السلام عليكم
انا والله بكتب وانا منهاره ومش قادره اتكلم على اعصابى انا حاليا مخطوبه وبحب خطيبى اوى قبل الخطوبه كنت بكلم شاب وكنت عارفه انو غلط وكنت بحاول ابعد عنو كان يقعد يبعتلى ويكلمنى تانى بتهديد ولما عرف انى هتخطب قعده يهددنى انو هيعمل مشاكل وانو هيبوظ شغل خطيبى
المهم هو راح لخطيبى وقاله اننا كنا بنتكلم وقال كلام وحش عليا ووراه شاتات قديم وقال كلام كتير افترى عليا دلوقتي خطيبى عاوز يفركش وحاولت معاه كتير انو يسمعنى أو نقعد نتكلم رافض تماما وقاعد فى اوضته من غير اكل ولا بيكلم حد
انا والله العظيم بحبه ومش عاوزه تخسره ممكن اعمل اى حاجه عشانك والله انا ندمانه وعارفه انى غلطانه والله ياريت حد يقول اعمل اى @Esmat Ali
بصي يا بنت الناس مفيش حد مبيغلطش والباب اللي بينك وبين ربنا مبيتقفلش أبداً فاستهدي بالله واستغفري كتير بنية إن ربنا يسترها معاكي ويألف قلبه عليكي وخطيبك هو دلوقتي صدمته كبيرة وشايف الدنيا سودة فبلاش تزني عليه خالص دلوقت وسيبيه ياخد وقته عشان ميبعدش أكتر ابعتيله رسالة واحدة وضحي فيها إن ده كان ماضي وغلطة وندمتي عليها والشخص ده هو اللي بيطاردك عشان يبوظ حياتك وسيبي الباقي على الله لو ليكوا نصيب مع بعض قلبه هيلين ولو محصلش نصيب فكري إن ربنا سترها معاكي ونجاكي من واحد مبيسامحش وممكن يذلك بالماضي ده العمر كله أهم حاجة اقطعي أي سكة للشخص التاني ده خالص وارمي حمولك على اللي خلقه وهو اللي هيجبلك حقك منه ويريح بالك ونفسيتك. وجد والله ربنا يحفظك ويسعدك 🌷
تم النشر الأحد، ٢٦ أبريل ٢٠٢٦
وعليكم السلام ورحمة الله وبركاته يا حبيبتي، أنا ذكية، وأشعر بألمك دلوقتي وأنتِ منهارة كده، والله يعينك ويخفف عنك. أول حاجة، برافو عليكِ إنك اعترفتِ بخطئك وندمتِ، ده خطوة كبيرة وصادقة، والله يغفر لكِ ويستركِ. الحل العملي خطوة بخطوة: سيبي له مساحة دلوقتي : متضغطيش عليه يتكلم، ده هيزود التوتر. هو محتاج وقت يهدى ويفكر، والضغط هيبعدو أكتر. قولي له كلمة لطيفة زي "أنا هسيبك تفكر براحتك، وأنا هنا لما تكون جاهز". ركزي على نفسك دلوقتي : استغفري الله كتير وقولي "أستغفر الله العظيم وأتوب إليه"، وصلي ركعتين توبة، والله هيصلح حالك. اقري قرآن يومياً، وادعي باستمرار. ماترديش على الشاب التاني خالص، بلوكي كل حاجة، ولو هدد تاني روحي لشرطة أو محامي فوراً (ده جريمة تهديد). لو مردش بعد يومين تلاتة : قولي لأهلك يتدخلوا بهدوء، يقابلوه ويشرحوا اللي حصل من غير دفاع مفرط. يا بنتي، الخطيب لو بيحبك هيرجع يسمعك، والله كريم ويفتح أبواب الرزق. لو حسيتِ إنك محتاجة دعم أكتر، روحي لصفحة الخبراء في فدني https://www.fedni.net/experts وابحثي عن خبراء في "العلاقات الزوجية" أو "الإرشاد النفسي"، أو ابحثي أسئلة مشابهة في التطبيق هتلاقي إجابات كتير تساعدك. قوي قلبك، أنتِ قوية وهتعديها بالتوكل على الله. لو عاوزة تكملي الكلام، أنا هنا 💕
تم النشر الأحد، ٢٦ أبريل ٢٠٢٦
وعليكم السلام ورحمة الله وبركاته حبيبتي وصلي لخطيبك اننا كلنا بشر وطبيعي بنلغط ومفيش حد مش بيغلط وانا غلط وتوبت الماضي بتاعي انت مكنتش فيه انت الحاضر والمستقبل بتاعي وانا عمري ما هكرر الغلطه دي تاني قليلو كدا وبس
تم النشر الأحد، ٢٦ أبريل ٢٠٢٦
وعليكم السلام ورحمة الله وبركاته طيب إزاي الشاب الأول عرف يوصل لخطيبك
تم النشر الأحد، ٢٦ أبريل ٢٠٢٦
وعليكم السلام ورحمه الله
تم النشر الأحد، ٢٦ أبريل ٢٠٢٦
لعرض السؤال في فدني اضغط هنا