السلام عليكم ورحمة الله وبركاتة
جماعه بجد انا تعبانه نفسيا اوي تعبت اوي طاقتي خلصت من كل حاجة بجد جالي اكتئاب انا حرفياا بطلعش خالص غير كل فين وفين وهناا مشكلتي مش ف الطلعه لانو مش فارقلي المشكله ف اهلي ف التعامل وحشيين اوي مفيش حنيه اوي وانا عمري ما دورت ع ده بره لانو حرام ولا كلمت ولا لجات لحد مليش صحاب صحابي عادي بس مفيش خروج الي هو مع بعض علشان انا بحبش اخرج مع حد ومش بحب احكي لحد مشاكلي وبكتم جواياا بس حقيقي فاضي بياا اناا بيتقدملي ناس كتير اوي بس انا مش حابه ادخل حد حياتي دلوقتي خااالص وبرفض من غير م اعرف الشخص او يبقي في رؤيه شرعية
بابا صعب اوي وماما كذلك عندهم فرض سيطره رهيب اخواتي بيقولولي استحملي انتي ملتزمه وانتي ادري بالبر عننا واكيد عارفه انك لما تستحملي هتاخدي اجر بس ي جماعه بجد مش قادره بيجيلي فكر اني اسافر بره مصر اروح لخالتي هنا عندهم عادي بس اناا نفسي ضعيفه ولو رحت هناك هضيع ده غير ان السفر بدون محرم ده غير ان النقاب هناك يبقي في رقابه دايما عليه وهيفضلو ورايا لحد م اخلعو يا رب بجد يا رب فدوني بالله عليكو لاني هضيع وهضيع نفسي بفكري
شوفي فيديو عبلة لاشين ازاي خرجت من الاكتئاب وادعيلي بجد بتشرح كل حاجة ف الاكتئاب خاصة انها كان عندها اكتئاب لمدة لا تقل عن ٣٠ سنة حقيقي هتحسي بتتكلمي مع حد بيوصف حالتك وفاهم دماغك اما بالنسبة طالما اهلك م ممانعين ف جربي تاخدي الريسك وتسافري وتجاهلي كل الأسئلة بتاع اصل و اصل لأن دماغنا أو احنا ك بشر عندنا خوف من المجهول ف اتشجعي وربنا يوفقك
تم النشر السبت، ١٣ يونيو ٢٠٢٦
السلام عليكم ورحمه الله وبركاته. من كلامك حابه انبهك للنقطه مكتوبين مش واخده بالك منها او لاول مره تسمعيها وارد جدا ان يكون اللي انت حاسه بيه كله بسبب انك مش بتتكلمي زي ما قلت كده وصفتي نفسك انك مش بتحبي تفضفضي مع حد او تخرجي اللي جواكي لحد النقطه دي نقطه للاسف السلبيه وبتاثر على التوازن النفسي بشكل كبير طب انا لازم يعني يكون في حد يفوت وانا مش عايزه اعرف حد عني حاجه تم ولكن لازم يكون لينا طريقه للفضفضه وطريقه اللي احنا نسميها تفريز لازم اكون الحاجات اللي جوايا سواء افكار او مشاعر او وجهات نظر اي حاجه لازم يكون عندي طريقه تفريغ اكون يا بتكلم عنها يابا انفذها يا بكتبها باخذ. بيها قرارات يا باخد بيها ردود افعال المهم ان هي بتكون خارجه برايه لكن لما يكون كل حاجه موجوده جوايا فقط لا غير. ده بيسبب ضغط كبير جدا وده اللي بيخليني اكون هشه وانا بستحملش اللي جاي تاني من بره فاا حتى لو كانوا اهل الحاجات اللي بيعملوها ااا انا ممكن احاول استحملها او ممكن الاقي طريقه للتعامل معاها ولكن الضغط اللي متولد جوايا بسبب الكتمان هيخليني ما استحملهاش هنا لو انت ما عندكيش طريقه التفريغ دي او لو زي ما بتقوليه مثلا بتتكلمي مع اخواتك ولكن انت لسه جواك نفس الغضب او لسه جواك نفس الخنقه من تصرفاتهم زي ما انت وصفتي فهنا يبقى انا بتكلم عن اللي مضايقني وبخرجه اهو بفضفض به ولكن انا متسلسله جوه فكره انا عايزاهم يتغير. في التعامل مع الاداء بشكل خاص جدا جدا صعب ان انا اتمسك بالفكره دي صعب ان انا احطها كشرد ليه ارتياح النفسي او شرط ليه قدره تحملي لهم لان الاهل بالذات صعب جدا الشرط ده يتحقق ااا. لان هم في مرحله من الوعي بتخليهم متمسكين بالمعتاد وبيرفضوا التغيير بنسبه كبيره الا من رحم ربي طبعا في ناس بتتغير وفي ناس بتستوعب والامور بتختلف لكن احنا مع العام الانت غالبا شايفاه قدامك طيب لو حبيت ان انا بس استفسر منك على نقطه ان هم متسلطين طب ممكن تقولي لي متسلطين مثلا في ايه يعني شويه امثله كده عشان نقدر نحلل الموضوع ونشوف هل ممكن في تصرف مع النقاط دي من الشكل ده من التسلط ولا لا؟
تم النشر السبت، ١٣ يونيو ٢٠٢٦
وعليكم السلام ورحمة الله وبركاته، يا أختي العزيزة. أشعر بثقل ما تمرين به، وأقدر تمامًا كيف يمكن للضغط العائلي والكبت الداخلي أن يستنزفا طاقتك النفسية حتى تشعرين بالإرهاق الشديد والاكتئاب. أنتِ لستِ وحدك في هذا، ومن الطبيعي أن تبحثي عن طريقة للتعامل مع هذا الوضع دون أن تفقدي نفسك. من منظور إسلامي، الصبر على الأهل له أجر عظيم، لكنه لا يعني الاستسلام الكامل للضغط. ابدئي بخطوات عملية صغيرة داخل بيتك: خصصي وقتًا يوميًا لقراءة القرآن والدعاء بصدق، مثل "اللهم إني أعوذ بك من الهم والحزن"، فهذا يعيد شحن الروح ويمنحك قوة داخلية. حاولي أيضًا تنظيم يومك بأنشطة بسيطة مثل الاهتمام بهواية منزلية أو تعلم مهارة جديدة عبر الإنترنت، مما يساعد على استعادة السيطرة على حياتك دون الحاجة للخروج. أما بالنسبة للتعامل مع الأهل، فيمكنك ممارسة الحوار الهادئ والمباشر في أوقات مناسبة، مع التركيز على مشاعرك بطريقة غير تصادمية، مثل "أشعر بالضيق عندما..."، مع الحفاظ على البر والاحترام. تذكري أن تغيير الآخرين ليس بيدك، لكن تغيير ردود أفعالك يمكن أن يخفف الضغط تدريجيًا. بالنسبة لفكرة السفر، فهي تحتاج إلى تفكير عميق في الجوانب الشرعية والعملية، مثل وجود محرم، وأنصحك بالتركيز أولاً على بناء قوتك النفسية هنا من خلال الاستعانة بالله والصبر المدروس. أنتِ قوية بما يكفي لتجاوز هذا، ويمكنك البحث عن أسئلة مشابهة على فدني للحصول على وجهات نظر إضافية تدعمك. إذا أردتِ مشاركة المزيد، أنا هنا للاستماع والمساعدة بخطوات عملية.
تم النشر السبت، ١٣ يونيو ٢٠٢٦
ربّنا ييسر الامر ويقدم الخير وشكرا لكلامك
تم النشر السبت، ١٣ يونيو ٢٠٢٦
تمام مفيش مشكلة طالما مفيش حد مناسب بس المهم منقفلش الباب تماما .. وطبعا الاهل عايزين مصلحتنا وبيحبونا بس بطريقتهم قد تكون جيده او لا .. وزى ما قلتلك كدا كدا وقت مؤقت مش هتكملى حياتك كدا .. لكن ركزى جهدك ف حياتك الجديده واللى هتبتدى اختارى شخص صح تبداو سوا
تم النشر السبت، ١٣ يونيو ٢٠٢٦
المشكله انهم اهلي فعلا والواحد بيتعب بسبب كده حتت اني اوافق ع حد دي صعبه لان ده مشروع جواز يعني خطوه لازم حد مناسب وفكرو يبقي ناضج فاهم يعني انا الي بيتقدمو ف نفس سني بس مش ناضجين كفايه لان هما معارف من تبع العيله وصحاب اخواتي
تم النشر السبت، ١٣ يونيو ٢٠٢٦
للاسف موضوع الاهل ده بيبقى تقيل وصعب التعامل فيه وطبعا صعب نغيرهم ..بس مبادأيا عشان تخفى الضغط من عليك اعرفى انه مجرد وقت مؤقت وف الاخير هتروحى بيتك وتبداى حياتك وإن شاء الله ميبقاش فيها كل اللى مش حباه ده .. ف الحل المناسب ليك حاليا انه لما يتقدم حد ع الاقل تقعدى معاه ولو مناسب يبقى هتبدأى حياتك مع شخص زيك ومناسب ..
تم النشر السبت، ١٣ يونيو ٢٠٢٦
لعرض السؤال في فدني اضغط هنا