Salma Ashraf

السلام عليكم ورحمة الله وبركاته اولا انتي مسلمة ومؤمنة بالله قبل اي حاجة وعارفة ان الانتحار من الكبائر ودي حاجة معليهاش فصال انا مش عارفة اي اللي ممكن يكون تاعبك في الدنيا وصلك للحالة دي بس فكري فيها من الناحية دي يعني انتي دلوقت تعبانة جدا في الدنيا ومش مرتاحة ابدا عايزة كمان تتعبي في الآخرة؟ معقولة مش هيبقى فيه راحة ابدا ! انتي تستاهلي الراحة والسعادة وراحة البال سواء كان في الدنيا او في الآخرة وان لو تنوليها في الدنيا عالاقل لا تضيعيها في الاخرة تاني حاجة انتي محتاجة تقعدي مع نفسك وتفهمي انتي اي اللي وصلك للحالة دي بدل ما تبقى مشاعرك كثيفة وغامضة وعقلك يختار انه يعبر عنها بكلمة انا مش قادرة اكمل ... متسيبييش نفسك حاولي تفهميها وتفهمي اي اللي شاغلك وتعبك بالزبط وابداي عالجيه تالت حاجة اشغلي نفسك ارجعي اعملي حاجات بتجبيها قللي وقت قعدتك لوحدك قدر المستطاع عشان الأفكار دي متتكررش معاكي دوري على هوايات وحاجات بتحبيها واعمليها اسأل الله ان يرزقك السكينة والراحة ويبعد عنك هذه الافكار الشيطانية ويريح قلبك وتلاقي مرادك في الدنيا وتلقي نتيجة صبرك في الآخرة اختي في الله الدنيا جميلة والجنة اجمل بكثير وروحك هي أغلى حاجة لا تضيعيها

اول حاجة محتاجة تكوني متصالحه مع نفسك اكتر من كدا وتكوني هينة وحنينة عليها احنا مش موجودين هنا عشان نبهر حد ولا نثبت لحد حاجة معينة اهم حاجة تتعلمي ازاي تكوني راضية عن نفسك ودا مش هيحصل الا لما تتعلمي ازاي تكوني واثقة في نفسك لازم تتعلمي تحبي نفسك ودا عن طريق انك تفهميها حاولي تكتشفي نفسك وتعرفي انتي بتحبي اي وبتكرهي اي اي مميزاتك اي عيوبك اي اللي بتعرفي تعمليه كل دا هيساعدك جدا في رحلة اكتشاف النفس وافتكري كل ما تعرفي نفسك اكتر كل ما تفهميها اكتر

عيزاكي متقلقيش خالص كل دا طبيعي ومش انتي لوحدك اللي بتحسي بدا كلنا والله اهم حاجة تكملي صدقيني الاستمرارية هي سر النجاح حتى لو مش متأكدة من اللي جاي حتى لو مش قادرة حتى لو مش هتنجزي كتير المهم متقفيش ومتنسيش تدعي ربنا بالحاح انه يحققلك كل اللي بتتمنيه وربنا ارب يوفقك ويوفقنا كلنا

ارتاحي واسترخي اخرجي مع الصحاب والأهل ومتنسيش ابدا انك تصلي وتدعي ربنا كتير انه يكرمك بالنتيجة ان شاء الله ممكن تجربي حاجات جديدة زي انك تلعبي رياضة جديدة او تنزلي جيم او تخرجي خروجة حلوة تاكلي في مطعم حديد دلعي نفسك اخر دلع انتي تستاهلي ي بطله بعد كل التعب دا