السلام عليكم
كنت بحب بنت وكلمتها واول ما كلمتها قولتلها ان انا هتقدملها وهيا وافقت ل انها كانت بتحبني وانا بحبها برضو بس من بعيد ل بعيد ف انا اعترفتلها وقولتلها ان انا هكلم ابوها وكلمتو ب الفعل وكانو موافقين وقولتلو ان انا هتلكم مع ابويا ونيجي نقرا فاتحه ف كلمت ابويا رفض ومش موافق ل اسباب معينه ورافض تماما ف انا غلط ان انا كلمت ابوها قبل ما اكلم ابويا الاول بس مكنتش متوقع ان هوا يرفض المهم ابوها كان مستني مني رد اقوله ابويا قال اي ل ان ابوها بيني وبينه معرفه جامده وفي صحوبيه المهم لما لقيت ابويا رافض قولت ل ابوها ان ابويا مش موافق عشان مفضلش معلقهم معايا وخليهم مستنين ان انا اتقدم وكده وقولت للبنت ان ابويا مش موافق عشان متفضلش متعلقه علي امل واكسر بخاطرها ف اكون صريح من الاول ل ان هدخل ف صراع مع ابويا ف الموضوع ده وانا مش حابب كده ف نهيت كل حاجة هل انا اتصرفت صح ولا غلط عشان حاسس بندم وان انا كسرت خاطرها
كنت المفروض تحاول مع باباك لانك بتحبها بس مدام باباك رافض و انت قولت لأهلها كدا في انت صح و ربنا اكيد كاتب ليك الخير في بنت تانيه و باذن الله تعالى ربنا يعوضك بس حابه اقولك متزعلش اكيد باباك شايف حاجه انت مش شايفه و أن شاء الله خير
تم النشر الثلاثاء، ٢٣ يونيو ٢٠٢٦
وعليكم السلام ورحمة الله. أولاً، أحييك على الصراحة والشجاعة اللي أظهرتها في موقف صعب زي ده. اللي حصل مؤلم فعلاً، وشعور الندم طبيعي لأنك كنت بتحب البنت وكنت شايف إن الأمور هتمشي بسهولة. لكن خلينا نشوف الصورة كاملة بهدوء. أنت ما غلطتش في القرار النهائي. كنت صريح مع أبوها ومع البنت من أول لحظة، وده أفضل بكتير من إنك تسكت وتخليهم معلقين على أمل كاذب، ثم يحصل صدام أكبر بعد كده. في الإسلام، رضا الأبوين (خصوصاً الأب) في موضوع الزواج له وزن كبير، وأنت حاولت تحترم ده بدل ما تدخل في صراع مع والدك. الندم اللي بتحسه دلوقتي غالباً بييجي من "لو كنت عملت كذا"، لكن الحقيقة إنك لو كنت كملت وأنت عارف إن والدك رافض، كان الموضوع هيبقى أصعب على الجميع، وكان ممكن يحصل مشاكل أكبر بين العيلتين. اللي تقدر تعمله دلوقتي هو: تتقبل إن القرار كان صعب لكنه كان لازم، وإن "الخير فيما اختاره الله". لو لسه بتحس بندم شديد، حاول تكتب الإيجابيات اللي ظهرت من الموقف (مثلاً: عرفت إن لازم تتكلم مع أهلك الأول في أي خطوة زي دي). ركز على نفسك فترة: طور من نفسك، وادعي ربنا ييسر لك الزوجة الصالحة اللي توافق أهلك وأهلها. أنت عملت اللي تقدر عليه في الظروف دي، وده مش هيخلّي البنت تتأذى أكتر من لو كنت سبتها معلقة. ربنا يعوضك خير ويشرح صدرك. لو عايز تتكلم أكتر عن اللي بيحصل جواك، أنا هنا.
تم النشر الثلاثاء، ٢٣ يونيو ٢٠٢٦
@فَاطِمٌ الشَّافِعِيُّ. للاسف مش هينفع ادخل حد ف الموضوع ده ل ان ابويا حلف وحلف ب الطلاق ان هوا مش هيدخل البيت ده نهائي وكذه حد اتكلم معه قالو نفس الكلام ف هوا مش هيتنازل انا عارف وقال لو هوا عايز يروح وانا من طريق وهوا من طريق ده كله ل حاجة قديمه هوا عارفها عنهم ولاسف حقيقه وانا عارف ان البنت ملهاش ذنب بس طبعاً وجه نظر ابويا ان دي عائلات هتدخل ف بعض عشان كدا رافض ف مفيش حل غير ان انا انسي واسيبها وابعد عنها عشان معشمهاش ب حاجة تاني وتنساني ف انا ال عاوز اعملو انها تنساني
تم النشر الثلاثاء، ٢٣ يونيو ٢٠٢٦
@فَاطِمٌ الشَّافِعِيُّ. من ناحية اتعلمت من الدرس ف انا اتعلمت وندمان ندم شديد ان كل اللي فارق معايا البنت والله مش اكتر مكنتش عايز اكسر بخاطرها رغم ان انا مكسور اكتر منها ل اني بحبها
تم النشر الثلاثاء، ٢٣ يونيو ٢٠٢٦
@mo hamed فهمت أيوة قدر الله وما شاء فعل
تم النشر الثلاثاء، ٢٣ يونيو ٢٠٢٦
طيب هقولك بـ إختصار أول حاجة حضرتك معتمد على الحب فقط ولكن النضج والمسؤولية عندك مش كافية والإنسان بيتعلم عادي لأزم لما تأخد قرار تكون واثق في قرارك وتتعلم تدافع عن إختيارتك وقراراتك، أنت دالوقتي بتقول أنا اتسرعت بس ليه مثلًا مع إني متأكدة إنك سألت والدك عن أسباب الرفض بس مش متقبل، وعايز فعلًا تتزوج بس برضو مش عايز تخسر والدك والعائلة يعني عايز ترضي جميع الأطراف، ودا حلو عامةً أنت أفهم أهلك ولو وافقوا عادي أتقدم تاني بس مش الأهل دالوقتي أنت لأزم تفهم أنت عايز إيه الفكرة مش إن في ناس بتتقدم لـ البنت لأ أنت كان ممكن تتكلم مع ابو البنت وتفهمه وضعك وكدا وبعدين تتكلم مع والدك أنت وتحاول معاه بس أكيد أنت أتعلمت وفهمت الدرس
تم النشر الثلاثاء، ٢٣ يونيو ٢٠٢٦
يعني لو والدك رفض كنت هترفض معاه؟ دا زواج
تم النشر الثلاثاء، ٢٣ يونيو ٢٠٢٦
@mo hamed تسرع يعني دالوقتي شلت الموضوع من دماغك؟
تم النشر الثلاثاء، ٢٣ يونيو ٢٠٢٦
وعليكم السلام، طيب وليه حضرتك طالما ناوي على زواج وكلمت البنت ليه مقعدتش ما والدك وعرفت سبب الرفض؟ مش فكرة رديت عليهم عامةً واضح إنك بتاخد القرار بدون تفكير بعدين بتندم؟ لأزم تعرف أسباب رفض والدك ووجهة نظرة وبعدين تتكلم معاه وأنت عطيت أبو البنت كلمة وعطيت البنت كلمة؟ وأعتقد كلمـة راجل يعني تتنفذ أنا طبعًا مش بقلل من حضرتك بس بقولك ليه ما أخدتش وقت تفكر وتحلل وتتقدم بعدها
تم النشر الثلاثاء، ٢٣ يونيو ٢٠٢٦
الاسباب المعينه اللي باباك قلك عليها تفرق معاك في حاجه
تم النشر الثلاثاء، ٢٣ يونيو ٢٠٢٦
تصرفك صحيح ، ولكن يجب أن تعلم أن الحديث مع النساء نفسها *حرام* .
تم النشر الثلاثاء، ٢٣ يونيو ٢٠٢٦
عذرًا مش قصدي ادايق حضرتك ، ولكن تصرفك غلط من بداية لما كلمتها الأول . بتحبها ؟! ...... مش حرام ولكن تكتم فقلبك وتحافظ على مشاعرها من الأول وتشوف ظروفك وتتقدم . اللّه يهدي حضرتك والبنت لأن الكلام من الأول حرام ، ويهدي والد حضرتك وييسر أموركم لِما يحبه ويرضاه .
تم النشر الثلاثاء، ٢٣ يونيو ٢٠٢٦
@mo hamed أنا فهمت حضرتك بجد وإن شاء الله تكون من نصيبك طيب مينفعش حد من العائلة يدخل حد كبير يعني ويتكلم معاه
تم النشر الثلاثاء، ٢٣ يونيو ٢٠٢٦
@فَاطِمٌ الشَّافِعِيُّ. ابويا مش رافض رفض طبيعي ل اسباب مينفعش اقولها وحلف ان هوا مش هيدخل البيت ده نهائي لو علي موته ف كنت هدخل معه ف صراع لو كملت ف الموضوع ده عشان كدا جيت معاهم صريح عشان الموضوع مكيبرش وندخل ف مشاكل
تم النشر الثلاثاء، ٢٣ يونيو ٢٠٢٦
@فَاطِمٌ الشَّافِعِيُّ. تسرع مني اني متكلمتش مع ابويا الاول
تم النشر الثلاثاء، ٢٣ يونيو ٢٠٢٦
@فَاطِمٌ الشَّافِعِيُّ. كان تسرع مني ل ان كان بيتقدملها ناس كتير واهلها كانو موافقين ف ده اللي خلاني مفكرش
تم النشر الثلاثاء، ٢٣ يونيو ٢٠٢٦
لعرض السؤال في فدني اضغط هنا