سلام عليكم
انا بنت عمري 20 في كلية اصول دين مكنتش حبه الكليه ودخلتها نقدر نقول نصيب مع اني كنت جيبن مجموع اعلي بس حصل حاجات كتير ولكن سبحان مدبر الأقدار بقيت فيها وبحاول وحولت كتير احول وادخل كليه تاني بس كل الابواب مقفوله فقررت ارضي بالي ربنا كتبه وان خلاص بعني انا بقيت ف تانيه ودي حاجه مزعلاني. جدا. مع اني راضيه والله بس زعلانه اني بكبر في كليه مش حباها وفي مجال مكنتش عوزاه طبعا مش قصدي حاجه عن المجال الديني انا ازهريه فمهما كنت دخلت اي كليه كان غالبا هيبقي موجود نفس المواد الدينيه والقران ثابت في كل الكليات ولكن انا قصدي اني كنت علمي وبحب الرياضه جدا و بقيت في كليه ادبي دا مضيقني جدا ولاني مكنتش بحب احفظ بلاقي صعوبه كبيره جدا في حفظ الاحاديث والتفسير لكن لقيه نفسي ف مواد مقارنة اديان وكدا والي مخلبني مضايقه اكتر اني شايفه ان الكليه ملهاش مستقبل وملهاش مجال شغل كويس وانا بردو مش حبه التدريس فلو حد عنده طريقه اقدر اشتغل بيها بالكليه مجال كويس ياريت يفدني
ولو حد يعرف حاجه عن مجال تدريس الاعاجم او اي طريق ابدء فيه يبقي شكرا جدا 🤍
وعليكم السلام ورحمة الله وبركاتة انتى بتقولى كنتى علمى وبتحبى الرياضة وبتلاقى دلوقتى صعوبة فى حفظ الأحاديث والتفسير بس احنا فى الأزهر عندنا على مدار ٣ سنين ثانوى كنا بناخد تفسير و حديث عادى فى العلمى قصدى ان دا مكانش مقتصر على الأدبى المهم بصى هو أول حاجة دا قضاء الله عز وجل وقدرك والحمد لله انتى راضية بدا وخلى بالك ممكن جدا تخلصى الكلية دية وتبدأى فى مكان تانى تكون حاجة حابها ولاقيه شغفك فيها فاهمانى بالنسبة للشغل ف انتى قولتى مجال والله لو اتطورتى واهتميتى بيه وركزتى على نفسك فيه هتبقى أفضل من ١٠٠ كلية حرفيا ألا وهو تعليم الأعاجم بس دا بيتطلب مهارات معينة كان حد زميلى قالى على الأقل تبقى كويس فى الإنجليزى وتبقى كويس جدا فى القرآن وكذلك اللغة العربية أما عن طريق معين ف ممكن تبحثى عن منصة أساكيب أو فيه كتاب لصاحب المنصة ديه أعتقد بتبقى البداية دا من كلام حد زميلى اشتغل فى المجال دا ربنا يوفقك وييسر أمرك
تم النشر السبت، ٢٠ يونيو ٢٠٢٦
وعليكم السلام ورحمة الله، يا بنتي. أولاً، أحب أقولك إن شعورك طبيعي جدًا، ومش عيب إنك تكوني زعلانة أو مضايقة من اختيار مش كان في بالك، خاصة وأنتِ علمي وبتحبي الرياضيات. ربنا سبحانه وتعالى بيختار لنا أحيانًا طرق مش بنتخيلها، وده مش معناه إن المستقبل مقفول، بل ممكن يكون فيه فرص أحسن مما تتخيلي لو ركزتِ على نقاط قوتك. بالنسبة لمستقبل خريجي أصول الدين، المجال مش محصور في التدريس فقط. فيه فرص كتير في البحث العلمي والدراسات الإسلامية، زي العمل كباحثة في مراكز الدراسات الدينية أو الجامعات، أو في مجال مقارنة الأديان اللي أنتِ بتحبيه، وده ممكن يفتح لك أبواب في الحوار بين الأديان أو المنظمات الدولية اللي بتتعامل مع قضايا دينية وثقافية. كمان، تقدري تشتغلي في الإعلام الإسلامي، زي إعداد المحتوى الديني للقنوات أو المنصات الرقمية، أو الترجمة للنصوص الإسلامية للغات أجنبية، خاصة لو طورتِ مهاراتك في اللغة الإنجليزية أو غيرها. وفي مجال الدعوة للأجانب (الأعاجم)، ممكن تبدئي بتعلم طرق تدريس الإسلام والعربية لغير الناطقين بها من خلال دورات متخصصة في تعليم اللغة أو الثقافة الإسلامية، وده مجال مطلوب في المراكز الثقافية أو المنظمات الدولية. نصيحتي العملية: ركزي دلوقتي على بناء مهارات إضافية زي الكتابة، البحث، أو حتى التصميم الرقمي عشان تقدري تنتجي محتوى ديني جذاب. حاولي تبحثي عن فرص تطوع أو تدريب في وزارة الأوقاف أو المنظمات الإسلامية، واستغلي شغفك بمقارنة الأديان عشان تطوري نفسك فيه. ولو عايزة آراء أكتر، ابحثي عن أسئلة مشابهة على فدني عشان تشوفي تجارب بنات تانيين. ربنا يوفقك ويفتح لك أبواب الخير، وتذكري إن الرضا بالقضاء مع السعي هو أساس النجاح. 🤍
تم النشر السبت، ٢٠ يونيو ٢٠٢٦
لعرض السؤال في فدني اضغط هنا