دلوقتي عندي مشكلة ان عندي عدم ثقة في نفسي خالص وفقدان الحب والحنية بجد وفقدان الشغف مش بحس ابدا ثقة او وبخاف خالص اكون صريحة بسبب ان مفيش حد بيشجعني او وقف جمبي ودايما يوصل ليا كلام ان محدش يقدر يبص ليا بسبب اني محجبة وبلبس واسع وغير كدة انا اكبر اخواتي فعندي في البيت مفيش وقت اهتم بنفسي خالص لما اشتري حاجة او اشوف حاجة مع ان بالعكس بحب اهتم بنفسي جدا بجد والعكس كمان ان عندي اخت أصغر محدش يقدر يقولها انزلي هاتي حاجة او مثلا لما تنزل تشوف نفسها عادي جدا وانا لا ودايما شايفين ان هي هيجي ليها أحسن عريس بسبب انها بشعرها واهتمام بالنفس ويمدحو فيها مع ان انا لا شايفين اني دايما ممكن ان شاءالله اتجوز اقل واحد عادي جدا ومحدش فاهمني واوقات كتير بحس اني مش منهم ولا ينفع اكون معهم بجد نفسيتي تعبت بجد
السلام عليكم و رحمة الله و بركاته أحييكِ على ثباتك 🤍 فاهمه اللي بتتعرضيله لإن نفس اللي بتعرضله .. بس بستوقف نفسي و أقولها [قُلْ أَذَٰلِكَ خَيْرٌ أَمْ جَنَّةُ الْخُلْدِ الَّتِي وُعِدَ الْمُتَّقُونَ] كل متحسي بضعف نفس قارني رضا الله؟ ام رضا الناس؟ كفايـه إحساسك و أنتِ نازله من بيتك في زمن فتنة مطبقة آيه "وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ " عارفه رضا الناس هيخليكي تقعي ف ايه ؟ هيخليكي تقعي في قول النبي ﷺ (صنفان من أمتي لم أرهما بعد ، نساءٌ كاسياتٌ عارياتٌ مائلاتٌ مميلاتٌ ، على رؤوسِهن مثلُ أسنمةِ البختِ ، لا يدخلن الجنةَ ولا يجدن ريحَها) حديث مرعب! يخلي الواحده تفكر ألف مره في لبسها قبل متنزل .. اسألي نفسك سؤال. هم يشوفوكي جميلة ؟ ولا ربنا يشوفك جميلة؟ افرحي و ثقي بنفسك لإنك بتعملي ما أمر الله به و ما يرضيه تعالى بتحفظي نفسك من الفتن و من النظرات المقززة. هم بيفترضوا إنك مش هيجليك عريس لإنك مش مهتمه بنفسك ، بس ربنا هو الرزاق هو اللي شايف ثباتك وسط الفتن هيراضيكي لإنه أحد في كرمه تعالى ! هو السميع الذي يعرف ما يقولون و هو اللطيف الذي يعلم ما في نفسك و هو الودود الذي يتودد بالنِعم لعباده الصالحين أنتِ في طريق ربِّ الناس المفروض تبقي اكتر واحده واثقة في نفسك و في طريقك اللي بيرضي ربنا! الشيطان بيحاول يوقعك بالأفكار دي و يكررها على سمعك . محتاجه تكشفي الاعيبه و تدعي الله الثبات.. بتحبي تهتمي بنفسك اهتمي في منزلك وسط محارمك و اهل بيتك. من حقك ك امرأة تفرحي نفسك بالإسكين كير و ما إلى ذلك و من حقك تتزيني في منزلك لإن شهوتنا كنساء هي التزين في الأصل .. بس برا البيت احفظي نفسك و تعففي ! و في النهاية حابه أقولك إن فخورة بيكي و بثباتك وسط الفتن ما شاء الله تبارك الرحمن ربنا يزيدك ثبات يحبيبتي و بالتوفيق يا جميلة 🤍
تم النشر الاثنين، ٢ فبراير ٢٠٢٦
يا حبيبتي وحيدة كالقمر، أنا ذكية هنا معاكي، وأول حاجة: أنا فاهمة تمامًا اللي بتحسي بيه، وده شعور طبيعي جدًا لما بنقارن نفسنا بالآخرين، خاصة في البيت والأسرة. الثقة بتنهار زي الدومينو لما مفيش تشجيع، وده بيخلي الشغف يختفي. بس أنتِ مش لوحدك، وهتقدري تخرجي من ده أقوى إن شاء الله. خطوات عملية عشان تبدئي دلوقتي: اهتمي بنفسك يوميًا بـ"5 دقايق ذهبية" : حددي وقت صغير كل يوم (مثل بعد الفجر) تشتري فيه حاجة بسيطة تحبيها زي كريم مرطب أو عطر حلال، أو حتى تسريح شعرك بطريقة جديدة. الحجاب مش عيب، ده تاج جمالك الإسلامي، واللي يشوف الجمال الحقيقي هيقدره. قاومي المقارنة : كل ما تسمعي كلام عن أختك، قولي لنفسك "ده ربنا كاتب لكل واحدة نصيبها". الزواج مش بـ"الشعر والاهتمام" الزواج رزق. أنتِ الأكبر، يعني مسؤولية أكبر، بس ده يخليكِ أقوى وأجمل داخليًا. جربي تكتبي 3 حاجات تحبيها في نفسك كل صباح (مثل "أنا صبورة ومسؤولة"). ابني الثقة بالصراحة الصغيرة : ابدئي بيوميات سرية تكتبي فيها مشاعرك بدون خوف، أو صلي ركعتين حاجة وادعي ربنا يقويكِ. مفيش حد هيقدر يشجعكِ زي ربنا، وهو وقف جمبك دايمًا. شغف جديد : اختاري هواية صغيرة زي قراءة كتاب إسلامي (زي "لا تحزن" لعائض القرني)، أو مشي 10 دقايق يوميًا تفكري في أحلامك. هترجعي الحنان لنفسك خطوة خطوة. أنتِ مميزة وهتكوني أحسن من اللي بيحسدوكِ عليه. نفسيتك هتتحسن إن شاء الله لو عملتِ دول يوم بعد يوم – زي اللي بتقول "النهارده هبدأ صغير وأشوف الفرق". لو عايزة دعم أكتر، دوري في فدني على أسئلة مشابهة عن "بناء الثقة" أو روحي لصفحة الخبراء https://www.fedni.net/experts، فيه مدربات نفسية هيساعدوكِ بشخصي. أنتِ قمر فعلاً، خليكِ كده! 💕
تم النشر السبت، ٣١ يناير ٢٠٢٦
السلام عليكم ورحمة الله وبركاته ـ اصبري واحستبي الأجر والصبر على ما اصابك هو من عزم الامور واعلمي ان المشكلة ليست منك بل منهم الذي يرضى ان تكون زوجته كاشفة لشعرها هذا ديوث معلوم ـ واصبري ولا تتأثري والله تعالي يقول : "ومن الناس من يقول آمنا بالله فإذا أوذي في الله جعل فتنة الناس كعذاب الله" اصبر واسأل الله الثبات ولا يوجد مساواة بين الصالح والطالح ـ قال تعالي : قُل لَّا يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ ۚ وانصح نفسي والمسلمين بتقوى الله واتباع قوله تعالي: فَاتَّقُوا اللَّهَ يَا أُولِي الْأَلْبَابِ لَعَلَّكُمْ تُفْلِحُونَ والله المستعان.
تم النشر الأحد، ١ فبراير ٢٠٢٦
صاحب المعصية يجب أن الجميع ينكر عليه معصيته .. أما في آخر الزمان صاحب الطاعة هو الذي يتم الإنكار عليه من الجميع ... المتبرجات والكاشفات والشباب الذين يتعمدون التمايل والمدمنين كل هؤلاء لا يعتبرهم المجتمع مخطئين أو يحتاجون إلى المساعدة بسبب ما وقع عليهم من بلاء ..... والملتزم الذي هو على الفطرة السليمة والسواء والإتزان النفسي فهذا يعتبرونه مخطئ ومعقد وحالم ..... لا شك أنهم في غرور زائف وجنون معلوم وشهوة مريضة فإذا جاء أحدهم الموت أفاق من غفلته ....... فهذا ابتلاء للمؤمن ليرى الله هل سيثبت أم لا ... لا تضيعي كثير من الوقت في إثبات أنك على حق بشكل عقلي لأن شهوتهم تعمي عقولهم .. ولأهلك البر والإحسان
تم النشر الاثنين، ٢ فبراير ٢٠٢٦
انا انصحك تقبلي نفسك متل ما انتي لا تستني انك تتحسني حاولي غيري اشياء اللي خرجك تغيرها متل جسمك اعملي رياضه ركزي علا نفسك انصحك تبعدي عن المكياج خالص هتقولي هيكون في حبوب في وشي في بساطه وقفي سكر صناعي فتره شهر وشوفي شو رح يكون حالة وشك
تم النشر الأحد، ١ فبراير ٢٠٢٦
لعرض السؤال في فدني اضغط هنا