعراض بس لكن مش بتعالج جذر المرض .. ركز على نفسك .. شوف نوبة التوتر دي مش بتيجي فجأة كدا لوحدها لا بد لها اسباب لازم تفهمها .. ممكن انت شخص طبيعتك مش بتميل للأماكن النشيطة .. بسبب انك بتحتاج هدوء تنظم فيه أفكارك بدل التشتت .. فوجودك في مكان فيه حركة وأصوات بيوترك ويفقدك السيطرة .. ببساطة ١-روح أماكن بعيدة وكل ما حسيت انك هتخش في توتر ابعد لمكان هادئ برا المكان وأكتب مخاوفك والأفكار اللي جاتلك وخد وقتك إلى أن تستعيد طاقتك بعدين ارجع وهكذا .. بالنسبة للافراح مبحبذهاش في العموم
تم النشر السبت، ٢٤ مايو ٢٠٢٥
والله يا اخ عبد الله كثره التفكير فى ان النوبه هتجيلى وانا فى مكان بعيد ومعرفش اتصرف مخلياني شخص غير طبيعي انا متأكد مليون فى الميه اني لو قلت لعيل صغير اني بخاف اروح مكان يبعد ١٠٠ متر هيضحك عليا انا عارف ومقتنع ان اللى انا فيه دا ضد المنطق الأمر اشبه بشخص هارب من السجن وكل شويه يتلفت حواليه خايف لحد يمسكه ويرجعه السجن دا طبيعيا مش هيبقي كويس هو انا كده بل انا العن من كدا يا راجل دا انا مبحضرش خطوبات وافراح اصدقائي من اللى انا فيه ٩٠ % من اصحابي خسرتهم بسبب مرضي دا بس طبعا مبقدرش اقول لحد منهم حكايه مرضي اما بخصوص العلاج فانا اتعالجت كتير واخدت دواء بما فيه الكفايه ولكن مفيش اى فايده انا الدكتور يقولى متخافش ومتفكرش دي مش طريقه علاج انا لقيت الابلكيشن دا صدفه قلت اجرب اخود نصائح من ناس كانت مريضه وشفيت على الاقل اخود منهم حكمه لعله يكون سبب فى شفائي لاني حرفيا انا يائس تماما ومحبط وغير متفائل وقول زى مانت عايز تقول
تم النشر السبت، ٢٤ مايو ٢٠٢٥
يا أخي أنت بس تتعالج نفسيا وامورك بإذن الله تتحسن .. انا شايف ان الدنيا ماشية والحياة هادية واحنا في أمان الله .. فالمشكلة مش في دنياك كلها المشكلة في أفكارك ونظرتك .. تفسيري هو قلة ثقة في النفس فأنت مش واثق في شخصك وحاسس انك لو بعدت عن البيت هتعمل الفضايح أو هتجيلك النوبة أو هتتحرج فعايز البيت قريب عشان تخبي نفسك عن الأنظار بدل الفضيحة ... فبختصار راجع يومك وشوف ايه الحاجات الغلط اللي بتعملها وهي اللي عدمت ثقتك في نفسك وبطلها .. ومش هتقدر تبطلها الا ما تعوض مكانها بحاجات حسنة وممتعة هوايات وصلاة وغيره ... قد تكون قلة الثقة سببها تنمر في الطفولة أو أذى من العائلة أو هجر ... المهم ان تترك الخارج وتشتغل في الداخل فالداخل أسهل لتغيره وامتع
تم النشر الجمعة، ٢٣ مايو ٢٠٢٥
ونعم بالله
تم النشر الجمعة، ٢٣ مايو ٢٠٢٥
الله يكون فى عونك ،، ربنا يشفيكى ويشفينى ويشفي كل مريض بيتألم وربنا يصبرنا جمعيا على اللى احنا فيه الحمد لله لو صادفتي يا اختى اى شخص كان عنده المرض دا وشفي منه يا ريت توصلينى بيه وانتي كمان ناخد منه نصائح لحالنا لعل الله يجعل دا سبب ولو حتي بسيط ونتعالج يا رب
تم النشر الجمعة، ٢٣ مايو ٢٠٢٥
عندي بس انا عندي اولاد وبحاول أظهر نفسي قويه ومش خايفه علشانهم
تم النشر الجمعة، ٢٣ مايو ٢٠٢٥
حضرتك بردو عندك نوبات خوف وهلع ولا شفيتى منها
تم النشر الجمعة، ٢٣ مايو ٢٠٢٥
متخافش ان شاء الله في امل ومش بسيط لا كبير وربنا يعوضك خير يارب
تم النشر الجمعة، ٢٣ مايو ٢٠٢٥
والله يا اختى هي ما تفرق معايا اصلا خصوصا زي ما قولتى الانسان بيبان فى وقت الشده ودي مع اول مواجهه بينى وبينها سابتنى لا دا محاولتش تعرف منى اعراض المرض ايه او ايه اللى بيحصلي هي كمان بعتتلى الدهب فى كيس عيش كانها بتستهزء بيا لكن اقسم ولا يفرق ولا تفرق المهم لو انتى او اى حد كان مصاب بالمرض دا واتعالج انا محتاج اتواصل معاه ضرورى لان دا ممكن يكون له تاثير عليا من ناحيه الشفاء لاني حاسس ان كل حاجه بعملها فى الفاضى لو قابلت مريض وشفي الحمد لله يقدر هو يوجهنى كنوع من الامل البسيط
تم النشر الجمعة، ٢٣ مايو ٢٠٢٥
بعمل كده كتير جدا وبسمع قرآن كتير جدا لكن انا محتاج لمرشد يرشدنى لمواجهه النوبات
تم النشر الجمعة، ٢٣ مايو ٢٠٢٥
مفيش فايدة او بمعني اصح مبقتش اثق فى اي دكتور او علاج انا بروح ادفع فلوس اد كده وهو لما بيصدق حد بيدخله فلوس كتير كل شهر وكل اللى عليه يقولى متفكرش وامشي ع العلاج دا ويقعد يبدلى فى علاج بقوله محتاج نصائح للمواجهه انا مبقدرش يقولي لا متفكرش فى حد فى الدنيا يقول لمريض متفكرش مانا لو قادر امسك نفسي مكنتش جيتلك
تم النشر الجمعة، ٢٣ مايو ٢٠٢٥
لعرض السؤال في فدني اضغط هنا