السلام عليكم ورحمة الله ♥
انا ف تانيه حقوق، بس سنه اوله مكنتش احسن حاجه معايا
وخاصة ان جالي اكتئاب بسبب اني محققتش حلمي ولسه لحد الان تعبانه بس في تحسن، المهم قلت أبدأ من جديد واتعلم فكنت دورت ع شغل وملقتش حتى بقالي سنه مش عارفه اطور انجلش بتاعي. فكنت لقيت كذا حد بيتكلم عن التداول فقلت ليه لا وانا ممكن استلف تمن الكورس وكده وقتها في حاجات كتيرر اووي هتتغير بس لما خاب ظني انا هتعب تماما فحد ممكن يقولي اعمل ايه؟!
السلام عليكم، موضوع الشغل مقدور عليه إن شاء الله بس المهم تتعاملي مع أفكارك السلبية عشان متأثرش عليكِ في طريق تعلمك. إذا فيه أي أفكار سلبية وإحباط أو شكوك ناحية نفسك وإمكانية تطورك فلازم تتعاملي معها الأول لأن حتى لو اشتركتِ في مئات الكورسات ممكن تنتهي بدفع فلوس وخلاص بدون نتيجة. لا أنصحك بالتداول لأسباب مختلفة. ركزي حاليا على إنك تعرفي شخصيتك وميولك وإيه المهارة الأنسب لك.. وإيه اللي تقدري تعمليه أو هتلاقي نفسك فيه وقادرة تتعلميه وتتطوريه بسرعة. أرشح لك مبادرة مجانية كانت عاملاها أكاديمية ابن سينا للعمل من المنزل للسيدات... أول المحاضرات بتخليكِ تعرفي شخصيتك وإيه أنسب المهارات اللي تناسبك وبعد كده إزاي تطوري المهارة وتلاقي شغل في سوق العمل إن شاء الله. ده رابط المحاضرات على تليجرام. https://t.me/workremotelyfreelance/61 *** بلاش تشتتي نفسك أو تدوري على الإنترنت على أكتر مهارة تجيب فلوس أو أسرع طريقة للربح من الانترنت وهكذا، ده هيخليك بعد فترة تلاقي نفسك عمالة تنطي من مجال للتاني وتوقفي تعلم وده مش صح. ** ممكن تتابعي قناة (click your future) هتلاقي فيها كورسات مجانية وفيديوهات كتيرة بخصوص العمل الحر ونصائح مهمة هتختصر عليكِ كتير من التوهان إن شاء الله. ده رابط القناة https://www.youtube.com/@ClickYourFuture/playlists ** أهم من اللي فات كله، استعيني بالله ولا تيأسي وادعيه دايما يرزقك من واسع فضله وحلاله. وبالتوفيق إن شاء الله.
تم النشر الاثنين، ٢٦ يناير ٢٠٢٦
وعليكم السلام ورحمة الله وبركاته يا قمر ♥ أول حاجة، برافو عليكِ إنكِ في تحسن من الاكتئاب ده، وده خطوة كبيرة جداً في سن ٢٠! الضياع ده طبيعي لما الواحد بيحاول يبدأ من جديد، بس أنتِ قوية وهتقدري تتخطي. خلينا نفكر عملي شوية: للإنجليزي بتاعكِ: متستنيش شغل، ابدئي دلوقتي بطرق مجانية سهلة: حملي تطبيق Memrise، ١٠ دقايق يومياً هيغيروا حياتكِ. شوفي قنوات يوتيوب زي "English with Lucy" أو "BBC Learning English"، واتفرجي وأنتِ بتعملي أكل أو بتمشي. في شهر هتشوفي فرق، وده هيساعدكِ في الشغل والدراسة. للشغل: سنة مش نهاية العالم، بس طوري السيرة الذاتية (CV) على LinkedIn أو Bayt.com، وركزي على مهارات زي الكتابة أو الترجمة (حتى لو بسيطة). جربي العمل الحر على Upwork أو Khamsat، أو التطوع في مكاتب محاماة صغيرة عشان تكسبي خبرة. حقوق دراسة قوية، استغليها! التداول؟ يا حبيبتي، ده مخاطرة كبيرة جداً للمبتدئين، خاصة لو هتستلفي فلوس. كتير خسر كل حاجة وتعب نفسياً أكتر. الاستثمار الحقيقي في نفسكِ أحسن. نصيحة إسلامية سريعة: قولي "حسبي الله ونعم الوكيل" كل يوم، وادعي ربنا يفتحلكِ أبواب الرزق. اقري سورة الشرح يومياً للفرج، واعملي خطة يومية صغيرة (مثل ٣ مهام بس) عشان متتعبيش. الصبر مفتاح الفرج، وأنتِ في الطريق الصح! لو عايزة دعم أكتر، دوري في فدني على أسئلة مشابهة عن "تطوير الإنجليزي" أو "فرص عمل"، هتلاقي إجابات كتير. ولو محتاجة استشارة متخصصة، شوفي الخبراء هنا: https://www.fedni.net/experts أنتِ هتنجحي إن شاء الله، خليكِ قوية. 💪❤️
تم النشر الاثنين، ٢٦ يناير ٢٠٢٦
ممكن تجتهدي في الحقوق وتنجحي والله أعلم ممكن تكون باب رزق لكي .. وفي فرصة انك مثلا تحققي فيها حاجة كويسة زي انك تجيبي مركز على الدفعة أو حتى تكوني دكتورة في الجامعة تدرسي الطلبة .... طبعا ده على حسب مستواكي واستمراريتك وده شئ صعب فمتتعلقيش بيه ولكن حاولي ممكن تقدري
تم النشر الاثنين، ٢ فبراير ٢٠٢٦
بلاش تداول ممكن تنزلي تدريب مع محامي كويس وانتي بتدرسي منها بتدرسي ومنها تتعلمي بحيث لما تتخرجي تكوني اصلا عارفة كل حاجه مش لسه هتبدأي
تم النشر الثلاثاء، ٢٧ يناير ٢٠٢٦
الوقت اللي انتي فيه اشتغلي ع نفسك واستثمري في عقلك وطوري من نفسك عشان تملي السيڤي بتاعك وده كله مش لازم كورسات بفلوس ف بمواقع كتير مجانيه عليها كورسات مهووله كفيله تعلي السيڤي بتاعك وتوديه في بحته تانيه خالص ووقتها الشغل هو اللي هيجيلك لحد عندك ولو احتاجني المواقع دي قوليلي اقولك عليها
تم النشر الاثنين، ٢٦ يناير ٢٠٢٦
ابعدي عن التداول افضل لانه في جانب كبير منه حرام ده غير انه عايز حد مستقل ماديا ومعاه فلوس تعوض الخسارة لحد ما يتعلم
تم النشر الاثنين، ٢٦ يناير ٢٠٢٦
لعرض السؤال في فدني اضغط هنا