السلام عليكم ورحمة الله وبركاته
انا عندي عاده سيئه في حياتي ونفسي ابعد عنها بس مش عارف لوحدي فهل ممكن حد يفدني في الموضوع ده اعمل ايه بالظبط علشان ابطل الحاجه دي 😢
التغيير بيبدا بالاعتراف بالذنب تليها التوبه ودي خطوه حلوه اهم حاجه الانشغال، دخل صحبه حلوه صالحه في حياتك اشغل وقتك اول ما تحس انك مقبل على الحاجه دي (استغفر،اتمشى،اتوضى، اقعد مع أهلك ) الموضوع بيتلخص في حاجتين التقرب الى الله وانك تشغل وقتك بحاجات مفيده ربنا يصلح الحال ويساعدك ##ابعد عن السوشيال ميديا
تم النشر الثلاثاء، ٣١ مارس ٢٠٢٦
وعليكم السلام ورحمة الله وبركاته اول حاجة لازم تبقى عندك يقين ومؤمن انها حرام تعالي ناخدها واحدة واحدة هي بقي حرام لعدة اسباب منها: -» انها ليها اضرار نفسية وجسدية وجنسية وصحية وكمان عقلية يعني هي كدا باب من ابواب التهلكة وسيدنا النبي صلى الله عليه وسلم قال ( لا ترمو بأنفسكم في التهلكة ) واظن مفيش اكتر من كدة تهلكة -» حضرتك دلوقتي علشان تعمل الفعل المشين دا لازم تستحضر حاجة تعلي بيها شهوتك يعني هتجيب موبايلك اللذيذ وتفتح موضع من اياهم وتتفرج علي فيديو يدمر عقلك ويبوظ طريقة تفكيرك ودا في حد ذاته تهلكه وكمان حرام لان من تقوي الله عز وجل غض النظر وبكدا حضرتك بتطلق النظر في غير محله ودا ذنب كبير ودا كمان استغلال لنعم الله اللي هي النظر والموبايل في معصية الله يعني ربنا مديك نعمة وانتا بتعصيه بيها ودا ذنب تاني -» حضرتك معدتش عليك معلومة ان سيدنا النبي صلي الله عليه وسلم قال ان في ناس هتيجي يوم القيامة معاها جبااااال من الحسنات وربنا هيقول للجبال دي كوني هبائاً منثورا مع ان الناس دي كانت بتصلي وبتصوم وبتزكي وبتتصدق كمان ولما الصحابة سئلو سيدنا النبي طيب لية ربنا هيمحو كل الحسنات دي عارف كان رده ايه كان رده ان الناس دي ( كلما خلو بمحارم الله انتهكوها ) ودا اللي حضرتك بتعمله وانتا بتمارس العادة بتدخل مكان فيه خلوة علشان تنتهك حرمات الله -»طيب معداش علي حضرتك حديث النبي صلى الله عليه وسلم ( من يضمن ليه ما بين لحييه وما بين فخذيه واضمن له الحنة ) يعني حضرتك لو مصونتش ما بين لحييك ( لسانك ) وما بين فخذيك ( فرجك ) مش هتبقي مضمونة بالنسبالك الجنة -» حضرتك لما بتيجي تعمل العادة المنيلة بتدخل في اكتر مكان متأكد ان مفيش بشر هيشوفك فيه ودا طبيعي بس في حاجة غايبة عن حضرتك انا ربنا قال في كتابه العزيز ( يستخفون من الناس ولا يتخفون من الله وهو معهم ) يعني حضرتك هنا بتجعل ربنا عز وجل اهون الناظرين ليك ودا ذنب خطير جدا جدا جدا وذنب يصل لدرجة الشرك لانك بكدة بتثبت لنفسك ان خوفك من الناس اقوي من خوفك من ربنا . وبالنسبة لعلاجها فهو دينى و جزء سلوكي ولكن لا يغير الله ما يقوم حتي يغيرو ما بأنفسهم يعني زي ما في جانب نفسي وسلوكي برضو في جانب اكبر وهو الجانب الديني ولازم انا وانت واي حد يكون علي يقين انه مش هيقدر يتغير أو يتقدم أو يتعافي غير لو ربنا اراد دا مش هتقدر تمشي خطوة واحدة لقدام او ترجعها غير لو ربنا اعانك علي دا ...... امنع تماما أى حاجه بتخليك تعملها حتى لو وصلت لدرجة انه تسيب التليفون دا خالص من ايدك وفيه برنامج اسمه واعى دا هتلاقى عليه كل التفاصيل المفصله عنها وطرق علاجها بالظبط
تم النشر الثلاثاء، ٣١ مارس ٢٠٢٦
وعليكم السلام ورحمة الله وبركاته يا أخي الكريم 😊 أولاً، أشكرك على شجاعتك في مشاركة هالموضوع، وأنت مش لوحدك فيه – كتير من الشباب يواجهون التحدي ده، وهو ممكن التغلب عليه بإذن الله بالصبر والعزيمة. العادة السرية مش "دمار المجتمع" زي ما بعض الناس بيقولوا، لكنها عادة ضارة نفسيًا وجسديًا لو استمرت، وبتبعد عن التركيز والإنتاجية. الحمد لله إنك عايز تبطلها، ده خطوة كبيرة! خطوات عملية علشان تبطلها إن شاء الله (ابدأ بيها النهارده): قطع السبب الرئيسي : احذف كل التطبيقات أو المواقع اللي بتثيرك (إباحي أو غيره)، وحط فلاتر على الجوال زي "Qustodio" أو "Clean Browsing". خلي الجوال بره الغرفة لما تنام. شغل وقتك : حدد جدول يومي مليان – رياضة قوية زي الجري أو رفع أثقال يوميًا (بتقلل الطاقة الزايدة)، اقرأ قرآن أو كتب إسلامية، أو تعلم مهارة جديدة زي لغة أو برمجة. الهدف: ما تسيبش وقت فراغ. تعزيز الروحانيات : زد الصلاة والقيام، صم أيام الاثنين والخميس، وقول "أعوذ بالله من الشيطان الرجيم" لما يجيلك الوسواس. الذكر بيبني إرادة حديدية! رتب حياتك : نام باكر (قبل 11 مساءً)، كل أكل صحي غني بالبروتين (بيض، لحم، مكسرات)، واشرب ماء كتير. لو أمكن، فكر في الزواج المبكر إذا كنت جاهز ماديًا. تابع تقدمك : استخدم تطبيق زي "Habitica" أو دفتر يومي، سجل أيام نجاحك وركز على الإيجابي. لو رجعت، ما تستسلم – ابدأ من جديد، الانتكاسات جزء من الرحلة. لو استمر التحدي، روح على صفحة الخبراء في Fedni: https://www.fedni.net/experts وابحث عن متخصص نفسي أو ديني يقدم استشارات خاصة. كمان، ابحث في Fedni عن أسئلة مشابهة زي "كيف أتوقف عن العادة السرية" هتلاقي إجابات كتيرة مفيدة. أنت قوي يا بطل، وبتقدر تنجح إن شاء الله! لو عايز تفاصيل أكتر، قولي. ربنا يعينك ويثبتك 💪❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٣٠ مارس ٢٠٢٦
في برنامج حلو جدا اسمو واعي للتعافي من الادمان هيساعدك شويه بس طبعا اهم حاجه قرارك الداخلي وتوبتك بنية عدم الرجوع مره اخرى ابدا . واعرف ان الندم لو زاد عن حدو بيبقا من الشيطان يعني طبعا الندم لازم عشان قبول التوبه لكن لو استمر كتير من غير اخذ خطوات فعليه بيبقا من الشيطان وقتها قوم صلي ركعتين توبه طبعا بعد الاغتسال وانوي عدم تكرير العاده مره اخرى وحتى لو وقعت في اي زلات بعد كده قوم تاني بعدها على طول وكمل التحدي ربنا بيحب الخطائين التوابين حاول وإن شاء الله هتوصل 💗
تم النشر الثلاثاء، ٣١ مارس ٢٠٢٦
كلنا بنغلط بس ده مش معناه أن احنا نتمادى فى الغلط وكويس اوى إن فى ندم ومحدش معصوم من الخطأ بس مش كلوا نفس الخطأ المهم يعنى بسم الله والصلاة والسلام على رسول الله استعن بالله واستغفر وتوب وحتى لو غلطت ألف مرة توب واوعى تنسى أن الله غفور رحيم وحاول تقوم نفسك ديما واصلح ما بينك وبين الله يعينك الله على ترك الذنب إن شاء الله تعالى
تم النشر الثلاثاء، ٣١ مارس ٢٠٢٦
لعرض السؤال في فدني اضغط هنا