ارجو قراءه كامله
سلام عليكم
انا في موضوع مأثر عليا جامد فتره دي ومحتاج مساعده انا طالب وسنه جايه هتبقا ثانويه عامه (بكالوريا) عموماً يعني انا بتجيلي توتر وخوف من دلوقتي حاسس اني مش هقدر احقق حلمي ومش هعرف اجيب مجموع مش هعرف افرح اهلي
انا عارف انه في اخير نصيب وقدر وانا لازم ارضي بالمقسوم ليا بس دي مشكله ايه هيحصل لو ربنا كاتبلي انني مبقاش حاجه خصوصاً إن أنا الأمل الاخير لأهلي وحاطين املهم كله فيا انا اللي مخوفني ان ربنا ميوفقنيش بسبب ان انا علاقتي مع ربنا مش حلوه وبعيد وبغلط وبعمل ذنوب ومدمن على ذنب معين بحاول اتخلص منه
انا عارف ان انسان خطاء بس انا مش عارف اغير نفسي بيجيلي تفكير كتير جدا ان بسبب حالي ده مش هحصل على شيء وما كان لي هيضيع مني بسبب بعدي عن الله بدل ما كنت بصلي بانتظام وخشوع ونوافل وقرآن جمبي علطول مبقتش بعمل أي عباده ولو بعمل قليل وبعمل معاصي
انا مش عارف هو انا مكتوب عليا أبقى كدا هو انا مكتوب عليا اني افشل اني مبقاش حاجه اني افضل عاصي وبعيد لدرجه اني بدأت اتخلي عن حلمي في كليه ولو دي حياتي انا مش عايزها
بقى يجيلي كل يوم افكار انتحاريه ومبقتش عارف اتغير وارجع تاني كويس خايف ان افشل ومجبش مجموع بسبب بعدي عن الله ومعظم الناس هنا جم يحكوا مشاكل حصلتلهم بسبب ظروف بس كل حاجه بتحصلي بسببي انا وانا مسؤول عن كل حاجه وحشه بتحصلي شعور بالذنب قاتلني بقيت مكتئب ديما ومش عارف اتصرف ازاي
السلام عليكم، هو منين قلت إن ربنا كاتب عليك تبقى فاشل أو تفضل في الحالة اللي أنت فيها حاليًا؟ هل اطلعت على الغيب وقرأت اللي مكتوب في قدرك؟ بنفس المنطق الكافر بيتحجج إن ربنا كتب عليه الكفر رغم إنه لم يطلع على الغيب واستمر في طريقه متحجج بقدر مسبق هو أصلا مقرأهوش. كل الأفكار السلبية دي بسبب ضغوط الثانوية مش أكتر وإنك شايل حمل توقعات أهلك فطبيعي كل ما تسمح للأفكار تسيطر عليك كل ما رؤيتك للواقع والمستقبل هتكون سوداء وهتحكم على نفسك فعلا بالفشل وبعد كده ترمي اللوم إن ربنا كاتب عليك كده. ** تفتكر أنت لوحدك اللي عاصي؟ كلنا عصاة وكلنا خطاؤون وكل واحد فينا له ذنب أو معصية معتاد عليه وبيرجع له، بس الفكرة كلها في التوبة باستمرار بعد الوقوع. "ما مِن عبدٍ مؤمنٍ إلَّا وله ذنبٌ يعتادُه الفَينةَ بعدَ الفَينةِ أو ذنبٌ هو مقيمٌ عليه لا يُفارِقُه حتَّى يُفارِقَ وإنَّ المؤمنَ خُلِقَ مُفْتَنًا توَّابًا نَسَّاءً إذا ذُكِّرَ ذكَر" الرسول عليه الصلاة والسلام في الحديث منزعش صفة الإيمان عن المذنب. ليه انت تحكم على نفسك بالهلاك بقى؟ ما دام عارف أساس المشكلة يبقى قوم ونفذ، مش بتصلي ارجع للصلاة، علاقتك بربنا بقت مش كويسة ارجع وقرب حتى لو بخطوات بسيطة. اقرأ شرح الحديث عشان يوضح لك أكتر https://dorar.net/hadith/sharh/120839 **** وبعدين مين قال إن الثانوية العامة هي اللي هتحدد مستقبلك؟ احنا اللي للأسف خلينا الثانوية في مجتمعنا تحديد للمصير مع إن ده أكبر غلط وأكبر. ناس كتير محققوش إنجاز في الثانوية لكن بقوا أنجح بكتير من ناس تفوقت في الثانوية عادي... أنت اللي بتحدد معنى نجاحك وانت اللي بتحققه مش مجرد محطة في حياتك هي اللي هتحدد مصير مستقبلك كله. *** وافتكر دايما قول الله تعالى في الحديث القدسي: "أنا عند ظن عبدي بي؛ فإن ظن بي خيرًا فله، وإن ظن بي شرًا فله" فبلاش تخلي ظنك بالله سيئ إنه كاتب عليك الفشل أو إنه مش هيغفر لك مهما أذنبت ووقعت... لأن ظنك بالله خير بيتحقق وظنك السيئ بيتحقق فاختر أنت. *** استعن بالله ولا تعجز، وأنصحك تبدأ في الرقية الشرعية وتلتزم بها يوميًا مع قراءة سورة البقرة أيضًا يوميا حتى لو قسمتها على 3 أيام، الموضوع هيبقى صعب عليك في الأول لكن إن شاء الله مع الأيام هيكون أسهل وأي وساوس أو أفكار سلبية مسببة لك الحالة دي هتروح بإذن الله. بالتوفيق.
تم النشر الأربعاء، ٨ أكتوبر ٢٠٢٥
وعليكم السلام ورحمة الله، أخي العزيز، أشكرك على ثقتك وفتح قلبك بهذا الكلام الصادق والمؤلم. أولًا، أود أن أقول لك إن ما تمر به طبيعي جدًا في ظل ضغوط الثانوية العامة، وفوق هذا ضعف العلاقة بالله والشعور بالذنب الذي يرهق النفس كثيرًا. أنت لست وحدك في هذا، وهناك حلول يمكن أن تبدأ بها خطوة خطوة. دعنا نشرح الأمور بشكل منظم: التوتر والقلق من الثانوية العامة: الثانوية العامّة (الباكالوريا) مهمة، ولكنها ليست نهاية الحياة ولا مقياس لقيمتك، ولا لمدى حب أهلك لك. من الطبيعي جدًا أن يخاف الإنسان من الفشل، لكن الفشل ليس نهاية الطريق، بل بداية لتعلم واكتساب خبرات، والله تعالى رحيم ويرزق من يشاء. العلاقة مع الله والذنب: أنت تعرف أن العلاقة مع الله ضعفت وهذا يسبب لك هذا الحمل النفسي، وهذا شعور كثير من الناس يمرون به. التوبة مفتوحة دائمًا، والذنوب مهما كانت كبيرة، الله غفور رحيم. يقول تعالى في سورة الزمر: (قل يا عبادي الذين أسرفوا على أنفسهم لا تقنطوا من رحمة الله). ابدأ بخطوات صغيرة: صلِّ ولو ركعة، اقرأ آية أو آيتين من القرآن يوميًا، وحاول تجنب الذنب خطوة خطوة، لا تضغط على نفسك كثيرًا حتى لا تحبط. الشعور بالذنب والإحساس بالفشل: أنت لا تتحمّل كل شيء وحدك، الإنسان معرض للخطأ وذنب، وهذا جزء من الحياة. لا تربط بين قيمتك كإنسان ومستقبلك العلمي وبين وجود الذنوب التي تفعلها. المسألة أكبر من مجرد نتائج في امتحان. أعد ترتيب أولوياتك: عملك على علاقتك مع الله هو الأساس، ومن ثم تحسين دراستك. الأفكار الانتحارية والخوف من المستقبل: يجب أن تعترف أن هذه الأفكار خطيرة. لا تتهرب منها، ويجب عليك التعامل معها بشكل جدي. حاول أن تبتعد عن الوحدة، وابحث عن شخص تثق به (مثل طبيب نفسي، أو مرشد ديني، أو خبير نفسي على منصة فدني يمكنه مساعدتك في جلسات خاصة). تذكر أن الله لم يخلقك للضرر بنفسك، والفرج قريب. خطوات عملية يمكنك أن تبدأ بها الآن: خصص وقتًا قصيرًا يوميًا للصلاة والدعاء مع نية صادقة بالتغيير. ضع جدولًا بسيطًا للدراسة مع فترات راحة، ولا تحمل نفسك فوق طاقتها. حاول أن تصرف الانتباه عن الأفكار السلبية بعمل شيء تحبه، حتى لو كان صغيرًا. اطلب من الله أن يعينك ويكشف عنك الضر، وقل: "رب إني مسني الضر وأنت أرحم الراحمين". بالنسبة لحلم الكلية: لا تغلق باب الأمل أبدًا، فالنتائج يمكن أن تتحسن، وهناك طرق كثيرة للتعلم والتطور حتى ولو لم تحقق النجاح الأولي. ضع نصب عينيك أنك تحاول وتبذل جهدًا، مما هو مطلوب منك فقط. أنا هنا معك، وأشجعك أن تستعرض قسم الخبراء على موقع فدني (https://www.fedni.net/experts) لتجد مختصين نفسيين أو مدربين حياة يمكنهم أن يساندوك بجلسات خاصة. وأخيرًا، تذكر أن الله يحب التوابين، وهو أرحم منك بنفسك. لا تفقد الأمل أبدًا، وخطوتك الأولى هي الإيمان بقدرة الله على تغيير حالك إلى الأفضل. إذا تحب، يمكنك أن تخبرني أكثر عن الأمور التي تعيشها يوميًا أو الأشياء التي تريد أن تتغير فيها، وسأكون معك خطوة بخطوة. ذكية هنا لأي مساعدة أو دعم تحتاجه. لا تتردد في العودة للسؤال دائمًا، فأنت لست وحدك.🌷
تم النشر الأربعاء، ٨ أكتوبر ٢٠٢٥
وعليكم السلام ... انا كنت زيك تقريباً وعايز اقولك ان اهم حاجة تقرب من ربنا حتي لو الذنب دا بتعمله كل يوم او كل كام ساعة ارجع لربنا صدقني هيجي وقت والشيطان هيسيبك وهتسيب الذنب دا اهم حاجة تقرب من ربنا وتذاكر وتنزل جيم مرتين في الاسبوع مثلا وتمسح تيك توك او انستا او الحاجة اللي بتشدك للذنب دا او تفلتر المحتوي عندك كمان مهم جدا انك تسعي وتجتهد والباقي ربنا هيوفقك فيه وان شاء الله تحقق حلمك وتفرح اهلك
تم النشر الجمعة، ١٠ أكتوبر ٢٠٢٥
لعرض السؤال في فدني اضغط هنا