السلام عليكم، طيب ليه مقولتيش إن خالتك خايفة عليكِ وعارفة كويس البلاوي الموجودة على النت وخطورة الموبايلات واللي عليها خصوصًا في سنك ده؟ أنتِ جواكِ عارفة ومتأكدة إنك غلطانة، صح؟ أنتِ عارفة إنك غلطانة في كذا حاجة... أولا، في الكلام مع الولاد حتى لو كان كلام عادي لكن مع الوقت ممكن يقلب لكلام مش عادي... لما تفتحي الأبواب وتزيلي الحدود اللي ربنا وضعها فأكيد هتقعي في الغلط والكلام في يوم هيروح لمناطق ربنا لا يرضى عنها. ثانيًا، مش مهم مين دلك على الإباحية... المهم إنها حرام وأكيد أنتِ عارفة كده. والدليل إنك خفتِ خالتك تعرف إنك بتشوفيها، لكن للأسف مخفتيش ربنا اللي شايفك طول الوقت. والدك متوفي ومامتك مش متعلمة وأخوكِ أصغر منك... ده يساوي عندك مفيش رقابة فعادي نغلط؟ وفين رقابتك على نفسك، فين رقابة ربنا؟ ترضي لا قدر الله تموتي وأنتِ بتتفرجي على حاجة زي كده؟ هتقولي إيه لربنا لما تقفي قُدامه؟ ثالثًا، خالتك كبيرة... حتى لو هي 28 سنة فهي أكبر منك... هي ضعف عمرك... أكبر منك وشافت أكتر منك. ليه أخدتِ نيتها إنها سوء وتدخل.. ليه مفكرتيش إنها خايفة عليكِ؟ جايز تصرفها وإلحاحها كان غلط وكان لازم تستخدم أسلوب تاني أفضل لكن هي عملت اللي شافته صح. *** نصيحتي، ربنا أعطاكِ نعمة... الموبايل والانترنت سلاح ذو حدين.. هو نعمة من ربنا لو عرفتِ تستغليها صح. وهتُسألي يوم القيامة عن استخدامك لها وعن وقتك اللي ضيعتِها عليها في كلام فارغ مع الولاد ومشاهدة إباحية بدل ما تستغلي وقتك في حاجات تنفعك وترضي ربنا. ارجعي لربنا حبيبتي وقربي منه، توبي عن التصرفات الغلط ومتغضبيش ربنا أكتر. فكري في مستقبلك وحياتك وابنيها صح. مشاهدة الإباحية هتدخلك في إدمان وطريق وحش جدًا ممكن متقدريش تتخلصي منه بعدين. متخليش الكبر والعناد ياخدك ويخليكِ تستمري في طريق أنتِ عارفة كويس قوي إنه غلط في غلط. معلش لو حسيتِ إن كلامي قاسي لكن أي حد عاوز مصلحتك وخايف عليكِ هيقول لك كده. ربنا يهديكِ ويبعد عنك أي شر.
بصي الأهل ساعات بيعملوا كده خوفًا وحب اطمئنان ومش بيبقوا شايفين إن ده تدخل وحشرية لكن الأبناء مش بيشوفوا كده.. رد فعلك هو اللي خلاها أصرت.. كان ممكن تتصرف بطريقة مختلفة بس يمكن متعرفش إزاي تقرب بحكمة وتنصح.. المهم ابدئي غيري من نفسك مش عشان حد عشانك أنتِ.. متخليش الشيطان ينتصر عليكِ ويوسوس لك إنك ضعيفة ومتقدريش تغيري من نفسك وتوقفي كل التصرفات الغلط... ومتقوليش هبدأ من بكرة.. العمر مش مضمون فقومي صلي وبلاش تسويف لأنه أسوأ حاجة ممكن تخليكِ واقفة محلك. ربنا معك. 🌹🌹
تم النشر الأحد، ٢٥ مايو ٢٠٢٥
بس المفروض هي متتدخلش وملهاش دعوه بس شكرا 🌹بجد بقالي اربع ايام مش بسمع كده وهحاول اصلي من بكره ان شاءلله شكرا جزاكِ الله خيرا
تم النشر الأحد، ٢٥ مايو ٢٠٢٥
لعرض الإجابة في فدني اضغط هنا