حالتي النفسية الفتره دي وحشه اوي حاسه اني مخنوقه بعمل مشاكل مع اي حد بحس الناس كلهم ممثلين وباخد مهدئات ومنومات عشان حاسه عصبيتي زايده اوي بس للاسف ادمنتها وكمان حاسه برغبه في الانتحار وخنقه شديده وعياط بدون سبب وعندي فقدان شهيه واوقات شهيتي تتفتح بزياده مش عارفه اعمل اي وزني نقص عامة وفتره يزيد وعندي توتر جامد ومراكمه محاضرات مش قادره اتخطي صدمات طفوله
بصي يا بنت الحلال..اهم حاجة دلوقتي ولا محاضرات ولا توتر الدراسة خالص أهم حاجة حياتك ونفسك لازم وبأسرع وقت تروحي لدكتوره نفسانيه شاطره تبدأ تسحب المهدئات والمنومات دي بالتدريج وبطريقة صح صحية وأمان عليكي لأن الأدوية دي هي اللي زايادة العصبية واللخبطة دي كلها وأهم خطوة انك تتكلمي مع حد متخصص عشان موضوع أفكار الانتحار ده خطير ومش هينفع تتخطي كل ده لوحدك ولا بروشتات من دماغك افتكري إن صحتك ونفسيتك أهم من أي حاجة ثانية في الدنيا وحياتك تستاهل تتعافى وتكون أحسن بس بلاش تمشي في السكة دي لوحدك ولازم خطوة الدكتور فوراً..ربنا يحفظك ويسعدك
تم النشر الأربعاء، ٢٦ أغسطس ٢٠٢٦
السلام عليكم، طيب طالما فيه صدمات طفولة وتراكمات أكيد هي السبب في الوضع الحالي وطالما وصلت لأفكار انتحارية وتأثير على حياتك ككل فلازم متابعة مع مختصة نفسية عشان توصلوا لجذور المشكلة وتعالجوها من البداية وتشوف كمان مشكلة إدمان المهدئات ده. استهدي بالله كده وبلاش فكرة الانتحار دي مهما كان الوضع صعب لأن الانتحار أصلا عمره ما كان حل ولا حتى هو مهرب. أنا مش عارفة كم عمرك وهل هتقدري تروحي لطبيبة لوحدك ولا تشوفي الخيارات الأونلاين لحد ما تعرفي النظام إيه. ممكن تشوفي صفحة الخبراء على فدني واختاري خبيرة تواصلي معها وشوفي النظام إيه وربنا يسهل. ربنا يعينك وتعدي الفترة الصعبة دي بسلام إن شاء الله.
تم النشر الثلاثاء، ٢٥ أغسطس ٢٠٢٦
أنا آسفة جدًا إنك بتمري بكل ده، وأقدر إن الشعور بالاختناق والعصبية والرغبة في الانتحار والإدمان على المهدئات ده حمل ثقيل جدًا، ومش ضعف منك، ده عرض لضغط نفسي كبير متراكم من الصدمات الطفولية والتوتر الحالي. أول خطوة عملية ومهمة دلوقتي هي إنك تتواصلي مع طبيب نفسي أو طبيب متخصص في الإدمان فورًا، لأن الإدمان على المنومات والمهدئات بيحتاج تقييم طبي عشان يساعدك تقللي الجرعات بأمان وتتعالجي السبب الجذري، وكمان عشان الأفكار الانتحارية دي تحتاج دعم فوري متخصص مش هتقدري تتخطيها لوحدك. في الوقت نفسه، حاولي تبدئي بخطوات بسيطة زي تنظيم يومك شوية، مثلاً تخصيص وقت ثابت للنوم حتى لو مش نايمة كويس، ومحاولة أكل وجبات صغيرة منتظمة عشان الشهية المتقلبة والوزن، ولو قدرتي تكتبي يوميات قصيرة عن المشاعر دي هتساعدك تفرغي الضغط بدون ما تعملي مشاكل مع الآخرين. بالنسبة للصدمات الطفولية والمحاضرات المتراكمة، العلاج النفسي المتخصص في الصدمات هيكون أفضل طريقة للتعامل معاها تدريجيًا، وممكن تبحثي عن أسئلة مشابهة على فدني عشان تشوفي تجارب ناس تانية. أنتِ مش لوحدك في المعاناة دي، وفي أمل حقيقي إنك تتخطيها بخطوات مدروسة ومساعدة مهنية، ابدئي بالاتصال بطبيب النهاردة لو قدرتي.
تم النشر الثلاثاء، ٢٥ أغسطس ٢٠٢٦
بصي صدمات الطفولة مش هتتخطيها بس لما تشغلي وقتك مش هتلاقي وقت تفكري اصلا فيها ثانيا ودا الأهم انتي مالك ومال الناس ولي تاخدي علاج ومعرفش اي عشان العصبيه اي دا معلش؟؟؟ انتي طالما شايفه انك بنضحك عليكي أو غيرك يمثل متعامليش مع حد سهله اهو يعني اي اخد علاج عشان عصبيه ودمري صحتك عشان الناس خليكي ف حالك خليكي هادية والنبي بقلك ان القوي اللي بمسك نفسه عند الغضب حطيها قدام عينك واسعي انك تعمليها +المحاضرات مش من اولها مراكمه ركزي ف صحتك وحلمك ومذاكرتك الطاقه للي بتستنزفيها في الناس وغيرو خليها لنفسك بالله بلا علاج بلا غيرو
تم النشر الأربعاء، ٢٦ أغسطس ٢٠٢٦
هما مطلقين وازاي في تعامل مع بعض ؟! ، انتي قاعدة مع مين فيهم ؟
تم النشر الأربعاء، ٢٦ أغسطس ٢٠٢٦
@مجهولة . حاجات كتير والله مشاكل وتعب جامد اوي من غير اي مجهود المشكله انا في 3ثانوي ولسه مبدأتش كمان وماما طول الوقت زعيق وبابا حاسه اني هتجنن هما مطلقين بس هو بيجيي يضربني لما اعمل حاجه غلط مبعرفش البس لبس نص كم او حاجه بسبب ضربهم
تم النشر الثلاثاء، ٢٥ أغسطس ٢٠٢٦
اي سبب الحالة النفسية ؟ أكيد في أسباب !
تم النشر الثلاثاء، ٢٥ أغسطس ٢٠٢٦
لعرض السؤال في فدني اضغط هنا