السلام عليكم ورحمة الله وبركاتة
ممكن اعرف اي سبب ان الشخص يكون ماشي يخبط ف حاجه غصب عنه ويوقع حاجه
أو يتكعبل ف حاجه ويقع ودا كتير اووي و يتأتأ ف الكلام أو يتلخبط كتير وخصوصا لما يتكلم بسرعه
ممكن اعرف سببه اي واي الحل ؟
وارد يكون سببه الضغط النفسي والإرهاق والقلق والتوتر الحل إنك تتكلمي ببطء و متستعجليش وكل ما تلاقي نفسك بتتكلمي بسرعه إتنفسي نفس عميق و بطئي من كلامك وفكري قبل ما تنطقي الكلام إتحكمي في نفسك لما تتعرضي لمواقف تزود التوتر أو التأتأه إعملي تمارين نطق زي إنك تتكلمي وتطولي مده الكلمه او تبطئي صوتك في نطقك للكلام و تمارين بالدندنه بهدوء و شوفي إيه اللي عاملك توتر او قلق و حاولي تتخلصي منه سجلي صوتك وإنتي بتتكلمي بشكل يومي وإسمعيها ولو لقيتي إنك بتتكلمي بسرعه عيدي التسجيل و بطئي الكلام وهكذا لحد ما توصلي للنتيجه المطلوبه
تم النشر الخميس، ١٤ مارس ٢٠٢٤
وعليكم السلام ورحمة الله وبركاته.. الموضوع بدا معاكي من امتى بالظبط؟ هل كانت فيه حاجه حصلت في حياتك قبل ما يحصل معاكي ده ؟
تم النشر الخميس، ١٤ مارس ٢٠٢٤
كل الشكر 🌹
تم النشر الخميس، ١٤ مارس ٢٠٢٤
حبيبتي. ممكن تكوني مش اجتماعيه. يعني مبتحبيش الخروج ومش متعودة عليه أو باصه لنظرات الناس ليكي ومركزة معاهم قوي. وبيوترك ده. فبتحاولي تعملي الحاجه بسرعه أو مش مركز ة فالموضوع بتاع المشي أو الكلام فبتتلخبطي. وتركيزك كله فحته تانيه. حاولي تهدي. وعيشي حياتك ومتركزيش مع الناس. وخدي وقتك ولما تجمعي الكلام حتي اللي تتكلمي. بمعني اصح اتقلي. واسفه عالاطالع. وكل الدعم حبيبتي👥✊🌹🤍
تم النشر الخميس، ١٤ مارس ٢٠٢٤
لعرض السؤال في فدني اضغط هنا