السلام عليكم ورحمه الله وبركاته
انا طالبه خريجه معهد فني صناعي (مستنيه النتيجه بإذن الله)
كانت امنيتي ادخل كليه هندسه من و انا صغيره
انا كنت فني صناعي تلات سنين بفضل الله اتخرجت من المدرسه و طلعت الأولي علي مدرستي كان متوفر ليا كليات و معاهد عاليه كتير جدا و انا اخترت معهد فني عشان نفسي ندخل هندسه
احنا كنا عايشين في بيت ملك و حصل معانا ظروف نقلنا شقه ايجار و قدمنا علي قطعه المفروض نبني قبل شهر ٦ السنه جايه عشان القطعه متنسحبش مننا و ماما هيا اللي شايله دا كله بابا مش عايشين معانا و ملوش اي دور في حياتنا و ماما اول مره تطلب مني حاجه قالتلي انا هقولك ع حاجه مفيش اي زعل القرار قرارك بتقولي تأجلي السنادي و تشتغلي و تساعدينا مع العلم إخواتي شغالين و كلنا بنساعد بعض بس الحمل كبير اوي برضو علينا وتقدمي علي كليه السنه الجايه
انا نفسي ندخل هندسه وانا حاليا اصلا عندي ٢٠ سنه يعني لو أجلت السنادي هتخرج ٢٦ مع العلم صحابي اللي دخلوا كليه اربع سنين بيتخرجو ٢٢ سنه
و غير كدا خايفه اشتغل و اساعد معاهم و بعد ما نبني يكون فيه ديون فنأجل كمان سنه و صعبان عليا ماما أو مره تطلب مني حاجه مش عاوزه ارفض تنصحوني اعمل ايه
السلام عليكم، هو أولا متحسبيهاش خالص بالسنين، ناس كتير بدأت متأخر ونجحت فمتخليش ده العائق قدامك عشان ممكن يأخرك فعلا. ثانيا، ممكن تؤجلي وتركزي على مساعدتهم وخلي نيتك لوجه الله وإن شاء الله ربنا هيكرمك بالفعل ده. أو تشوفي حلول وسط لو أمكن. إذا فيه إمكانية تقسمي وقتك بين الدراسة والشغل، وتلاقي شغل بدوام جزئي أو تشوفي شغل من البيت وتساهمي معهم باللي تقدري عليه. واتفقي مع والدتك من البداية إنها هتكون سنة بس ولو بعد السنة دي لقيتِ إن فيه تأجيل تاني فصممي على التقديم لو شايفة ده الأصلح لك وقتها. كمان حاجة، تأكدي الأول من مسألة القبول في هندسة عشان حسب ما قرأت فيه قواعد للقبول ممكن بتتغير من سنة للتانية. ولو أجلتِ متخليش السنة للشغل بس، راجعي معلوماتك بحيث متنسيش اللي درسته وطوري نفسك باستمرار، مثلا إتقان الإنجليزي ومهارات الحاسب وأي مهارة تانية هتفيدك في دراسة الهندسة، بحيث لما ترجعي تكوني مستعدة ومتحسيش إنك متأخرة عن أي حد بيدرس معك. ** وأهم حاجة استعبني بالله وصلي استخارة، وأكرر خلي نيتك لوجه الله والبر بأهلك عشان أي حاجة بتعمليها لوجه الله مش بتضيع ومحفوظة عند ربنا، لو مش كده ممكن تندمي بعدين أو تحسي إن تعبك ضاع لو اللي قصادك مقدرش التعب ده بعد كده. فكري واستخيري وإن شاء الله ربنا ييسر لك اللي فيه الخير. بالتوفيق.💚
تم النشر الخميس، ١٦ يوليو ٢٠٢٦
وعليكم السلام ورحمة الله وبركاته، أولاً، أحييكِ على قوتكِ ووعيكِ بظروف أسرتكِ، وهذا يدل على قلب طيب ومسؤولية عالية. أنتِ في موقف صعب يجمع بين حلم شخصي كبير (دخول كلية الهندسة) وبين مسؤولية عائلية ملحة، وهذا أمر يحتاج تفكيراً هادئاً ومتوازناً. من الناحية العملية، تأجيل سنة واحدة ليس نهاية العالم، خاصة أنكِ في العشرين من عمركِ، لكن الخوف الحقيقي الذي ذكرتِه (أن التأجيل قد يتحول إلى سنتين أو أكثر بسبب الديون) يستحق النظر فيه بجدية. في الوقت نفسه، مساعدة أمكِ في هذه الفترة الحرجة (بناء البيت قبل شهر 6) قد تخفف عنها كثيراً، وهذا له أجر كبير عند الله، لأن بر الوالدين ومساعدة الأسرة من أعظم الأعمال. اقتراح عملي: حاولي أن تجدي حلاً وسطاً: هل يمكنكِ البحث عن فرصة عمل جزئي أو دوام مسائي يسمح لكِ بالادخار والمساعدة دون التخلي كلياً عن التقديم؟ أو ربما التقديم على منح دراسية أو كليات حكومية تقلل التكلفة. تحدثي مع أمكِ بصراحة عن مخاوفكِ من التأجيل المتكرر، واطلبي منها أن تشارككِ في وضع خطة زمنية واضحة (مثلاً: تساعدين هذه السنة ثم تعودين للدراسة بقوة). تذكري أن تعليمكِ ليس رفاهية، بل استثمار طويل الأمد لكِ ولأسرتكِ، لأن شهادة الهندسة ستفتح لكِ أبواباً أفضل للمساعدة المالية في المستقبل. القرار في النهاية قراركِ، وأمكِ أعطتكِ الحرية، وهذا يعني أنها تثق بكِ. اختاري ما يجعلكِ تشعرين بالرضا على المدى البعيد، ولا تترددي في البحث عن أسئلة مشابهة على فدني لتري تجارب أخرى. أنتِ قادرة، وستجدين الطريق المناسب إن شاء الله.
تم النشر الاثنين، ١٣ يوليو ٢٠٢٦
العمر كده كده بيمشي كنت في دراسة أو غيره كلها سنين و هتعدي اتخرجت و إنت عندك ٣٠ سنة زي تخرجك و انت عندك ٢٥ سنة زمايلك عادي لو سبقوك في التخرج ربنا عدل مستحيل يظلم حد الظروف أدت بيك لتأخير دلوقتي تيقني اني انت هتسبقي بعدين بشكل مرعب ممكن بعدين دع ميبقاش في الدنيا بس المؤكد اني ربنا مش هينساك ربنا ييسر ليكوا الحال و يوفقك
تم النشر الثلاثاء، ١٤ يوليو ٢٠٢٦
ساعدى معاهم وربنا يعينك ويعوضك افضل مما كنتى تتمنى .. بلاش تحسبيها بالسنين فيه ظروف ممكن تحصل لا اراديه تخليكى تأجلى برضو او لا قدر الله يحصل رسوب ف متحسبيهاش بالطريقه دى .. اتكلى ع الله وساعدى معاهم طالما متاح
تم النشر الاثنين، ١٣ يوليو ٢٠٢٦
لعرض السؤال في فدني اضغط هنا