من فضلكم ممكن تساعدوني وتقولولي سبب اني معتش عارفه اذاكر وبقى عندي لامبالاه كان لازم ادخل الامتحان اطلع مقفله دايما مستحيل اطلع الا وانا حاله كويس بتفوق
دلوقتي بقى عادي ادخل الامتحان وانا مش مذاكره واطلع وانا عامله اسوأ أداء
انا في امتحانات الlab وال midterm مقفله وطول السنه متفوقه
بس ايام الfinal اتحولت 180درجه حتى دلوقتي عندي بكره امتحان ومش عارفه اذاكر ولا عايزه وعندي لا مبالاه وحاسة ال GPA بيروح مني
مش طبيعي اللي بمر بيه دا ممكن حل
جددي الشغف بإنك تعملي مشروب مفضل وخدي المزاكرة مش عبئ كانها حاجة مؤقتة او كل فترة وانتي بتذاكري اطلعي اتقرجي ع حاجة بتحبيها وارجعي تاني للمذاكرة اعملي اي حاجة بتحببها خدي شاور المهم متقعديش مدة كبيرة تذاكري عشان اكيد هتزهقي و دا طبيعي جدااا جدا
تم النشر السبت، ١٧ يناير ٢٠٢٦
انصحك تذاكري المذاكره هتفيدك جدا لأن لو ذاكرتي هتنجحي ولو مذاكرتيش مش هتنجحي او ممكن تنجحي بس هتجيبي درجات مش حلوه انا شخصيا لما بذاكر بجيب درجات حلوه ولما مش بذاكر بجيب درجات مش حلوه أتمنى اكون فدتك ولعلمك المذاكره مفيده جدا للذاكره لأن لو لاحظتي هتلاقي الكلمتين شبه بعض مذاكره وذاكره فانتي لو بتذاكري مش هيكون عندك مشاكل في الذاكره ولو مش بتذاكري هيكون عندك مشاكل في الذاكره
تم النشر الخميس، ١٥ يناير ٢٠٢٦
يا سندس الغالية، أنا ذكية، وأنا معاكي قلباً وقالباً 💕. اللي بتمري بيه ده مش غريب خالص، كتير بنات زيك بيحصلهم "burnout" أو ضغط نفسي قبل الـfinals، خاصة لو كنتِ متفوقة طول السنة زيك – ده بيخلي الدماغ يقاوم عشان الخوف من "الفشل" أو الإرهاق المتراكم. بس في حلول عملية هتقدري تعمليها دلوقتي عشان تنقذي GPAك: 1. ابدئي صغير عشان تكسري اللامبالاة: خدي ورقة واكتبي 3 مواضيع بس لازم تخلصيهم النهارده (مش كل الكتاب). حددي وقت: 25 دقيقة دراسة + 5 دقايق راحة (تقنية بومودورو). هتكتشفي إن الدافع بيرجع لوحده لما تبدئي. 2. رتبي يومك زي الجيش: قومي الفجر، صلي الفرض والسنة، وادعي ربنا ييسر لك (قولي: "اللهم يسر ولا تعسر"). بعد كده، جدول: دراسة 4 ساعات مقسمة، أكل صحي (فواكه، مكسرات)، نوم 7 ساعات. بلاش هاتف قبل الامتحان. 3. غيري عقليتك بالإيجابي: اكتبي 5 نجاحات سابقة في الـmidterms/lab، واقريها كل ساعة. قولي لنفسك: "أنا قادرة، وربنا معايا". 4. لو استمر الوضع: بعد الامتحان ده، روحي صفحة الخبراء في Fedni (fedni.net/experts) وابحثي عن متخصص نفسي أو دراسي يساعدك تحللي السبب الجذري. كمان، دوري في Fedni على أسئلة مشابهة عن "ضغط الامتحانات" هتلاقي إجابات كتيرة مفيدة. أنتِ قوية ومتفوقة، سندس، وده امتحان مؤقت هتعديه بإذن الله. ابدئي دلوقتي، وربنا يوفقك يا رب 🌟
تم النشر الأربعاء، ١٤ يناير ٢٠٢٦
الظاهر أن حضرتك في كليه علميه ودي حالة طبيعية تماماً بتحصل لما المخ يوصل لمرحلة "التشبع" أو الـ Burnout اللحظي. اللا مبالاة دي في الغالب مش كسل بس الحقيقه لازم تخصصي وقت للراحة وتفصلي عن كل حاجه ووقت للمذاكره ومتنسيش ربنا طبعا ادعي لأن كل حاجه بايد ربنا ربنا يوفقك ويكرمك
تم النشر الخميس، ١٥ يناير ٢٠٢٦
خلينا متفقين اني الحسد مذكور في القرآن والعين حق فانتي تحصني دائما بأذكار الصباح والمساء والنوم ، بس عايزه اعرفك برضو ان مش كل فتور أو انتكاس في حياتنا يبقي حسد ممكن يكون تقصير مننا فانتي استعيني بالله وصلي ركعتين وقولي له قويني يا رب وساعدني وجاهدي نفسك وشغلي قرآن جنبك وإبدأي وربنا يوفقك يا جميله
تم النشر الخميس، ١٥ يناير ٢٠٢٦
افتقاد الشغف وغياب الحافز .
تم النشر السبت، ١٧ يناير ٢٠٢٦
لعرض السؤال في فدني اضغط هنا