طبعا اول حاجه كلنا هننصحك بيها انك تستخيري كتير وتدعي كتير ربنا يبصرك ويلهمك الصواب ثاني حاجه هو قلة الكلام دي طبع موجود عند رجالة كتير اوي فوق ما تتصوري كمان لازم تاخدي بالك ان هو تصرفه صح لان انتو حتى لسه مش قريتو فاتحه المفروض شرعا ان كلامكم يكون في حدود الضرورة ودراسه الشخصيه والصفات وكده لكن السائد عند ناس كتير انه يتصل كل شويه ويحكي في كل حاجه ويعرف تفاصيل يومك وتعرفي تفاصيل يومه ده كله غلط جدا ومش هو مقياس النجاح ولا التوافق في العلاقه الزوجيه كمان بما انه كويس وطيب واهله كده فكل الاهتمام والكلام والحاجات ال انت بتحكي فيها دي هتيجي مع الوقت بالتدريج وهتتعلموا من بعض كتير برضه بعد الزواج ان شاء الله وده التطور الطبيعي للعلاقه الزوجيه ال نقدر نقول انها متزنة او معتدله كمان واضح انه من النوع الخجول او ال مش عارف يقول ايه الفترة دي ودي ميزة مش عيب ..اغلب ظني انه انسان كويس وبإذن الله يكون لك زوج صالح طيب خلي بالك معظم ال بتشوفيه حواليكي من اهتمام مبالغ فيه واظهار مبتذل للحب وكلام كتير وووووو معظمه بينتهي بالفشل للاسف لانه بيكون اسرف في حاجات كتير في غير وقتها المناسب ولا مكانها الصح نصيحتي لك انك تصبري متحكميش عالوضع من دلوقتي وخدي فرصتك بشكل مرتاح واستخيري وطالما في قبول فبعد قراية الفاتحه ان شاء الله هتلاقي حاجات كتير تتكلموا وتتناقشوا فيها وتساليه ويسالك وتتابعوا مع بعض وكده ان شاء الله كمان انت عادي ممكن تساليه اسئله مباشرة عن بعض مخاوفك او عن بعض صفاته ال بتقلقك وفي حاجات بتبان في المواقف ربنا يوفقك للصالح والخير والمناسب لك
انا منصحتهاش بالاستمرار ..انا قلتلها متحكمش على انه قليل الكلام من دلوقتي طالما في مميزات تانيه كويسه . انا قلتلها بعد الخطوبه هيتضح سلوكه اكتر وهيبان ان كان فعلا قليل الكلام ولا هي رهبة البدايات بس . اغلب ظني انه شخص محترم وكويس واول مرة يخطب فمش عارف ايه ال المفروض يعمله ومش عارف يتكلم في ايه او يتصرف ازاي وكده ..خام يعني .. بس بعد الخطوبه لو لقيت فيه صفات مستحيل تتحملها او تقبلها فبراحتها جدا مش مجبرة تستمر طبعا
تم النشر الأحد، ١١ يونيو ٢٠٢٣
افرضي هي مش مستريحة مع الطبع ده لو استمر بعد الجواز برده تنصحيها بالاستمرار؟
تم النشر الجمعة، ٩ يونيو ٢٠٢٣
لعرض الإجابة في فدني اضغط هنا