محتاج حد يفديني انا بقالي من5 ابتدائي بحب واحدة من جيراني بس هي مكنش عندي القدرة اقولها وكنت متعلق بيها رغم اني مكلمتهاش على حب وفي بداية اولى ثانوي عام بعتتلي مع عمتي انها بتحبني وعايزه تكلمني وده كان أكتر خبر حلو سمعته في حياتي
وحبينا بعض وهي متعلقة بيا قوي رغم اني عصبي وبزعلها كل يوم وبقولها كلام قاسي وهي برضه مستحملة وهي اللي بتصالحني حتى لو انا غلطان بس أهالينا مش موافقين وانا عرفت متأخر ان العلاقات حرام بس مش قادرين نسيب بعض
ولحد دلوقتي اهلي بس هما الي موافقين واهلها لسة عشان ابوها ومرات ابوها مش عايزين يناسبوا اهلي وانا مش عايز اكسرها ولا أخسرها لأن كلمت قبل كدا غيرها عمري ما شفت حد بيعاملني زيها اعمل اي
السلام عليكم، وقفوا كلام حاليا حتى لو حاسين إنكم مش قادرين تسيبوا بعض لكن اعمل ما بوسعك بنية إرضاء ربنا بما إنك عارف إن ده حرام. وكمان لو أهلها معترضين استمراركم في الكلام ممكن يزود المشكلة والرفض. فاتفق معها إنكم هتبعدوا لحد ما ربنا يأذن، وكل واحد يركز في دراسته ويشتغل على نفسه وشخصيته، عشان لما يحين الوقت للزواج وربنا إذا أراد وأهلها وافقوا تكونوا مستعدين وعارفين مسؤولية الزواج وواجبات كل واحد منكم ناحية التاني وحقوقه. يعني مثلا، مشكلة عصبيتك عليها وإنك بتزعلها والكلام ده... كل دي مشاكل عاوزة تتصلح عشان علاقتكم بعد كده تكون صحية وسليمة. علاقات حب كتيرة خربت بعد الزواج وانتهت بكره الطرفين لبعض بسبب حاجات زي كده وانتهاء فورة المشاعر وحلاوة البدايات ومواجهة المسؤولية والمشاكل الحقيقية بعد كده. ركز في دراستك وشوف إزاي تستعد للزواج وتكاليفه ومسؤوليته. وخليك متوازن ومتعلقش نفسك عشان في النهاية القدر والنصيب ربنا وحده الأعلم به وهو الأعلم بالأصلح والخير لكم.
تم النشر الأحد، ٢١ ديسمبر ٢٠٢٥
الموضوع غريب من أوله يعني ازاي بنت هيا اللي تبادر ده اولا وثانيه حضرتك بتقول انك بتزعلها وهيا اللي بتيجي تصالحك وده علاقة غير سوية تالت حاجة انت بتقول انك كلمت غيرها وانت بتحبها من ٥ ابتدائي يعني كلمت بنات اهو. شوف انت مش بتحبها انت بس مستخسر مميزاتها وحبها ليك ودي انانيه. اخر حاجة بقا هيا فكرة الحرام زي مانت قلت مينفعش تكلمها دلوقتي خالص حتى لو مش قادر تعيش منغيرها عشان حرام. وبعدها روح اقعد مع ابوها واقعه انك عايز تتجوزها لحد ما يقتنع إنما لو مش اقتنع بقا يبقا ده نصيبك
تم النشر السبت، ٢٠ ديسمبر ٢٠٢٥
فكلاكما يبحث عن الحب اللي قد يكون مفقود من الأهل فكون جوع عاطفي .. ولكن الشخص المشبع عاطفيا هو يحترم نفسه ويحترم الطرف الآخر ولا يلهث خلف الحب ويلجأ لعلاقة محرمة .. فمن رأيي انك متتسرعش لحد ما تتضبط وتستقر مشاعرك
تم النشر الأحد، ٢١ ديسمبر ٢٠٢٥
السلام عليكم.. انا شايف ان العلاقة دي حتى لو بعد الزواج واصبحت حلال فهي غير صحية بتاتا على المدى البعيد ... انت عايز منها الحب وهي عايزة منك الحب يعني انت هدفك الحب منها وانها تتقبل عصبيتك مش هدفك البنت نفسها وهي هدفها الحب منك وانها تشعر ان وراها راجل قوي وبيحميها مش هدفها انت .. وده طبيعي جدا مفيهوش خلاف ولكن بقوله لك عشان متتعلقش بشخص معين ... طب ليه العلاقة دي غير صحية ؟ لأن ببساطة العلاقة أساسها الإحترام وبعدين ييجي الحب . الحب مشاعر لحظية لدقائق ولكن الإحترام بيبقا ٢٤ ساعة . فتخيل ان علاقتك حب منغير احترام فهي هتكون دقائق من المتعة وباقي اليوم صراعات وتسخط ومشاكل وياريتني ما تجوزت واللي يدعي على الثاني وتوصل للشتم والعصبية بل والضرب وحصلت وبتحصل وهتحصل عند كثيرين...... والدليل ان دي علاقة حب منغير احترام هو انك مش بتحترمها وبتتعصب عليها وعلى الجانب الآخر هي مش بتقول لك احترم نفسك انا لي إحترامي وحدودي ... وبلا شك دي بيئة غير صالحة للتربية
تم النشر الأحد، ٢١ ديسمبر ٢٠٢٥
ممكن يكون سبب الرفض السن الصغير سواء انت أو هي ، يعني حضرتك ١٩ سنه هي ممكن نفس السن أو أصغر. ف اظن هو ده سبب الرفض
تم النشر الأحد، ٢١ ديسمبر ٢٠٢٥
الحل خليها تتكلم بطريقة مع ابوها تخليه يقول سبب الرفض ولم تعرف ساعتها تقدر تشتغل على السبب و بكدا اتحلت
تم النشر السبت، ٢٠ ديسمبر ٢٠٢٥
انت عندك كام سنه دلوقتي؟
تم النشر السبت، ٢٠ ديسمبر ٢٠٢٥
لا سبب الرفض عشان امي مكنتش عيزاها وكانت بتغلط ف البنت. ومرات ابوها هيا الي مدخلة في الموضوع وعايزه جوزها يكرهنا
تم النشر الأحد، ٢١ ديسمبر ٢٠٢٥
يغالي احنا الحمدلله بنحترم بعض ودي اول حاجه بس انا حبيت اختصر الكلام
تم النشر الأحد، ٢١ ديسمبر ٢٠٢٥
وحصلت قصة لزوجة جات لزوجها قالت طلقني وهو رفض وقالت طلقني ومسكته تهزيق وأنه مش راجل وكدا .. فلما طلقها عيطت قالت لهالدرجة انا رخيصة عندك ! فدي بتعصبه بعدين تلعب دور الضحية
تم النشر الأحد، ٢١ ديسمبر ٢٠٢٥
وبالنسبة لموضوع العصبية فهو بيحصل لأن ممكن تكون هي عندها عقلية الضحية واللي هي بتحب تكون المسكينة الصابرة المتحملة فبطريقة لا واعية بتجبرك انك تتعصب عليها عشان تعيش دور الضحية .... مثلا ممكن تقول لك انت ليه بارد ومبتتكلمش معاي ومبتطمنش علي إلخ لحد ما انت تتعصب وتقول كلام قاسي وبعدها هي تتمسكن وهي اللي تصالحك
تم النشر الأحد، ٢١ ديسمبر ٢٠٢٥
19
تم النشر السبت، ٢٠ ديسمبر ٢٠٢٥
لعرض السؤال في فدني اضغط هنا