هديكي من واقع خبرتي لاني كنت صغير في يوم من الايام وحصل نفس الموضوع ويمكن كانت هي نفس السن وانا تانيه اعدادي تقريبا الفكره اننا بنبقا فاهمين الحياه غلط في السن ده فاللي حصل ان اللي كنت معجب بيها دي صارحتني بالكلام ولما حستني مش مقتنع او مفيش فايده مني اختفت مره واحده ولحسن الحظ ان بيتها مش جمبنا وبعدها بفتره اتجوزت وانا زعلت بس نسيت الموضوع وحضرت فرحها وسلكت عليها وحضنتها ورقصت معاها بس واانا مقتنع انها زي اختي مش زي ما كنت فاكر الاول وقاعد بضحك كل ما افتكر فالفيصل اقطعي علاقتك بيه او لو مش حابه اول ما تحسي ان في تجاوز منه نظر كلمه فهميه ان ده غلط وانه اخوكي الصغير وانتي مش شايفه غير كد وخليكي جريئه وقاسيه حتى لو هيتصدم ويزعل وميكلمكيش تاني عادي بس هيفوق مع الوقت وهيرجع يكلمك بس وهو شايفك اخته بس ولو كلمتيه وخد الموضوع بهزار ورجع يتجاوز تاني اقطعي علاقتك بيه تماما او اختفي تدريجي من حياته انشغلي متقعديش معاه كده فصارحيه وخليكي جريئه في كلامك هيزعل بس هيفهم مع الوقت ان اللي كان فيه ده عبط
انا مش عارفه اقولك ايه بجد والله ❤
تم النشر السبت، ٢ مارس ٢٠٢٤
لو واجهتك اي مشكله وانتي بتمنعيه او في سؤال عندك ردي عليا في كومنت وانا هشوفه ان شاء الله ربنا معاكي
تم النشر السبت، ٢ مارس ٢٠٢٤
ربنا يخليكي خلي بالك من نفسك واستعيني بالله ربنا يهديه ويرزقك بابن الحلال اللي يحفظك ويصونك ❤
تم النشر السبت، ٢ مارس ٢٠٢٤
خلاص بجد والله مش هسمح اني اتواجد معاه في مكان واحد حتي انا متشكره جدا لحضرتك انا ماكنتش عارفه اكلم مين ولا اتصرف ازاي ربنا يراضيك يارب ❤
تم النشر السبت، ٢ مارس ٢٠٢٤
طب كويس واياكي تسمحيله يطول معاكي في الكلام حتى مش يلمسك بهزار
تم النشر السبت، ٢ مارس ٢٠٢٤
صدقيني مش هيحصل حاجه لو سنه هو اللي مخليه كده هيزعل منك شويه وبعدها هيرجع يتعامل عادي وبسيط جدا وحتى لو خالتك زلعت هتتصالح لو فعلا عارفه ان ابنها مش تمام مش بتدافع عنه وخلاص لو كده تتفلق اما لو الواد نيته مش كويسه بعيدا عن سنه فاقطعي معاه علاقه للابد
تم النشر السبت، ٢ مارس ٢٠٢٤
لا الحمدلله ماحصلش
تم النشر السبت، ٢ مارس ٢٠٢٤
انت معاك حق فعلا اذا كان ماحدش منهم فارقله اللي اتا فيه ده انا بجد هقطع معاه بشكل جامد. ايا كان هيحصل اي
تم النشر السبت، ٢ مارس ٢٠٢٤
معلش سؤال اخير هو حاول يلمسك بشكل مش محترم قبل كده ؟ ( لو اه تعرفي والدته لو زعلت انه اتمادى وعدى حدوده )
تم النشر السبت، ٢ مارس ٢٠٢٤
لا كده الموضوع زايد اويي ده مش بيحبك وفاكر انك من نصيبه ده طمعان فيكي وفي جسمك وكده شهوته حاكماه ومش بعيد يكون مالي مخك تصورات وسيناريوهات زباله وانا مش عارف انتي ازاي ساكته على ده كله لغاية دلوقتي مش عارف مستنياه يحاول يقرب منك ولا ايه وقفيه عند حده بقسوه متقعديش معاه لا لوحدكوا ولا مع حد وامنعي كلام معاه نهائي ول اضطريتي تتكلمي كلميه من غير نفس نهائي لو عقل مع الوقت خير وبركه مفهمش في داهيه زي ما انتي علشان الموضوع بعد كده ميطورش ومتستبعديش انه يعمل اي حاجه في سنه وحالته دول لو خالتك زعلت تتفلق هتتصالح مع الوقت ولو هي ست كويسه فعلا هتفهم سن ابنها وان اللي بيعمله غلط ومصيبه كمان انتي كده مش خايفه على زعلها انتي كده مفرطه في نفسك واحد بيبص لجسمك وبيتجاوز بايده لو مين يقف عند حده خلي بالك من نفسك وربنا معاكي
تم النشر السبت، ٢ مارس ٢٠٢٤
مبدأيا كده نظراته فيها جرأه يعني انا بلاحظ انه بيبص علي جسمي وبيتودد بالكلام او انه يعملي اي حاجه ومش بيقعد في مكان غير جنبي واحيانا في تجاوز بالايد زي هزار كده ولو قمت اعمل اي حاجه بييجي ورايا وبيفضل قاعد معايا حتي لوحدنا مش شرط نبقي بنتكلم هو بيفضل باصصلي وخلاص
تم النشر السبت، ٢ مارس ٢٠٢٤
طب انا اسف معلش هو ايه اساليب التمادي اللي بتحصل منه يعني بيبصلك جامد ولا كلام قليل ادب ولا بيهزر بايده علشان انا مش فاهم اوي ؟
تم النشر السبت، ٢ مارس ٢٠٢٤
هو كان عاوز يقعد. هو ويسيب خالتو تروح المشكله انعا حتي مش بتقولو يلا او كده لا هي شايفه الموضوع عادي وكانت هتسيبه يقعد وتمشي الموضوع مقرف والله تقريبا بييجي كل يوم
تم النشر السبت، ٢ مارس ٢٠٢٤
انا مش فاهم يعني هو جه لوحده ولا هو وامه ولما هو ماشي عاوز يقعد معاكي لوحدكوا ليه ؟
تم النشر السبت، ٢ مارس ٢٠٢٤
حاضر والله امبارح كانو عندنا واتا حرفيا موجهتلوش ولا كلمه وهما جايين يروحوا عمال يقول لخالتو روحي انت طيب ويميل عليا ويقولي قوليلها تمشي ونقعد احنا قولتله لا يلا عشان جايلنا ناس انا خايفه بجد ومتلخبطه والله
تم النشر السبت، ٢ مارس ٢٠٢٤
متدخليش اي حد في الموضوع انا قلتلك اول ما تلاقيه تجاوز حده فهميه براحه يمكن يزعل بس هيفهم لو اخد الموضوعبهزار وقال انه ميقصدش ابعدي انتي عنه بالتدريج متقعديش معاه اتهربي منه ومتدخلي والدتك في الموضوع مع الوقت هو هيحس هيبطل ييجي عندكوا فتره وبعدها هييجي تاني بس كل فين وفين وهيكون فهم انك اخته ومش شايقه حاجه غير كده اصل معلش لازم تكوني قاسيه بدل ما تحصل حاجه تزلعلك انتي وخالتك كمان مبقلكيش اقطعي معاه وعامليه انه غريب مه واحده اتسحبي من الكلام معاه واحده واحده هوهيحس وهيرجع يعاملك عادي وطبيعي
تم النشر السبت، ٢ مارس ٢٠٢٤
انا عارفه والله بس فكرة انه انا بتعامل علي انه اهويا وفجأه هتعامل اكنه غريب صعبه وكمان مش عاوزه ازعل خالتو وانا مش عندي الجرأه اكلمها في حاجه كده بس انا كلمت والدتي وهي فعلا ملاحظه بس هي هتكون عنيفه معاه مش عاوزه اكون سبب في زعل بين ماما وخالتو
تم النشر السبت، ٢ مارس ٢٠٢٤
مفيش حاجه اسمها محاوله امنعيه علطول مش عاوز اصدمك بس الشباب في الفتره دي بتكون مسيطره عليهم الافكار الجنسيه بسبب سنهم فمتستبعديش انه باصصلك بصه مش كويسه قصدي معجب بجسمك يعني واسف لو كلامي قاسي وتجاوز الكلام ممكن يوصل لتجاوز افعال فعلشان مصلحتك ومتازيهوش برضه وقفيه عند حده
تم النشر السبت، ٢ مارس ٢٠٢٤
بحاول والله شكرا لحضرتك
تم النشر السبت، ٢ مارس ٢٠٢٤
لعرض الإجابة في فدني اضغط هنا