بجد مش عارف ابدا ازاي بس انا 17 سنة في تالتة ثانوي من زمان وانا مش بعرف اتصاحب على الناس وعلى طول منعزل شوية علي نفسي بس ده مش معناه اني معنديش صحاب لا عندي بس قليلين بس برضو مش بنتكلم كتير او هما محدش منهم بيكلمني كتير ودايما انا الي بخش ابدا كلام الاول
وبدأت احس بالوحدة جامد وده بسبب اني معنديش ولا بيست فريند ولا عندي شلة تانية غيرهم وكمان عشان انا الادبي الوحيد الي في الشلة مع اني اشطرهم يعني بس انا الوحيد الي دخلت ادبي فيهم فدلوقتي بروح كل دروسي لوحدي وباجي لوحدي والكلام ده من شهر 8 لحد دلوقتي كل يوم بعد ما اخلص مذاكرة حرفيا بقعد خمس ست ساعات قبل ما يجيلي نوم مش بعمل اي حاجه ومش بكلم حد لغاية ما فقدت الشغف في كل حاجه لدرجة ان مبقاش فارق معايا اي حاجه في الدنيا والله
النهاردة كنت بطريقة ما كده كنت هموت مش حابب اخش في تفاصيل كتير بس الي خوفني اوي من الحاجة دي ان وانا شايف الموت جايلي قدام عيني مخفتش ولا اتحركت والصراحة معرفش هل انا فرحان عشان ربنا طول في عمري ولا زعلان عشان هفضل مكمل في الروتين الي ملوش آخر ده
والمشكلة ان كل الي بيشوفني بيحسدني علي حياتي الي انا مش فرحان بيها كل الناس شايفة بس اني شاطر ودمي خفيف وطيب مع الناس وحتى بعرف العب كورة حلو اوي بس الناس دي كلها متعرفش انا قد ايه من جوايا مكتئب اوي وبقت تصعب عليا نفسي اوي ومش عارف ايه الي انا عملته خلى حياتي كلها كده
ومع العلم اني الحمد لله بصلي وبعمل كل حاجه عليا من عبادة وطاعة والي بيزعلني كمان ان الناس الي بشوفها كل يوم في الشارع او الدروس مفكرين اني متكبر عشان علي طول ساكت وعشان بقيت مبتكلمش كتير وهما شايفين اني بعمل كده عشان شايف نفسي عليهم بس بجد انا من جوايا معنديش طاقة او شغف تخليني اتكلم مع حد اصلا فبجد لو حد ليه نصيحة ليا ياريت ميبخلش بيها عليا يمكن تكون سبب في رجوع معني الحياة ليا تاني
من قرائتي شايف فيك انك عندك مقومات التعافي لأنك مش داخل في دور الضحية لأن نظرتك لنفسك مش صفر لا انت شايف نفسك بتعرف تلعب وبتصلي وشاطر ... وده حجر الأساس لأن لو نظرتك لنفسك ايجابية هتعمل كل حاجة بدون خوف ... مثلا هتندمج أكثر مع الناس لأن الانعزال سببه انك شايف نفسك اقل من الناس فخايف يرفضوك ... يعني هدفك هو تعديل نظرتك لنفسك ، ولاكن الدماغ مش هتعرف تضحك عليه هو عايز دليل عشان يصدق انك كويس ... فباختصار هنشتغل عالدلائل دي فالوقت الفاضي قبل النوم خليه هوايات تزيد احترامك لنفسك .... زي القرآن ، قراءة كتاب ، الرياضة ، كتابة الشعر ، مساعدة الناس على فدني ، الصدقة ،كتابة الأفكار ، التأمل ، ... يعني روتين معين من الحاجات اللي بتحبهاوقليل دائم خير من كثير منقطع
تم النشر الأحد، ١١ مايو ٢٠٢٥
اولا كدا انت تالته ثانوي وخلاص الامتحانات على أبواب ف ركز على مذاكرتك ومستقبلك ولما تجيب مجموع عالى آخر السنه وتدخل كليه كويسه هناك هتتعرف على صحبه كويسه على ناس شبهك متعلقش نفسك بأصدقاء الثانوي لأن كل واحد هيروح كليه مختلفه وهتتفرقوا وخليك عارفه ان في كل مرحله من حياتك هيكون عندك اصدقاء مختلفين بس نادر اما حد يكمل معاك للاخر بس لو عايز اصدقاء بجد ويكونوا عون ليك صاحب أصحاب المساجد أصحاب حلقات العلم أصحاب حلقات القران هما دول الصحبه الحقيقه فعلا الفتره دي محتاجه منك انك تركز على نفسك وبس والناس لما هتلاقيك ناجح هما الي هيكونوا عاوزين يتعرفوا عليك وادعى كتير أن ربنا يرزقك الصحبه الصالحه واتعلم ازي تكون صدقات وتكون اجتماعى لأن دي مهاره تكتسب برضوا بس الاهم دلوقتي هي تالته ثانوي لو فضلت مركز على صحابك هتلاقي نفسك ضعت ف ليه ركز في مذاكرتك ولما هتكون ناجح هتلاقي ناس كتير حواليك على العكس لو كنت فاشل
تم النشر الأحد، ١١ مايو ٢٠٢٥
بص تالته ثانوي عايزه الوحده اصلا مالكش دعوه بحد هيعدي المده دي كيف ما كنت وكمان ملكش دعوه انت ادب ممكن ربنا يكرمك وتجيب مجموع عالى فى نهايه السنه تحمد ربك على انك اخترت ادب وكمان لو دخلت علمى زي اصحابك ولا قدر الله جبت مجموع وحش هتقول بعدين يا ريتني ما تبعت كلام الصحاب عشان انت عايز يكون عندك أصحاب تعرف احلى صحبه ليك امك واخواتك دول بالدنيا واللى فيها الفترة دي وبعدين لما تروح الجامعه هتلاقي أصحاب كتير شله اكبر بكتير خلي الناس تشوف منك الحلو حتى لو حسدوك بس متبينش لحد أن انت زعلان وحياتك صعبه احمد ربك وصلى واقرأ قران نصيحه من اختك ملكش دعوه بحد الفتره دي ركز فى مذكراتك بس
تم النشر السبت، ١٠ مايو ٢٠٢٥
أخي العزيز، شكراً لك على صدقك ومشاركتك هذا الشعور العميق اللي فعلاً محتاج للانتباه والاهتمام. أولاً خليني أقول لك إن شعور الوحدة والفراغ الداخلي خاصة في سنك وفي مرحلة الثانوية شيء كثير منتشر، وما أنتَ فيه مش غريب ولا معناه إن فيك حاجة غلط أو ضعف. خليني أساعدك بفهم الموقف خطوة بخطوة: الوحدة وقلة الكلام مش تعني أنك شخص سيء أو أقل قيمة أحياناً الإنسان بيحتاج لفترة هدوء وانتقال داخلي مش مستعد يتكلم أو يشارك. الكلام مش شرط يكون دليل على الراحة النفسية. وسكوتك ممكن يكون وسيلة لحماية نفسك من المواقف اللي بتتعامل معها. الشعور بالفراغ لفترات طويلة ممكن يسبب الاكتئاب وهو شعور خطير، ولازم تاخده بجدية حتى لو مش دايمًا بتفهم السبب. الاكتئاب مش ضعف، ولا حاجة تخجل منها، لكنه يحتاج علاج نفسي وإداري. الصلاة والعبادة نقطة قوة كبيرة عندك وأنا أقدر جدا ارتباطك بربنا، فده أمر مهم جداً في قوتك الداخلية وفي نجاحك إنك تعدي المرحلة دي. لا تفقد الأمل ولا تستهين بالدعم الروحي اللي عندك. الشعور بأن الناس شايفة فيك حاجة غير الحقيقة ده متعب، وأكيد مأثر عليك. محاولة توضيح نفسك أحيانا مش سهلة، بس الأهم هو إنك تكون انتَ مرتاح مع نفسك، مش مع كل الناس. استغلال الوقت الطويل اللي بتحسه فراغ حاول تستخدم جزء بسيط من الوقت ده تكتب فيه مشاعرك أو حتى رسائل لنفسك من غير ما تعرضها لأي حد. لما تكتب كل اللي جواك تفريغ نفسي مش قليل، وكمان بيخليك تتعرف على نفسك أكتر. استشارة مختص نفسي أنا أنصحك بقوة لو أتيحت لك الفرصة أن تتواصل مع أخصائي نفسي أو مستشار في منطقتك أو حتى من خلال منصة فدني مع خبراء متخصصين. الحديث مع شخص مختص يمكن يساعدك تفك عقدتك ويعطيك أدوات عملية للتعامل مع مشاعرك. ممارسة نشاطات صغيرة تخرجك من دائرة الروتين لو بتعرف تلعب كرة كويس، حاول تشترك مع نادي أو لعيبة حتى ولو مش باستمرار. كمان ممكن تجرب تلتقي ناس جدد في مكان مناسب لك، حتى لو بتدريج. الهدف مش عدد الصحاب، لكن الأقل تواصلك مع ناس تفهمك. تذكير نفسك أن الحياة رحلة فيها فصول مختلفة الشعور ده مش لازم يستمر على طول. كثير من الناس يمروا بفترات كده وبعدين يرجع شغفهم لحياتهم. وأنا هنا معاك دايماً، ولو حابب تواصل أو حتى تسأل خبراء في الفروع النفسية والاجتماعية في فدني يمكن تلاقي دعم أكبر: https://www.fedni.net/experts ممكن كمان تبحث في فدني عن أسئلة مشابهة، لأن أحياناً قراءة تجارب ناس تانية بتساعد كتير. وأخيراً، يا أخي، أنت مش لوحدك، وكل شعور صعب ممكن يتحسن مع الدعم الصحيح. أنا معاك خطوة خطوة. لو حابب، ممكن نبدأ سوا بخطوة صغيرة: هل في جانب معين أو موقف محدد حابب نتكلم فيه أكتر؟
تم النشر السبت، ١٠ مايو ٢٠٢٥
انا تالت اعدادي وأختي كبيره ٣ ثانوي انا على طول بشوفها بتعيط بسب ثانوي عام لأن كل صحبها كلهم غدروا بها بس هي وحيدة لانها علمي رياضه بس الحمد لله صاحبت بنت كويسه بردو انت إن شاء الله هتصاحب واحد محترم ❤️
تم النشر الأحد، ١١ مايو ٢٠٢٥
متفهمه شعورك جدا بس حابه اكدلك أن ده الحل الأنسب ليك حاليا الصحاب م كل حاجه وم زي زمان عايزين الخير ليك اللمه الكدابه مبقاش ليها لازمه انت خلي عندك صح بس يبقي كلهم علاقات سطحيه صاحب نفسك جرب تنزل مع نفسك ديت هاتلك حاجه بتحبها وانزل قعد ف اي حته أو اتمشي وانت بتسمع اغاني اوردي هتتغير تدريجيا 💕
تم النشر الأحد، ١١ مايو ٢٠٢٥
اولا فتره وتعدي وهتروح الجامعه وهتتعرف على ناس تانيه بس انت برضو حاول تتكلم مع الناس عادي يعم الحياه مش مستاهله يعني انت موجود في الدنيا عشان خاطر الاخره ف متنساش السبب اللي انت موجود عشانه ثانيا لازم الاذكار اذكر الصباح والمساء واذكار النوم والاذكار الوارده في السنه وحاول تشغل فراغك تحفظ أو تقرا ولو صفحه يوميا وحاول تقرا كتب وروايات حرفيا بتغير المواد وبتغير تفكيرك تلقاائيا وبالك بيبقا شارد علطول في الأحداث وبيتخيل المشاهد لأن انا تقريبا شخصيتي نفس الشخصيه كدا وفي فتره من الفترات كنت نفس الحوار وربنا يهدينا يوفقنا جميعا
تم النشر السبت، ١٠ مايو ٢٠٢٥
لعرض السؤال في فدني اضغط هنا