السلام عليكم ورحمة الله وبركاته اولا انتي مسلمة ومؤمنة بالله قبل اي حاجة وعارفة ان الانتحار من الكبائر ودي حاجة معليهاش فصال انا مش عارفة اي اللي ممكن يكون تاعبك في الدنيا وصلك للحالة دي بس فكري فيها من الناحية دي يعني انتي دلوقت تعبانة جدا في الدنيا ومش مرتاحة ابدا عايزة كمان تتعبي في الآخرة؟ معقولة مش هيبقى فيه راحة ابدا ! انتي تستاهلي الراحة والسعادة وراحة البال سواء كان في الدنيا او في الآخرة وان لو تنوليها في الدنيا عالاقل لا تضيعيها في الاخرة تاني حاجة انتي محتاجة تقعدي مع نفسك وتفهمي انتي اي اللي وصلك للحالة دي بدل ما تبقى مشاعرك كثيفة وغامضة وعقلك يختار انه يعبر عنها بكلمة انا مش قادرة اكمل ... متسيبييش نفسك حاولي تفهميها وتفهمي اي اللي شاغلك وتعبك بالزبط وابداي عالجيه تالت حاجة اشغلي نفسك ارجعي اعملي حاجات بتجبيها قللي وقت قعدتك لوحدك قدر المستطاع عشان الأفكار دي متتكررش معاكي دوري على هوايات وحاجات بتحبيها واعمليها اسأل الله ان يرزقك السكينة والراحة ويبعد عنك هذه الافكار الشيطانية ويريح قلبك وتلاقي مرادك في الدنيا وتلقي نتيجة صبرك في الآخرة اختي في الله الدنيا جميلة والجنة اجمل بكثير وروحك هي أغلى حاجة لا تضيعيها
الله يكرمك ..مش عارفة بس اكتر حاجة انا مازماني يمكن انه اهلي بيمنعوني من عبادات مهمة بالنسبة لي وكمان ممنوع اي حاجة غير المذاكرة وامي قافلة علي في البيت لا اقابل حد ولا اخرج ولا اعمل حاجة غير اني اذاكر وانا مبحبش المذاكرة اصلا
تم النشر الأربعاء، ١١ مارس ٢٠٢٦
لعرض الإجابة في فدني اضغط هنا