الحب او الكره، مش ب ايد اي حد .. وانت وصلت لمرحلة الكره ديه بسببه اساسا، يعني انت مقومتش من النوم وقررت النهارده انا مش طايق ابويا ولازم اكرهه. ده محصلش .. ديه للاسف تراكمات جواك .. ف لا اعتقد انه عليك اثم اتجاه ذلك، ما دمت انت تعامله بود واحترام. ولكن ممكن نتناقش في موضوع معين تاني! هو هل بابا كده من زمان؟ ولا مثلا جه عليه فترة واتغير؟ وكان ايه سبب التغيير ده! وهل حاولت في يوم انك تعبر عن غضبك ولكن بصورة كويسة .. او ع الاقل تقوله انك مضايق من الاسلوب ده؟
شكراً لك أستاذه أميره كلامك مشجع صراحة في ميزان حسناتك بأذن الله، دُمتي سالمه
تم النشر الجمعة، ١ سبتمبر ٢٠٢٣
السؤال الصحيح ليس هل علي إثم بل ان تقول كيف أحمي نفسي من الوقوع في الإثم ، إذا استمررت في عدم محبته ورأيت نفسك تتأذي بسببه فهكذا سوف تري نفسك ضحية وسوف ربما تلجأ للرد عليه وعدم بره الأحسن والأفضل والأصون لك ولكرامتك أن تتقرب لله أكثر ليربط الله علي قلبك ولتعلم أنه بلاء من الله لكي لا يتعلق قلبك بأب ولا بغيره ولتتمكن من أن تجبر كسر قلبك وان تكون قويا للغاية ويجب عليك أن تقدر ذاتك وتثق في نفسك أنت قوي آراء الناس فيك حتي ولو أمك او أبيك ليست واقعا أنت من تبني نفسك كن قويا
تم النشر الجمعة، ١ سبتمبر ٢٠٢٣
العفو ع ايه - وباذن الله الدنيا هتتصلح
تم النشر الخميس، ٣١ أغسطس ٢٠٢٣
شكراً لحضرتك مره أخرى أستاذه جهاد على النصائح أنا إن شاء اللّه هشوف كدا و هحاول امشي الدنيا كدا ما بينا
تم النشر الخميس، ٣١ أغسطس ٢٠٢٣
لا عادي ابويا قاعد في البيت أصلا وقبضوا بينزلوا كل شهر
تم النشر الخميس، ٣١ أغسطس ٢٠٢٣
او كمان لو بابا شغال في حاجه متعبه ف بيكون مضايق وبيطلع ده عليك استحملو وحاول انك تقرب منو اكتر
تم النشر الخميس، ٣١ أغسطس ٢٠٢٣
العفو طبعا .. - طيب نتكلم في الموضوع ده شوية باستفاضة اكتر .. اوقات كتير بنكون فاهمين ان الاباء بيكونوا بيكرهوا ولادهم ولكن هما مش بيكونوا عارفين يعبروا عن الحب ده، وحتى لو بيحبوهم بيكونوا بيحبوا بطريقة غلط .. وبيكونوا بيعاملوهم بقسوة علشان المتعارف عليه يعني ان كل ما تقسى ع الولد كل ما يطلع راجل متحمل المسؤولية .. وهكذا .. ولكن الحقيقة ان التربية ديه غلط ولكن هما بيكونوا فاكرينها انها صح وانها الحل الامثل. وازيدك من الشعر بيتا بل انهم كمان بيكونوا اتربوا بنفس الطريقة .. وبيكونوا مقتنعين تماما انها التربية الصح. ده نوع وموجود كتير منه ... _ النوع التاني بيكون بيتعامل بالطريقة ديه علشان هو ضحية تربية غير سوية ... وللاسف بيطلع غضبه واللي اتربي عليه عليك انت، ولكن في الحالة ديه التمس له العذر والشفقة .. لانه كان ضحية تربية غير سوية، ضحية فكر مدمر، ف طبيعي يكون الشخص اللي عليه دلوقت، هتقولي ما فيه ناس اتربت غلط وطلعت كويسة ؟ هو انا ممكن اكون زيه في يوم من الايام .. ؟ هقولك برضه في نوعين من الناس ديه .. نوع اللي بيتمرد وبيفهم الصح وبيكون واعي جدا بنفسه طبعا الوعي ده بيكون نتيجة الصحوة الصحية والنفسية اللي موجوده دلوقت بكثرة، اللي كانت زمان معدومة. النوع ده بيكون فاهم وواعي وبيكرر انه مش هيبقى زي والديه وهيكون اب فعلا بمعنى الكلمة، النوع التاني للاسف الموضوع بيقلب معاه وبيكون زي ابوه وهنا بيكون الضحية التانية. اتمنى تشفق على تصرفات بابا، متكرهوش .. اتمنى انك تلتمس له الاعذار .. لو انت عارف مثلا هو اتربي ازاي او نشأ ازاي ممكم تعذره. واتمنى ليك السلامة.
تم النشر الخميس، ٣١ أغسطس ٢٠٢٣
ممكن تتعامل معاه بالطف واضحك معاه ع طول حتي وهو بيزعق حاول تخلي الموضوع يتحول ل هزار وتكلم معاه براحه ومتردش عليه ولو غلط فيك قولو ماشي يا حاج انا اسف من الاخر خد الكلام من هنا وطلعو من هنا وفي الاول والاخر دا ابوك وصدقني دا ضهرك اللي لو سندت عليه عمرو ماهيسيبك
تم النشر الخميس، ٣١ أغسطس ٢٠٢٣
والدي من زمان كدا، ولو هي كانت فتره كنت تحملته ولكن هو من زمان كدا حتى في عيوب تانيه زي إن مفروض الأباء بتظهر الشئ الجيد او السئ في أبنائها إلا أبويا دائماً يشوف الشئ السئ فيا ويقوله للناس أنا حاليا عمري ١٨ سنه وعمروا ما مدحني قدام شخص ولو لمره، وبالنسبه للتعبير عن غضبي فا أنا فعلاً في فتره مكنتش فيها متدين أصلا فا كان بيحصل مشاكل كتير ما بينا بسبب إني كنت برد عليه وحتى بعد ما تدينت حاولت فعلاً إني أعبر عن غضبي بصوره كويسه إلا إنوا حتى مش بقدر اكمل كلمتين على بعض أو تلاته ويقاطعني بكلامه وبيكون بيتكلم بعصبية فا بسكت عشان في مرحله كدا لو انا زودت عنها الموضوع هيخرج عن السيطره شويه وشكراً لرد حضرتك في ميزان حسناتك بأذن الله
تم النشر الخميس، ٣١ أغسطس ٢٠٢٣
لعرض الإجابة في فدني اضغط هنا