لو بتأذي حد بيبقى ايه شكل الاذي بالظبط؟ وهل انتي اللي عرفتي فعلا انك بتأذي او بتبقى عارفه كده، ولا حد قالك كده؟ وهل الامور ديه جت بعد فترة كان فيها تعب نفسي ؟ وبقاله قد ايه معاكي؟
تاني بقى جزء - انتي قولتي انك ضعفتي لانك كنتي مش بتكلميه طول المدة ديه، وده انا شيفاه مش مبرر ولكنه ممكن يكون سبب لحدوث ده، مع شخصيات معينه. ممكن تقع تحت التأثير او الضغط ده .. انتي اه اذتيه، ولكن اذيتي نفسك كمان. وانتي ع ما اظن انك ندمانه، لو رجع بيكي الزمن هل هتعملي ده ولا لا؟ ف الفكرة ان غلطتي زي ما اي حد تاني ممكن يغلط. المهم يتوب، والمهم يعرف ان اي غلط ممكن انه يدواي للرجوع لربنا، وانه يترك الامر ده. تاني شئ الشخص اللي مرتبطة بيه ده؟ اي شكل الارتباط هل خطوبة ولا ارتباط غير رسمي؟ وجهة نظري لو كان ارتباط غير رسمي .. اتكلمي معاه ف الموضوع لو هيجي يتقدم غير كده انتي مش مستعدة تدخلي ف حاجات زي كده. اصل ايه فايدة انك تقعدي مع واحد كده من غير ما يكون في حاجه رسميه؟ تاني شئ، انتي قولتي انك غلطتي لما وثقتي ف حد وكنتي فكراه انه هيحفظ السر، انا هنا مش شايفة انك اذيتي الشخص ع قد ما هي قلة خبرة .. وعدم ادراك منك. يعني انتي بتقولي كنت شايفه ان السر الشخص ده هيصونه، يعني انتي مروحتيش ف ميكروفون وقولتي ده حصل وحصل، انتي مش قصدك تفشي السر، بس يكاد انك وقعتي ف الغلط مع حد غصب عنك، وكنتي فكراه انه كويس ف ديه قلة خبرة مش اكتر. المسميات بتفرق جدا ف حكمنا ع الامور. بتفرق ف طريقة تفكيرنا عن نفسنا. شوفي الموضوع طلع غير ما انتي وصفاه تماما.
تم النشر الخميس، ٥ أكتوبر ٢٠٢٣
بصي يا جميل .. مش لازم يكون عندك مرض نفسي علشان تعملي كل ده، وياريت فعلا متشخصيش نفسك الا لو شخص مختص هو اللي عمل كده، عن اهو مقدرش اقول عليكي اي تشخيص ... لان الحاجات ديه بتم من خلال عدة اساليب ومحتاجه تكوني ف العيادة قدام المختص ده. ف موضوع التشخيص له ابعاد تانيه. حتى الامراض نفسه اعراضها بتكون متشابكه مع كذا مرض تاني ..ف الموضوع صعب. ده اول جزء
تم النشر الخميس، ٥ أكتوبر ٢٠٢٣
اوقات كتير لما بشوف اي حد بيتكلم عن اضطراب الشخصيه الحديه بحس انه عندي وكل ما أقرأ عنه اشوف الأعراض كلها فيا بس انا محتاجه دكتور يشخصني مش عاوزه اشخص نفسي بس بجد الموضوع ده شاغلني جدا عاوزه اعرف انا عندي اضطراب ايه بلظبط علشان افهم نفسي وتصرفاتي لأني بجد مش عارفه افهم
تم النشر الأربعاء، ٤ أكتوبر ٢٠٢٣
انا لما قعدت مع نفسي لاحظت اني شخص عنده اسرار كتير الأسرار دي لو اتعرفت انا كده بأذي نفسي وبأذي كل اللي حواليا ومع اني كنت واثقه جدا في نفسي في الاول وشايفه اني من الشخصيات الطيبه المخلصه اللي من النادر تلاقيها في الزمن ده الا اني شايفه نفسي حاليا بطريقه سلبيه جدا شايفه اني شخصيه بجد بشعه مؤذيه ومش محل ثقه.. ندخل في صلب الموضوع انا مرتبطه بشخص بقالي سنه وبحبه جدا، انا واحده مرت بتجارب كتير جدا وحبيت مرتين قبل كده لكن هو كانت تجربته مختلفه فيها حب متبادل وهو اصلا كان شخص سام مع كل البنات اللي عرفهم الا انا حبني فعلا وعانينا احنا الاتنين علشان نوصل للسلام والامان والراحه التامه في العلاقه و واثقين في بعض ثقه عمياء وانا لحد كده من شهر كنت فعلا محل ثقه بس وقعت في الغلط مع واحد زميلي في الشغل وخنت الشخص اللي انا بحبه خيانه physical مع اني مش كده وعمري ما خنت اي حد دخلت معاه في علاقة حب او حتى علاقة صداقه اجي وقت ماحب حد بجد اخونه؟؟ ده السؤال اللي بقعد اسأله لنفسي كتير بس الفكره ان انا وهو بعاد عن بعض وبقالنا اربع شهور مش بنشوف بعض ولما جه زميلي ده وحاول معايا واحده واحده جيت في لحظه ضعفت من كتر محاولاته وبعد مقاومات كتير جدا مني انا ضعفت.. ف انا كده اذيت الشخص اللي بحبه بس مش اذيته بالمعنى الحرفي لأنه ميعرفش حاجه عن اللي حصل مني ده لكن بتخيل لو عرف.. لو عرف حرفيا هيستخسر انه يتف في وشي حتى وهأذيه أذى جامد وهيكره صنف البنات ده كله بسببي لأنه هيتصدم صدمة عمره لأن حاجه زي دي غير متوقعه مني بالمره للعلم هو أول و آخر مره حب بنت فيها كانت من 8 سنين واتأذى منها لما اكتشف انها بتحب واحد غيره وخانته ومن ساعتها بطل يحب.. حاجه تانيه كان في شخص مابيني انا وهو سر والسر ده مينفعش يطلع لأي حد وانا من غبائي وقعت بلساني مع واحده صحبتي ف اضطريت احكيلها وكنت فكراها محل ثقة واتاريها راحت قالتله اني حكيتلها وبقت كسره عينه باللي عرفته ولما جه واجهني قالي انتي اذيتيني بس انا مسامحك ومش مدايق منك انا كل اللي مدايق منه هو ان واحده زي دي ماسكه عليه سر زي ده.. ف هو بيعزني جدا ومستحمل مني اغلاط كتير ومع اني يمكن بعزه اكتر من ماهو بيعزني بس انا فعلا مكنتش اقصد اني ااذيه انا كنت مفكره ان الشخصيه دي محل ثقه وطلعت العكس ف هو بيسألني اللي هو انا عملتلك ايه؟ طب انتي شايله مني في حاجه؟ اصل ليه تحكي حاجه زي كده؟ ف شايف اني بقابل معزته ليا بكره مع اني مقصدش ده ابدا.. ف دي مواقف بسيطه عن اذيتي للبحبهم اخر فتره بدون وعي مني
تم النشر الأربعاء، ٤ أكتوبر ٢٠٢٣
علشان بس محتاجه افهم المشكلة عند مين بالظبط ..
تم النشر الأربعاء، ٤ أكتوبر ٢٠٢٣
ولا يهمك .. طولي براحتك
تم النشر الأربعاء، ٤ أكتوبر ٢٠٢٣
بس انا هطول اوي علي حضرتك لو قلتلك أمثله حيه
تم النشر الأربعاء، ٤ أكتوبر ٢٠٢٣
ممكن تقولي لي امثلة حيه ؟
تم النشر الأربعاء، ٤ أكتوبر ٢٠٢٣
تخوني ثقة حد ازاي؟ - طيب حد بيعزك وانتي بتعزيه ف ازاي برضه بتقابلي ده بكره؟
تم النشر الأربعاء، ٤ أكتوبر ٢٠٢٣
وفي ناس كانت بتقولي انتي بتأذيني وناس تانيه انا اللي بشوف اني بالشكل ده بأذيهم.. وانا بقالي بس يومين تلاته مكتشفه اني بأذي اللي بحبهم بدون وعي مني
تم النشر الثلاثاء، ٣ أكتوبر ٢٠٢٣
يعني زي مثلا اني ممكن اخون ثقة حد فيا او حد بيحبني وبيعزني وانا كذلك يحس اني بقابل محبته دي بكره او مش بقدره مع اني بالعكس انا يمكن بعزه اكتر ما بيعزني..
تم النشر الثلاثاء، ٣ أكتوبر ٢٠٢٣
لعرض الإجابة في فدني اضغط هنا