انا بخاف من اقل حاجه وده لاحظته كتير بسبب ان بتوتر وبقعد افكر كتير حتي لو مش عامل حاجه غلط .. انا بخاف من ان اكون فاشل او ان حد يزعقلي او اغلط في حاجه .. يعني مثلا لما بكون في الشغل وصاحب الشغل جنبي واعمل حاجه ويسألني عنها بتوتر جامد وبخاف وطبيعي بغلط ف هو يزعقلي او يقولي انت دايما خايف ومتوتر ليه كدا ويكسفني بكلامه ف اعمل ايه انا تعبت من الموضوع ده
امتى الخوف بدأ انه يكون جزء من حياتك؟ هل الموضوع بدأ معاك من وانت طفل؟ هل مثلا والدتك او والدك كان حرصين معاك انك متفشلش او تجيب مثلا درجة وحشة ف اي حاجه، وانك لازم تكون ناجح؟ ولا انت من نفسك اكتسبت النمط ده من البيئة المحيطة حواليك وبدأت انك تضغط على نفسك؟ وهل كنت بتتعرض ل اي نوع من انواع المقارنة او التنمر، التريقة مثلا من اي حد ..؟
تم النشر الأحد، ٨ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة اول مره حسيت بده امتي ؟ دي طبيعتك فكل مراحل حياتك ؟ الاسئله دي مهمه لو حابب تدور جواك قد يكون نمط الحياة سريع زيادة مع كم المسئوليات وخوف من عدم استيفاء ماعليك هيساعدك مؤقتا تمارين تنفس تمارين استرخاء تمارين التأمل واليقظة https://www.mayoclinic.org/ar/healthy-lifestyle/consumer-health/in-depth/mindfulness-exercises/art-20046356
تم النشر الأحد، ٨ أكتوبر ٢٠٢٣
لعرض السؤال في فدني اضغط هنا