نفسي افهمني نفسي اعرف اللي بحبه وايه اللي بكرهه نفسي اعرف موهبتي جربت كل حاجة مش نافعه حاسه اني ضايعه مع اني حلمي كبير بس هو صعب جدا لو حد مر قبل كده زي ياريت يقولي اعمل وشكرا 🥺🩶
السلام عليكم، إحساسك مفهوم وطبيعي خاصة لو كنتِ صغيرة بالسن، والإنسان عادي ممكن يعيش عمره كله بيحاول يفهم نفسه فلا تخلي النقطة دي عائق نفسي بالنسبة لك. فهم نفسك هيحصل من خلال تجاربك وتفاعلك مع الحياة وكمان إنك تلاقي موهبتك وميولك، لو هنصحك بحاجة مهمة تفيدك فهي القراءة، لو مش عندك عادة القراءة ابدئي نميها من دلوقتي، القراءة هتوسع مداركك وانفتاحك على العالم والحياة ومع الوقت عقلك وشخصيتك هتتطور وهتفهمي نفسك أكتر. ** كمان ممكن يفيدك تعملي تحليل لنمط شخصيتك، هيقربك شوية لفهم شخصيتك وميولك. جربي الاختبار ده وحاولي تلتزمي بالتعليمات بدقة عشان نتيجة الاختبار تكون دقيقة. https://www.for9a.com/personality-test ابحثي عن نموذج عجلة الحياة المتوازنة على يوتيوب، دي بتقسم حياتك لجوانب عدة (روحاني ونفسي وصحي ومالي ومهني وهكذا...) ولما تحللي كل جزء منها هتشوفي إيه النقص في كل جانب من حياتك وإيه محتاج تشتغلي عليه عشان تكون حياتك ناجحة ومتوازنة وتقدري تحققي أحلامك إن شاء الله. https://www.youtube.com/watch?v=e2MpsTo73a4 جربي كده ولو لسه عندك أي استفسار اكتبي لي في تعليق. بالتوفيق.💚💚
تم النشر الثلاثاء، ١٦ يونيو ٢٠٢٦
كلنا زي بعض وغالبا دا دي مشاكل سننا من كتر التفتح الي الدنيا وصلتله توهنا مبقناش عارفين احنا المفروض نبقي فين ولا نعمل اي وكل الناس بتتكلم افهم نفسك اعمل الي تحبه شوف موهبتك وكمل فيها وكلام زي دا كتير حقيقي الحاجات دي استهلكت طاقتي و وقتي و خلتني اتمرد ع واقع انا فيه واسمع الكلام الي بيتقال من ناس ناجحه بنشوفهم الي هو مترضاش غير وانت بتعمل الي تحبه و و و الحل الي وصلتله التوكل علي الله وانك تعرفي قيمة الي انتي فيه وتجربي تحسني منه حتي لو مش حباه الخطوه الصح الي تخديها ف حياتك هي انك متدوريش ع حاجه انتي حباها او حلوه فيها لان انتي في دنيا عمرك ما هتلاقي راحه وحفت الجنه بالمكاره طب والناس الناجحه والناس الي بتنتج في الي بتحبه؟ هقولك ان ف ابتلائات ومن انواع الابتلاء الاستدراج ان ربنا يدي لشخص الي هو عاوزه ويريحه لمجرد الاستدراج مش انه راضي عنه عشان كدا ركزي في الي معاكي وكملي فيه ومتبصيش لحياة ناس او مواهب ناس وتجربيها لا بصي ف ديرتك بيئتك بيتك كويس ف اي وكملي فيه والنجاح الحقيقي والاستقرار الحقيقي الجنه اسعي عشان توصللها ركزي اانك تظبطي كدا وقدرك والي مكتبلك هيجيلك🤍
تم النشر السبت، ٢٠ يونيو ٢٠٢٦
موهبه يعني شاطره ف حاجه معينه مش شرط خالص تكون حاجه ملموسه اوقات بنكون شاطرين ف تفكيرنا ونقدر نختار صح واوقات عندنا دايما نظره صح ف اي حد واه الموهبة ممكن تكون ماديه بس دي بتبان لما تعرفي انتي نفسك حواكي اي انت بتفهمي نفسك عن طريق بتجربي لحد ما توصلي لل بتحبيه واللي شغفك رايحله طبعا
تم النشر السبت، ٢٠ يونيو ٢٠٢٦
أول حاجة، أنا فاهمة شعورك تمامًا يا قمر، إنك حاسة إنك ضايعة ومش عارفة نفسك رغم إن عندك حلم كبير. ده شعور طبيعي جدًا بيمر بيه كتير من البنات في مرحلة معينة، ومش معناه إنك فاشلة أو إن حلمك مستحيل. العكس، ده دليل إنك بتدوري على نفسك بصدق، وده أول خطوة مهمة. عشان تفهمي نفسك أكتر، جربي طريقة بسيطة وفعالة: كل يوم اكتبي في ورقة أو مذكرة 3 حاجات عملتيها وحسيتي فيها بالراحة أو الفرحة، حتى لو حاجة صغيرة زي إنك رسمتي أو قرأتي كتاب أو ساعدتي حد. وكمان اكتبي 3 حاجات حسيتي فيها بالملل أو الضيق. مع الوقت هتكتشفي نمط واضح عن اللي بتحبيه واللي بتكرهيه. كمان، اسألي نفسك أسئلة زي: إيه النشاط اللي بيخليني أنسى الوقت؟ أو إيه اللي بيخليني أحس إني مفيدة؟ ده هيساعدك تعرفي موهبتك تدريجيًا بدون ما تجربي كل حاجة مرة واحدة. بالنسبة لحلمك الكبير اللي شايفاه صعب، قسميه لخطوات صغيرة جدًا تقدري تعمليها يوميًا، زي إنك تتعلمي مهارة واحدة مرتبطة بيه أو تسألي ناس ناجحين في نفس المجال عن تجاربهم. كتير من اللي مروا بنفس الإحساس دول بدأوا بخطوات بسيطة زي كده ولقوا طريقهم. لو عايزة أفكار أكتر، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وهتوصلي إن شاء الله، خليكي صبورة مع نفسك 🩶
تم النشر الثلاثاء، ١٦ يونيو ٢٠٢٦
ونا زايك انت وبسمله والله❤️🩹
تم النشر الخميس، ١٨ يونيو ٢٠٢٦
انا مريت بي ولسه لحد دلوقت معرفش موهبتي اي انا كنت شاطرة في الرسم وكنت كل سنه برسم للبنات والمستر كان بيعجبوا رسمي اوي ويفضل يوري للفصل كلوا والمس بردو كانت بتعجبها رسمي بس لقيت بنات اشطر مني بالرسم بكتير فزعلت لان انا كنت شايفاه انوا موهبه سبتوا انا احيانا ببقت رسامه واحيانا قارء واحيانا مصورة واحيانا مصورة ومش عارفه احدد موهبتي بجد وعندي احلام ومش عارفه احققوا انا مش عايزة اطلع حاجه لمجرد في دخل مادي انا عايزة ادخل حاجه افيد الناس وحاجه اكون حاباه بس انا معرفش اي هي
تم النشر الأربعاء، ١٧ يونيو ٢٠٢٦
طبيعي ده ،..الواحد لازم يتعامل ويتخذل عشان يتعلم الدرس ف اتعاملي طبيعي وهتوصلي لشخصيتك إن شاء الله
تم النشر الأربعاء، ١٧ يونيو ٢٠٢٦
التجارب والمواقف اليوميه هي اللي هتخليك تفهمي نفسك ،، يعني ركزي في شعورك عند المواقف في مواقف هتحسي إنك متضايقه لما بتحصل وفي مواقف هتكون متفقه جدا مع مبادئك ومن الملاحظات المتكرره هتبدأي تفهمي نفسك
تم النشر الثلاثاء، ١٦ يونيو ٢٠٢٦
لو سنك اقل من ٢٠ ف ده طبيعى لسه شخصيتك بتتكون ومستقرتش على حاجه معينه ترتاح فيها .. لو فيه نصيحة ممكن اقدمها ف اللى متاح قدامك امشى واسعى فيه لحد ما هتيجى وقت تلاقيكى اختارتى من غير تفكير
تم النشر الثلاثاء، ١٦ يونيو ٢٠٢٦
لعرض السؤال في فدني اضغط هنا