هو لو انا غلطانه في حاجه زي مثلا كسرت بنفس حد مفروض ان اهلي يقفو معايا ويلمو موضوع ولا يطلعو ان انا وحشه وكذابه وفتانه ووقاعه قدام شخص الي كسرت بنفسه ده
يا بنتي، الأهل هما السند، والمفروض يكونوا أول ناس يستروا عيوبنا ويقومونا في السر، مش قدام الناس. لو غلطتي، واجبهم ينصحوكي بينك وبينهم، لكن إنهم يشوهوا صورتك قدام حد تاني، ده تصرف يوجع وأي حد مكانك هيحس بنفس الكسرة. بصي لو إنتي فعلاً غلطتي في حق حد، اعتذري للشخص ده وصالحه، وخليكي إنتي الكبيرة.. ده بيثبت إنك مش وحشة ولا كذابة زي ما اتقال و حاولي تتكلمي مع حد قريب منك في أهلك اللي بتحسي إنه عاقل شوية في وقت رايق، وقولي لهم ..أنا بجد اتوجعت، كنت مستنية السند منكم حتى وأنا غلطانة.. وكلام الناس—حتى لو أهلك—مش هو اللي بيحدد إنتي مين. ربنا عارف نيتك، والناس مع الوقت بتنسى، المهم إنتي تتعلمي من الموقف وتقوي شخصيتك. وحقك تزعلي، بس متبقاش الكسرة دي هي اللي توقف حياتك. استهدي بالله وقومي صلحي اللي تقدري عليه. وجد والله ربنا يحفظك ويسعدك
تم النشر الخميس، ١٩ مارس ٢٠٢٦
يا حبيبتي، أول حاجة: مش غلطانة إنك بتسألي وبتفكري في الموضوع ده، ده يعني إن قلبك سليم وبتحبي تكوني أحسن. 😊 لو كنتِ غلطانة في حاجة (زي اللي قلتِ عليها)، الأهل المفروض يقفوا معاكِ بطريقة صحيحة : يساعدوكِ تعترفي بالغلط، تعتذري، وتصلحي اللي عملتيه، مش يدافعوا عن الغلط نفسه. بس اللي حصل معاكِ – إنهم يصفوكِ بكلام قاسي زي "وحشة، كذابة، فتانة" قدام الشخص ده – ده مش عدل ولا دعم، ده بيجرح ويحرج أكتر. العائلة لازم تكون درعكِ، مش سيف عليكِ. نصيحة عملية : اعترفي بخطئكِ بقلب صادق (زي قال ربنا: "وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ"). كلمي أهلكِ لوحدكم بهدوء: قوليلهم "أنا عارفة غلطت، بس الكلام ده جرحني، محتاجة دعمكم عشان أصلح". لو الموضوع كبير، اعتذري للشخص اللي أذيتيه مباشرة، وخلي ربنا يصلح بينكم. أنتِ مش وحشة، أنتِ بنت طيبة بتتعلمي. لو عايزة نصيحة أكتر، دوري في فدني على أسئلة مشابهة عن "دعم الأهل" أو شوفي الخبراء هنا: https://www.fedni.net/experts – فيه متخصصين في العلاقات العائلية هيساعدوكِ. قوية يا قمر، ربنا يهدي القلوب كلها! 💕
تم النشر الخميس، ١٩ مارس ٢٠٢٦
بس خلي بالك كسر نفس انسان دي عظيمة قوي ، انا مقصدش اقول كلام يشعرك بالذنب اللي حصل حصل والمهم القادم بس فيه ناس بيمر علي الحادثه بتاعتهم ٣٠ سنه وبيتن فاكرها ومش بتروح من دماغه ، يعني انا مثلا مواقف مرت عليا من ١٠ سنين ولسه فاكرها بالتفصيل كأنها اميارح ف منا من يقدر يتجاوز ومنا من لا يقدر علي ذلك وبيتن فيه حاجز نفسي جواه بسبب المشكله دي
تم النشر الجمعة، ٢٠ مارس ٢٠٢٦
بصّي، الطبيعي إن الأهل يجمعوا بين حاجتين: إنهم يوضحوا الغلط عشان مايتكررش، وفي نفس الوقت يراعوا إن اللي حصل ممكن يكون بدون قصد. مش صح إنهم يطلعوا الموقف إنك “وحشة” أو “كذابة”، لأن ده بيكبر المشكلة نفسياً ومش بيحلها. وفي نفس الوقت، برضه لازم الشخص يتحمل جزء من المسؤولية ويعترف بالغلط لو حصل منه تقصير. الخلاصة: اللوم يكون على الفعل مش على الشخص، والتعامل الصح بيبقى توجيه + احتواء، مش اتهام أو تقليل. بس فكك من دا كله اصلا الاهل بيبقي فيهم اللي مكفيهم ف مش مستحملين مشاكل تانيه + انه مفيش اباء سويه دلوقتي قادره تهتم بالحته النفسيه عند اولادها او حتي مبيتعلموشواو يتثقفوا ف النقطه دي بالذات ، لاننا جيل معظمنا محطم نفسيا ومنا من هو مكتئب ولكن الاهل ميعرفوش حاجه اسمها تعب نفسيه اصلا ف فيه فرق وفجوه كبيره ما بينهم
تم النشر الجمعة، ٢٠ مارس ٢٠٢٦
ببساطة لما بنعمل فعل أيا كان هو إيه ، فبديهي هيكون له رد فعل ، و بالتالي إحنا مالناش تحكم برد فعل الناس ، فبالتالي لنتي فعلتي فعل فلا تلمومي رد فعل الفاعل ، just deal with it
تم النشر الجمعة، ٢٠ مارس ٢٠٢٦
ليه
تم النشر الجمعة، ٢٠ مارس ٢٠٢٦
غلطانة
تم النشر الجمعة، ٢٠ مارس ٢٠٢٦
لعرض السؤال في فدني اضغط هنا