انا للأسف فاشل اجتماعيا أو بمعني اصح غبي اجتماعيا يعني في ناس بتقولي انت معقد أو انت غبي اجتماعيا أو اسلوبك منفر وهم فعلا على حق
بس انا فعلا عايز اتغير بس مش عارف ازاي انا مثلا لو شفت حد زعلان مش بعرف اواسيه ولما بشوف حد فرحان انا بفرح من جوه لكن مش بعرف اعبر عن ده انا للأسف مش بعرف اعبر عن المشاعر ببقى مش عارف اتعامل مع الناس ازاي فبتعامل مع الناس كلها بشكل رسمي يعتبر وده الي بيخليني اني معنديش صحاب او حد اتكلم معاه
وللأسف الناس بتبعد عني ولما بتعامل مع الناس عن قرب وابتعد احس انا العلاقه بدات تقرب شويه من علاقه الصداقه ألاقي الناس بتبعد يمكن لأن أنا ببقى متوتر وبخاف أن العلاقة تطور للصداقه مش عارف ليه ولما ببقى قاعد في مكان وفي ناس كتير أو مجموعه انا ببقى متوتر وببقى محرج بدون سبب وجيه
انا مش عارف انا المفروض اخلص من العقد ديه ازاي أو ازاي أطور من communication skills بمعني أصح ازاي اكون طبيعي مع الناس ومحسش بتوتر أو خجل أو خوف
السلام عليكم ورحمه الله وبركاته طيب خلينا نقول برافو عليك انت عارف ان في حاجه اسمها كومينيكيشن يعني ايه كومينيكيشن مهارات التواصل ازاي نتواصل مع بعض فتواصل يعني ايه يعني انا بوصل لك شيء وانت بتوصل لي شيء فهنا خلينا نعمل حاجه بسيطه قوي وهو انك وانت موجود مع ناس سواء مع شخص واحد او مع مجموعه من الاشخاص ركز الاول انت محتاج توصل لهم ايه لانه دي اهم نقطه انت عايز تعمل تواصل فانت عايز توصل لهم ايه دلوقتي وركز في الرساله اللي انت عايز توصلها الاول وخلي بالك بقى ان الرساله دي هي اللي هتاثر على علاقتك الاجتماعيه لو انت طول الوقت عايز توصل لهم وتقول لهم انا حلوه انا جميله انا مفيش مني هتطلع منك تصرفات في الاغلب هتوصل عند اللي قدامك انك شايف نفسك بزياده وانك متكبر يعني طيب لو الرساله اللي انت عايز توصلها انه انا عديت بصعوبات كتير انا حياتي كان فيها ازمات كتير في الاغلب هيبقى ده كل كلامك وهتبقى ااا بتتكلم عن ازمات وعن حاجات محزنه بس فهتبقى بالنسبه للي قدامك بتوصل له رساله واحده وهي انه في كابه في حزن فم محتاجين ان احنا ما نركزش على مسج واحده او نبقى عايزين طول الوقت نوصل حاجه واحده بس عن شخصيتنا لا انا محتاج اعبر عن كل شخصيتي فهنا بقى هبقى عامل زي اللي بياخد مقتطفات انا دلوقتي عايزه اوصل ايه عايزه اوصل. ما هو ده احنا الموضوع واحنا بنتكلم في الكوره فيلا بينا نتكلم اهو وصل لكم انا حبي للكوره ايه او انا معلوماتي عن الكوره دي خلاص وهخلص المعلومه دي اللي عايزه اوصل لها واسكت ليه هسكت عشان استقبل من الناحيه الثانيه ودي الحاجه المهمه قوي في مهارات التواصل ان انا اكون بعرف اخذ وادي بس بعرف اتكلم اوصل اللي عندي وبعرف اسمع اللي قدامي طب لما بسمع اللي قدامي بسمعه ازاي بسمعه عشان خاطر ارد لا ده بالعكس انا بسمعه عشان اتفهم قوي قوي همم هل هو معايا على نفس الخط ولا هو في خط مختلف وما فيش مشكله في الاثنين لو هو اعلى معايا على نفس الخط حلو وجميل ايه ده الله احنا في شيء متشابهين فيه طب لو هو لا مش معايا على نفس الخط ومختلف يبقى تمام قوي خلاص احنا اتعرفنا على بعض ان دي نقطه احنا مش متشابهين فيها ففي الاغلب مش هتكون دي محور كلامنا في المقابلات اللي جايه لان نفس السؤال اللي انا عملت ايه واحنا ان شاء الله نحاول نساعدك بكل المقدار عليه.ه احنا مختلفين في النقطه دي او اهتماماتنا مش واحده يبقى انا استفدت من ان انا سمعت كويس علشان ادير الحوار اللي جاي عشان ادير المقابله اللي جايه وكل ما وصلت للي قدامي انه انا فعلا سمعته كويس وان انا قدرت ان انا سمعته منه كل اما كانت مهارات التواصل هنا بتزيد معايا وعلاقتي باللي قدامي بتكون افضل من شويه الحاجات البسيطه دي تفرق معاك وتعزز الموضوع شويه وطول الوقت خليك معانا كل اما يعدي عليك مواقف تعالى هنا.
تم النشر السبت، ٢ أغسطس ٢٠٢٥
بص اهم حاجه ثقتك ف نفسك وانت شايف نفسك ازاي متركزش ف كلامهم ركز ف حياتك انت عامله ازاي انت مش وحش انت بس محتاج تشوف نفسك بطريقه تانيه ومحتاج تحاول وتكمل شوف حاجه بتحبها شوف ناس جديده تستالك وجودك حاول تقرا كتب تروح جيم تنزل نادي تعمل اي حاجه تخرجك برا الدايره دي وتكون احسن بكتير أن شاء الله
تم النشر السبت، ٢ أغسطس ٢٠٢٥
في مهارة اسمها الذكاء الاجتماعي وهو نوع من انواع الذكاءات ممكن تقرا عنه ولو في جلسات او ورش اشترك فيها مهم ممارسة انشطة جماعية
تم النشر السبت، ٢ أغسطس ٢٠٢٥
أهلاً بك يا Basel، شكراً لك على صدقك في التعبير عن مشاعرك وتجربتك. خليني أقول لك أولاً: هو مش ضعف منك ولا غباء، لكن هو تحدي اجتماعي ممكن نشتغل عليه خطوة بخطوة بإذن الله. التوتر والخجل اللي بتحس بيهم طبيعيين عند كثير من الناس، وأنت مش لوحدك في ده. خلينا نحلل المشكلة مع بعض ونقسمها لمراحل بسيطة: فهم مشاعرك والتعبير عنها لما تقول إنك بتفرح من جوه لكن مش بتعرف تعبر، دا طبيعي جداً. التعبير عن المشاعر مهارة يمكن التدريب عليها. حاول تبدأ بحاجة صغيرة: لما تحس بالسعادة أو الفرح، جرب تقولها بكلمات بسيطة زي "أنا مبسوط عشان كذا" حتى لو بشكل رسمي في البداية. دا هيخلي الناس تقدرها حتى لو التعبير ما كان قوي. التعامل مع مشاعر الغير لما تشوف حد زعلان ومش عارف تواسيه، جرب تبدأ بجملة بسيطة زي: "أنا شايف إنك متضايق، لو عايز تتكلم أنا موجود". مش لازم تحل المشكلة، بس وجودك وتفهمك بيكون مهم. السند النفسي مش دايماً كلمة، أحياناً بس حضورك واهتمامك بيكونو كفاية. تقليل التوتر والخجل في المواقف الاجتماعية حاول قبل ما تدخل في مجموعة أو تجمع، تجهز لنفسك كلمات قصيرة للتواصل أو أسئلة بسيطة، زي "إزيكم؟" أو "كنت بتعمل إيه اليوم؟". الأسئلة البسيطة دي بتفتح المجال للكلام. خد وقتك، مش لازم تكون سريع أو متفاعل بقوة في البداية. الاستماع فقط برضه تواصل. تطوير مهارات التواصل تدريجياً شغل على مهارات زي لغة الجسد، الابتسامة اللطيفة، والتواصل البصري بطريقة هادئة. ممكن تبدأ بممارسة التواصل مع ناس بتثق فيهم أو بتعرفهم من قبل عشان تكتسب ثقة. التغلب على الخوف من العلاقات الصحوبية طبيعي يكون في خوف من تطوير العلاقات، خاصة لو عندنا تجربة سابقة سلبية. أجرب تشوف العلاقة كفرصة للتعلم مش اختبار. كل علاقة بتعلمنا شي جديد عن نفسنا والناس. ما تستعجلش، خذ وقتك وتحكم في وتيرتك. الاستعانة بالمساعدة الخارجية لو حسيت إن المشاكل الاجتماعية دي عميقة وتأثر على حياتك كثير، ممكن تفكر في استشارة خبير نفسي أو مدرب حياة. في موقع فدني ممكن تلاقي خبراء في التواصل والعلاقات الاجتماعية ممكن يساعدوك. نصيحة أخيرة يا Basel: التغيير ممكن لكن بيحتاج لصبر وممارسة. ابدأ بخطوات صغيرة، احتفل بتقدمك مهما كان بسيط. لا تقسو على نفسك لو حصل وارتكبت زلة، كلنا بنخطئ ونتعلم. لو حابب أشارك معاك بعض المصادر أو أساعدك في وضع خطوات عملية بالتفصيل، أنا هنا دائماً. هل تحب نبدأ مع بعض بخطوة صغيرة معينة؟ مثلاً، كيف تعبر عن مشاعرك بطريقة بسيطة مع الناس؟ أو كيف تبدأ محادثة مع شخص جديد؟ أنا ذكية هنا وأساندك دائماً! 🌷
تم النشر السبت، ٢ أغسطس ٢٠٢٥
زي مشكلتي بالضبط😂💔💔
تم النشر الأربعاء، ٦ أغسطس ٢٠٢٥
.
تم النشر السبت، ٢ أغسطس ٢٠٢٥
لعرض السؤال في فدني اضغط هنا