مش ضروري يكون كدا بيتصرف زي البنات.. اخوكي اللي عنده 10 سنين حاسس إنه محتاج يكون في خصوصية وقت تغيير ملابسه طبيعي يكون مش عايز يقلع قدام حد و ممكن يكون بيرتاح أكتر في الملابس النصف كم او الكم بدلا من الكت ودا ميخليهوش بيتصرف زي البنات أما بخصوص رفضة للمصيف او اللعب مع الأولاد من عمره.. دي اللي ممكن تتكلمي فيها مع أهلك عشان يطمنوا عليه و يخلوه إجتماعي أكتر و يدوله شجاعة إنه يتعرف على أطفال من سنه ويلعب معاهم ويجرب حاجات جديدة
نقطه الإهتمامات دي ممكن تكون بسبب إن كل الأطفال اللي من سنة في البيت بنات أو اخوات بنات وبيشوفهم بيلعبوا وبيتصرفوا قدامه بالشكل دا وهو بيقلدهم .. شايف انكم متقبلين شكله وشعره من البدايه وتصرفاته وبتفرحوا بيها.. اللي بتوصفيه غالبا كون سيناريو في دماغي إن شعره اول ما بدأ يطول فرحتوا بيه والله وكيوت وقعدتوا تعملوله تسريحات او رفضتوا يحلقه.. وعموما كمان الشعر الطويل مش بيدل على الانوثة .. مش ضروري يلعب حاجات فيها عنف او غيره .. الضروري إنكم تبدأو توعوه عن هويته وإنه ذكر والفرق بين الولد والبنت في التصرفات والدين وتشجعوه لما يصدر منه تصرف رجولي وتصححوله تصرفاته يعني بدل ما تقوليله لا انت مش بتسلم زي الولاد ليه؟ قوليله المفروض يعمل ايه قدامه والطريقه اللي عايزاه يتعامل بيها وخليه يقلدك ولما يقولك جملة افرضوا بيعاكسوني ( اكيد سمعها منكم وشايف ان دا الرد الطبيعي في الموقف ده ) فهميه إن البنت بس هي اللي المفروض يكون عندها حياء وكسوف وإشرحوله من الناحية الدينية إن البنت مينفعش تخضع بالقول عشان محدش يعاكسها او يضايقها اما هو راجل و محدش هيعاكسه هو بس محتاج إنكم تقعدوا معاه وتشرحوله حاجات كتير في دينه و هويته
تم النشر الأربعاء، ٢٢ مايو ٢٠٢٤
هو الموضوع مش موضوع لبس بس طريقة كلامو وبيتكسف جداً من الولاد واهتماماته كلها عرايس والعاب بنات . مبيحبش الكورة مثلا حاولنا نخليه يلعب العاب فيها رياضة وعنف بس رفض . وبيحب لبس البنات وشعرو طويل جداً بيعملو زي البنات ورافض انو يحلق . ونقولو مش بتسلم زي الأولاد ليه يقول افرضوا بيعاكسوني . ف بجد بنعاني معاه جداً
تم النشر الأربعاء، ٢٢ مايو ٢٠٢٤
لعرض الإجابة في فدني اضغط هنا