السلام عليكم ،
مبدئياً يا جماعة أنا الموضوع اللي هحكي عنه ده مش غرضي منه الهزار او الضحك خالص بالعكس أنا عارف انه يبان مضحك شوية بس هي حالة غريبة فعلاً بتحصل معايا و عاوز اعرف تفسيرها إيه لو حد سمع عن كده يعني.
أنا دايما بالذات كل أما بدخل البلكونة و أقف فيها عادي زي باقي البشر سور البلكونة الحديد اللي هو بيبقى اوطى من السور السيراميك شوية ده بالظبط كده واصل لحد وسطي وأما بكون واقف قريب منه و عيني تيجي على الشارع تحت فوراً على طول بيجيلي احساس شيطاني اوي اني عايز انط او اميل بجسمي اوي و انزل تحت عشان كده كنت زمان بدخل البلكونة كتير و متعود عليها دلوقتي بعد ما لاحظت الموضوع ده بقيت بدخل كل فين وفين ولما بدخل ببقى واقف عند السور السيراميك بس في الزاوية اكمنه اعلى شوية و ببقى بعيد خالص عن السور الحديد و دايما وأنا بتحرك ببقى ماسك فيه كويس مش مجرد ماشي عادي حتى دايما اتجنب شوية اعمل حاجة في البلكونة امسحها مثلاً او امسح الحيطة.
بالمناسبة بردوا أنا إيماني قوي بربنا ومش من النوعية اللي بتفكر في الانتحار ده خالص إطلاقاً و عارف كويس اوي ان ده كبيرة من الكبائر طبعا و عمري أصلا بيجي على بالي فكرة أذية النفس دي من كتر الضغوط.
لو ياريت حد سمع عن حاجة شبيهة لكده يفهمني ده ايه.
وعليكم السلام ، اه حاجه فيه حاجه شبيهه جدا ، و هي انت من نوع الشخصيات اللي بتحب تلمس لحظات الحياة و الموت و تحس بيها و تحس بنشوة و جرعات الادرينالين المصاحبة ليها، البلكونة اللي خلتك تلاحظ ده علشان هي الموجودة في بيئتك ، لكن لو بتتسلق جبال او بتركب خيل او بتنط بباراشوت هتلاقي نفس الإحساس ، هو مش رغبة انتحار إطلاقاً و لا رغبة بالموت ، لكن هي رغبة في الإحساس بالفاصل اللي بينهم ، فأنت بطبعك شخص مغامر، فحاول تدور على نشاطات تفرغ فيها الطاقة دي و ترضي بيها إحساسك ، وبالتوفيق 😊
تم النشر السبت، ٢٨ مارس ٢٠٢٦
جربت ما تتحدث عنه و يندرج تحت بند أفكار غريبة عابرة ليس أكثر . و يندرج أيضا تحت بند الوسواس فاشغل عقلك و لا تبالي ولا تعطي الأمر حجما كبيرا ولا تشغل بالك به كي لا يتكرر ... جنبك الله كل شر فمن ارتكب الكوارث كانت بدايته وساوس متكررة
تم النشر الثلاثاء، ٣١ مارس ٢٠٢٦
والله الموضوع مش زي مانت مكبره عادي والله عشان انت بس اخدت بالك فركزت اوي وكبرتها. يعني ببساطة لما بقيت بتقرب من البلكونه مخك اول حاجة بيفكر فيها هيا الحاجة دي بيعملها غصب عنك لو شيلت الموضوع من دماغك هتنساه بالوقت
تم النشر السبت، ٢٨ مارس ٢٠٢٦
وعليكم السلام ورحمة الله وبركاته يا أخي العزيز، أول حاجة، متقلقش خالص، ده مش شيطاني ولا علامة ضعف إيمان زي ما بتفكر، ولا حتى انتحار بأي شكل. ده حالة نفسية شائعة جداً اسمها "دعوة الفراغ" أو "High Place Phenomenon" بالإنجليزي، بتحصل مع ناس كتير طبيعيين زيك تماماً لما بيبقوا قريبين من ارتفاعات عالية زي البلكونة أو الجسر. الدماغ بيحاول يحميك عن طريق تخيل السقوط فجأة، فبتحس برغبة غريبة في "القفز" عشان يختبر التوازن، بس ده مجرد وهم سريع مش رغبة حقيقية. أنت عامل صح جداً إنك بتبتعد عن السور الحديدي وبتمسك كويس – استمر كده، وخلي البلكونة مكان آمن بتستخدمه بحذر. لو عايز تطمن أكتر، ادعي ربنا يحفظك ويقويك،. لو الحاجة دي بتضايقك أوي أو بتحصل في أماكن تانية، شوف خبير نفسي في صفحة الخبراء على Fedni: https://www.fedni.net/experts، أو ابحث عن أسئلة مشابهة هناك هتلاقي إجابات كتير. ربنا يحفظك ويباركلك يا رب! 😊
تم النشر السبت، ٢٨ مارس ٢٠٢٦
راقب نفسك الاول ، لو لقيت نفسك بتكرر نفس الفكرة في اكتر من مكان عالي يبقي احتمال يكون عندك خوف من المرتفعات ، ولو دا فعلا ف لازم تقراء اكتر عن الفوبيا لان فيه فرق بين الخوف و الفوبيا ، لان الاخيرة محتاجة تنتبه ليها اكتر . كمان متقلقش انا بتجيلي حاجات مشابه ، احساس لو اني طالعه سلم اني هقع او لو ماسكة تلفون من مكان عالي هرميه ، او اني ممكن اضرب حد ماشي جنبي
تم النشر السبت، ٢٨ مارس ٢٠٢٦
الاحلام مش مجرد فيلم بنشوفه و احنا نايمين ، دا سيناريو كامل بيعمله العقل توقعا للمخاطر الي ممكن تحصل ، انت لم حلمت اكتر من مرة انك بتقع ، عقلك كان بيوريك انك ممكن تتعرض لحادثة السقوط دا و بيحذرك و بيخلي ليك دافع انك تنتبه اكتر في وقوفك في بلكونة
تم النشر الاثنين، ٣٠ مارس ٢٠٢٦
انا كمان بفكر انط كل ما ادخل البلكونه بس انا بخاف من زمان من المرتفعات
تم النشر الاثنين، ٣٠ مارس ٢٠٢٦
في ثغرة كمان حابب اقولها بخصوص كده أنا كنت زمان وأنا صغير مكنتش بخاف من المرتفعات خالص كنت ببص من اي سور عالي بأريحية و من بعدها اتكرر عليا اني حلمت في المنام كذا مرة اني بقع من مكان عالي خصوصاً البلكونة بالتحديد فهل ده ليه علاقة باللي بيحصل يعني تكرار الحلم ممكن يغير حاجة ؟؟؟
تم النشر الأحد، ٢٩ مارس ٢٠٢٦
ممكن بقى عندك فوبيا
تم النشر السبت، ٢٨ مارس ٢٠٢٦
لعرض السؤال في فدني اضغط هنا