السلام عليكم و رحمه الله و بركاته
كنت سألت قبل كدا في البرنامج عن ايه حكم إن بكلم واحد قريبي و مش بنتكلم في اي حاجه غلط بل بنتكلم في أمور عاديه ف الحياه خاصةً إن هو متدين و كان بيسأل عني و عن أهلي وأنا كذلك من وقت للتاني و أحد الأعضاء رضي الله عنها قالت لي إن ده حرام و غلط بردو لإن هيفتح عليكي أبواب كتيره فيما بعد
فأنا فعلاً قطعت معاه خاصةً بعد ملقيته بيمدحني في كذا جُمله فيما معناهم إن أنا حلوه و إن أنا غاليه عنده
فطبعاً طبعاً انا مقبلش بإن واحد حتى لو مين إنه يقولي كدا لإن غلط و أنا غصب عني كنت بحكيله بردو عن هواياتي و كان معجب بيها و بيشجعني،
و لو حاسس ان انا اتضايقت ذره من كلمه قالها بيعتذر كتير ، و بردو كنت بحكيله عن مواقف متعدده و كان بيحب يسمعها و كان بيبين اهتمامه و حُبه لكلامي و طريقتي في الكلام فحسيت إن ده فعلاً غلط و قطعت فجأه تماماً،
كنت سايبه الأكونت منغير مفتح الرسايل و لقيته باعتلي اكتر من ٥ رسائل معرفش ايه هم لحد الأن فبعدها مسحت الأكونت الي بكلمه منه كله لدرجه أن الرسايل الي بيننا هي نفسها اتحذفت من عندي و من عنده
و بعد كدا عملت اكونت جديد بعدها بفتره طويله لإن انا محتاجاه عشان أدخل في جروبات للدراسه و التواصل مع صحابي
فهو عملي كذا مره فولو ونا قبلت الفولو منغير م اعمله فولو باك ، فشال الفولو و حطه تاني و بردو عملت نفس الموضوع و هو كرر كدا اكتر من مره في فترات متباعده ف العيد الي فات بعتلي رساله بيقولي فيها كل سنه و انت طيبه و انتي اول حد اقوله كدا و حاطط قلب، مردتش و اكتفيت بإن اشوف الرساله من برا عدى الوقت و هو شال الفولو مبقاش يعمله
الموضوع طبعاً عدى وقت كبير اكتر من ٣ شهور
سؤالي هنا هل المفروض كونه قريبي إن ارد عليه و أفهمه موقفي و إن عرفت إن حرام نتكلم حتى ف الإمور العاديه ، ولا خلاص أقفل الموضوع
مع العلم هو قريبي من بعيد يعني مش ابن خالي ولا ابن عمي ، مشوفتهوش غير حوالي ٤ مرات و كنا بنتكلم فيهم انا و هو و قرايبي كلهم بعيداً عن إن ساعات كان بيوجه كلام خاص بيا انا و هو بس محدش سمعه و ده حصل لما كنت واقفه ف حته و جه وقف جمبي قالي بردو جمله فيما معناها إن انا حلوه اوي
بعيداً عن إن كان ردي مخزي الحقيقه و اتكسفت جداً و كان باين عليا ساعتها و هو عرف ده و حسيته عجبه رد فعلي فبقا يكرر المدح ده بصيغ مختلفه تخليني اتكسف جداً و أبتسم ، حقيقي بيبقا رد فعلي غصب عني لإن مش متعوده واحد يقولي كدا بطريقته خصوصاً انه شخص بيعرف يغازل ،
و بردو كان بيبينلي قدام الكل إن رأيي و ردي مُهم عنده اكتر منهم إن كان بياخد رأينا كلنا في لبس و كله بلا استثناء معجبهوش بس انا عجبني ف لبسه ،و بردو مواقف من دي كتير سواء ف اغنيه هم مش عايزينها ف الزفه بس انا عايزاها ف يشغلها
بشوفه في مناسبات عائليه فقط لا غير ذي الأفراح ، و الفتره الجايه في أفراح كتيره هتحصل في العيله ف خايفه من الإحراج الي سببته و إن يكون في حساسيه بيننا زايده و ملحوظه وسط العيله خصوصاً إن مامته عارفه إن هو كان بيبعت لي و بردو مامتي عارفه كدا بس محدش فيهم يعرف مضمون الكلام و خايفه نتفهم غلط
فعايزه اعرف المفروض اصارحه عن سبب رد فعلي ولا خلاص كدا الموضوع اتنسى و مش هيحصل حاجه؟
خايفه يكون أعجب بيا او علقته بيا لإنه أفعاله و إصراره على إن يكلمني مش مفهوم ، انا مأعجبتش بيه برغم ان معمليش حاجه وحشه كنت بس بحترمه و بحبه كأخ ليا و بينت له كذا مره بصيغ مختلفه إني بعتبره أخويا،
فيا ريت لو احد الإخوه الشباب الي في البرنامج يعرفوني هيبقا ايه رد فعلهم تجاه موقف ذي ده و هيحسو بايه لو مكانه عشان مش قادره أفهم هو كان عايز ايه و ايه الي المفروض أعمله بحيث ميكونش في حساسيه بيننا و نتعامل عادي لما نتقابل في التجمعات العائليه ، و اسفه إن طولت عليكم
السلام عليكم، ولا إحراج ولا حاجة. هو المفروض يفهم من نفسه. مش فاكرة إذا كنت رديت على مشكلتك اللي نشرتِها قبل كده بس أعتقد هيكون نفس الرأي، مفيش شخص متدين فعلا وعارف حدود ربنا هيستحل يكلم واحدة لا تحل له زي ما هو كلمك. فيه فرق عامة بين المدح العادي المباح والمدح اللي بيخرج من المباح ويبقى غزل أو يقاربه. ** إذا هو جد فعلا ومتدين هيخلي فيه حدود للكلام والتعامل زي ما ربنا أمر خاصة لو هو معجب بك وهيحاول يحافظ عليك وميعلقكيش به وكان هياخد خطوة صح ويتقدم أو على الأقل يكلم أهلك يعرفهم نيته لحد ما الظروف تسمح. غير كده متحطيش في بالك ولا تفكري كتير في الموضوع، مترديش على رسائل أو تبعتي له لأن ده ممكن يفتح الباب من جديد ويكون استدراج من الشيطان مش أكتر. إذا حصل وقابلك في مناسبة عائلية حاولي تتجنبيه قدر الإمكان وإذا معرفتيش وسألك ممكن بكل أدب وحدودية تعرفيه السبب وتقفلي الموضوع. ** ركزي في حياتك حاليًا ومتشغليش نفسك بكل ده وادعي ربنا يحفظك ويكتب لك الخير ويرضيك به. وبالتوفيق.
تم النشر الخميس، ٣٠ أكتوبر ٢٠٢٥
وعليكم السلام ورحمة الله وبركاته، عزيزتي، بارك الله فيك على صراحتك ومشاركتك للموقف، وهو بالتأكيد موقف حساس ومُرهق نفسيًا، وأنا هنا لأساعدك برحمة وفهم. أولًا، دعيني أقول لكِ إن مشاعركِ واحترامك لنفسكِ ولدينكِ مهم جدًا، وأنتِ اتخذتِ قرارًا يحافظ على حدودك وهذا شيء جيد يعكس حرصك على نفسك وعلى قيمكِ. لنفصّل الأمر خطوة خطوة: ردك على الرسائل والتواصل الآن: إذا كنتِ تشعرين أن الحديث معه قد يفتح أبوابًا لا ترغبين بها، أو يسبب لكِ ضيقًا، فمن الأفضل ألا تعودي للتواصل معه. يمكنكِ ببساطة عدم الرد، وهذا حقك. وإذا كان الأمر سيجعلك تشعرين براحة نفسية أكثر، يمكن كتابة رسالة قصيرة مهذبة توضحين فيها أنك تفضلين الحفاظ على المسافة بينكما احترامًا لنفسك ولما تشعرين به من تحفظات. هل أصارحه؟ إذا كنتِ ستصارحين، احرصي على أن تكون رسالتك واضحة، محترمة، ومركزة على احترام حدودك ومبادئك دون تعقيد أو إطالة. لكن إن كنتِ تشعرين أن الأمر قد يُربككِ أو يزيد من الإحراج، فمن الأفضل ترك الأمر كما هو وعدم فتح نقاش قد لا يحتاجه. موضوع الحرج في المناسبات العائلية: كوني على طبيعتك ولا تسمحي للإحراج أن يتحكم في تصرفاتك. يمكنك التعامل مع حضورك بعفوية ولباقة، ولا تظهري أي انزعاج أو توتر. عادة الناس لا تركز على الأمور بهذه الطريقة، وأنتِ لستِ مسؤولة عن أفكار الآخرين، فقط عن ردود أفعالك وأفعالك. هل هو معجب؟ وكيف تتصرفين؟ مدحه وتصرفاته قد يكون إعجابًا أو لفت انتباه، ولكن المهم عندك الحفاظ على حدود الدين والاحترام. تجاهلك لرسائله وصمتك هو رسالة واضحة منك أنكِ لا ترغبين، وهذا يكفي لتوضيح موقفك. نصيحة أخيرة: اجعلي نيتك دائمًا في تصرفاتك عن محبة الله وطلب رضاه. يمكنك التوجه بالدعاء لله تعالى أن ييسر لكِ الأمور ويرزقكِ البر والتوفيق في كل ما تشعرين به من قلق أو حيرة. إذا شعرتِ برغبة في التحدث بشكل أعمق أو تحتاجين دعمًا نفسيًا متخصصًا، أنصحك بزيارة صفحة الخبراء في فدني https://www.fedni.net/experts لكي تتواصلي مع مختصين في ما يخص العلاقات الشخصية وضبط الحدود بما يتفق مع الإسلام. وأخيرًا، لا تنسي أن تحافظي دومًا على احترام الذات والكرامة، ووفقتِ لما فيه خير لكِ ولعائلتكِ، وأنا هنا دائمًا لمساعدتكِ يا عزيزتي.
تم النشر الخميس، ٣٠ أكتوبر ٢٠٢٥
هو هيتعلق اكتر.... الاولاد طول ما البنت تقيله التعلق بيزيد... مجرد ما يوصل ليها بتكون مستهلكه عنده... موقف حضرتك.... اللي يرضي ربنا.... الكلام بحدود جدا و للضرورة.... ولو هو جد يدخل من الباب.
تم النشر الخميس، ٣٠ أكتوبر ٢٠٢٥
عاوز اهمس في اذن كل بنت... اقولها... متسلميش قبلك الا للي هترتبطي بيه رسمي... عشان طريق التعلق الغير رسمي.... الضحايا عليه كتيير جدا
تم النشر الخميس، ٣٠ أكتوبر ٢٠٢٥
المفروض والصح انك توضحى موقفك
تم النشر الجمعة، ٣١ أكتوبر ٢٠٢٥
طبعاً حضرتك كلامك صح ، بس احنا مكناش على علاقه ببعض ونا مكنتش هسمح ب كدا نهائي و ذكرت إن كان بالنسبالي بكلمه كأخ مأعجبتش بيه حتى، و مكنتش بسمحله إن ينجرف لأي مواضيع غير الي بتحصل في الحياه الطبيعيه هو لو فكر يدخل ف موضوع تاني ببينله ف جمل بهزار إن انت اخويا الكبير، و ع العموم انا من بدري جداً شلته تماماً ، يعني هو مش هيحاول يضحك عليا ولا يعلقني بيه ب اهتمامه و مشاعره تجاهي لإن مش محتاجه اهتمام من حد ولا مشاعر، و انا مش من البنات الي بتفكر بقلبها حاسس ب ايه بل بحب أفكر بالعقل بدليل إن لما عرفت ان ده غلط و لاحظت إنه بدأ يتغازل كتير و يهتم اكتر بعدت برغم ان الصفتين أي بنت تتمناهم و برغم ان الغزل يروق لي كأنثى بس الحق حق و الغلط عمره مهيبقى صح، و كان غرضي من الكلام ب تصرفاته عشان أبين شخصيته و انا كل خوفي كان من إن ف التجمعات العائليه نتفهم إن حصل مبيننا حاجه، لإن احنا مكنش في حاجه بيننا نهائي ولا لحقنا نحب بعض و ندخل ف علاقه خالص الحمد لله، بس ده الي هيتفهم من المعامله الي هتتغير اكيد بعد الموقف ده ، ونا مش عايزه أتفهم غلط أو ان انا حبيته و سبته لإن ده محصلش، و عموماً شكراً لحضرتك
تم النشر الخميس، ٣٠ أكتوبر ٢٠٢٥
البيوت تدخل من أبوابها لا من الشبابيك، فإن كان ينوي خطبتك فليذهب لأهلك مباشرة، وليكن صريحا معك أو فترك العلاقة أفضل وأسلم، وعوض الله خير وابقى
تم النشر الخميس، ٣٠ أكتوبر ٢٠٢٥
ولا اذي وأي حاجه... اللي حصل من حضرتك تجاهه علي هواه.. انا موضوع التبرير مش لازم هو هيفهم لوحده.... خلي بالك من مشاعرك.
تم النشر الخميس، ٣٠ أكتوبر ٢٠٢٥
شكراً لحضرتك ، فعلاً عندك حق انا غلطت تجاهه و بعدت عشان الموضوع مش يتطور ، إن شاء الله مكونش اذيته ، يعني رأي حضرتك مبعتش ابرر موقفي و سبب بعدي المُفاجئ و الموضوع مع الوقت هيتنسي؟؟
تم النشر الخميس، ٣٠ أكتوبر ٢٠٢٥
شكراً لنصيحة حضرتك
تم النشر الخميس، ٣٠ أكتوبر ٢٠٢٥
لعرض السؤال في فدني اضغط هنا