السلام عليكم ورحمة الله وبركاته
انا انسة عندي 21 سنة في فترات بينزل فيها دم مش في معادو خالص و لما كشفت في دكاترة قالت دي فترة التبويض لو بعد البريود ب 15 يوم بس هي ملهاش 15 يوم وفيه قال التهابات شديدة و في قال تبعيها و لو اتكرر كتير تعاليلي ف انا محتارة و خايفة يكون الموضوع عادي بس هي ليها 6 ايام كل يوم بينزل دم مش دم بريود كامل بس بينزل انو يملى المنديل و بينزل في الحاجة اللي لبساها اعمل اي تاني و هو ممكن يكون ضغط نفسي بس اوقات برضو ميكونش ضغط و بينزل دم هو ده اي حد يفدني ضروري
أنا هقولك بس على حكم الصلاة والصيام ولمس المصحف من الي أعرفه والله أعلم لو الدم استمر لأقل من يوم وليلة اعتبريها استحاضة وصلي الي عليكي وتوضأي لكل صلاة وتصومي وتلمسي المصحف زي الطاهرة لو بيستمر أكتر يبقى شوفي طبيعة الدم.. هل هو نفس دم الدورة ؟( لونه داكن، رائحته كريهة زي الدورة، غليظ) لو كدة اعتبريه حيض لمدة أقصاها ١٤ يوم والي بعده استحاضة ولك حكم الطاهرة ولكن تتوضأي لكل صلاة وتستخدمي فوطة صحية لو ما تطابقش اي حاجة فيه مع دا يبقى استحاضة برضو يفضل لو هتروحي لدكتور وانا شايفة ىوحي لدكتور... شوفي حد مرتاحة نفسيًا معاه وتابعي معاه لحد ما يوصل للسبب الرئيسي لو لا قدر الله في حاجات بتكون صعب تتحدد عافانا الله وإياكم *وأكيد طالما الدم غير دم الحيض اللي عارفاه وبيتكرر كدة يبقى غير طبيعي وربنا يديكِ الصحة والعافية وتكوني بأفضل حال💙
تم النشر السبت، ١٣ يونيو ٢٠٢٦
السلام عليكم، هل بتشتكي من أي مرض أو عندك أنيميا شديدة أو نقص فيتامينات أو بتاخدي أي أدوية عموما؟ الدم بيكون معاه ألم شديد أو أي اعراض تانية؟ هو نزول الدم في غير موعد الدورة زي ما الدكاترة قالوا لك قد يكون السبب اضطرابات هرمونية أو التهابات شديدة أو ضغط نفسي. فأنتِ حاولي تتابعي مع طبيبة واحدة وبلاش تفضلي تلفي على الدكاترة وتغيري الكشف من أول مرة، شوفي في منطقتك أو الأماكن القريبة منك طبيبة شاطرة تقييماتها كويسة وتابعي معها، ممكن تحتاجي فحوصات وتحاليل ومتابعة لفترة، وإن شاء الله يكون الموضوع بسيط. ألف سلامة عليك.
تم النشر الثلاثاء، ٩ يونيو ٢٠٢٦
وعليكم السلام ورحمة الله وبركاته. أولاً، أقدر تماماً شعورك بالقلق والحيرة، خاصة وأنتِ في سن 21 وبتواجهي نزول دم غير منتظم لمدة 6 أيام، مش زي الدورة الكاملة لكنه بيملى المنديل ويبقع الملابس. ده أمر يستدعي المتابعة الطبية الجادة، وأنا مش بديلة عن استشارة الطبيب، لكن هقدم لكِ بعض المعلومات العامة والخطوات العملية اللي ممكن تساعدكِ. الأسباب الشائعة لنزول الدم خارج الميعاد تشمل اختلالات هرمونية (مثل اضطرابات التبويض أو مشاكل الغدة الدرقية)، التهابات في الجهاز التناسلي، أو حتى تأثيرات الضغط النفسي اللي ممكن يؤثر على الدورة رغم إنكِ لاحظتِ إنه بيحصل أحياناً بدون ضغط. الدكاترة اللي قابلتيهم ذكروا التبويض أو الالتهابات، وده يعني إن الموضوع محتاج فحوصات إضافية زي تحاليل الهرمونات أو الموجات الصوتية عشان تتأكدي من السبب الدقيق، خاصة لو التكرار مستمر. كتير من النساء في سنك بيواجهن مثل هذه الحالات وبتتحسن مع العلاج المناسب. عملياً، ابدئي بتسجيل تفاصيل الدورة يومياً (التوقيت، الكمية، أي أعراض مصاحبة زي ألم أو إرهاق) عشان تقدميها للطبيب في الزيارة القادمة، وفكري في زيارة طبيب نساء متخصص لفحص شامل. لو النزيف مستمر أو زاد، لا تتأخري في العودة للدكتور. كمان، ابحثي عن أسئلة مشابهة على فدني للحصول على وجهات نظر إضافية من تجارب أخرى. أنتِ قوية وبتاخدي خطوات صحيحة بالفعل، وهتتجاوزي ده بإذن الله مع الرعاية المناسبة. لو عندك تفاصيل إضافية، أنا هنا للدعم. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٩ يونيو ٢٠٢٦
اللهم آمين ♥
تم النشر الاثنين، ١٥ يونيو ٢٠٢٦
حبيبتي تسلميلي وربنا يبعد عنك اي اذي واي ضرر يارب
تم النشر الأحد، ١٤ يونيو ٢٠٢٦
يارب يا حبيبتي انا وانتي
تم النشر الأحد، ١٤ يونيو ٢٠٢٦
هو انا مضغوطة دايما فممكن فعلاً كلامك ده عجبني كلامك والله ربنا يجازيكي كل خير ❤❤
تم النشر الأحد، ١٤ يونيو ٢٠٢٦
مش ديما هيكون عادي بس سعات بنبقا جوانا صغوطات كتيىه اوي وزهق وارهاق وتعب ومش بنقدر نخرجو ف هرومنات جسمنا طبعا بي تتلغبط وممكن يحصل كدا بس دا لو كان بي استمرار يبقا الافضل انك تروحي لدكتوره تطمنك اكتر من اي حد وربنا يطمن قلبك وتكوني بخير يجميله يارب♥
تم النشر الأحد، ١٤ يونيو ٢٠٢٦
طيب ده طبيعي و عادي يعني
تم النشر السبت، ١٣ يونيو ٢٠٢٦
ممكن تكون يحبتتي ضغط واظطراب فعلا في هرومنات جسمك بس اححزي عند دكتوره واتأكدي يعني
تم النشر السبت، ١٣ يونيو ٢٠٢٦
تمام يا حبيبتي حجزت كده و هروح اشوف الدنيا تسلميلي والله
تم النشر الخميس، ١١ يونيو ٢٠٢٦
ده غالبا بيكون اضطراب هرموني ده بسبب تذبذب هرمون الاستروجين والبروجسترون أو ممكن يكون التهابات او عدوي حوضيه انتي روحي للطبيبه واتاكدي واكشفي
تم النشر الخميس، ١١ يونيو ٢٠٢٦
لعرض السؤال في فدني اضغط هنا