ماذا افعل وهل الغي فكرة الزواج من اجل اختي؟

Question

انا مليش غير اخت واحدة عندها ٩ سنوات وانا ٢٥ سنة مخلصة كلية ومامتنا مش طبيعية يعني تقدروا تقولوا مريضة نفسية وكمان احنا في مشاكل كتير في البيت وكده بسبب مامتي لانها للاسف اسلوبها سيئ ويعتبر بتفكر في نفسها بس يعني مش مهتمية اوي لأختي.. من الاخر مش شايلة همها زي ما اي ام المفروض تشيل هم بنتها وهي كانت كده معايا بردو بس انا ربنا نجّاني بس اختي متعلقة بيا جدا وساعات بتقولي يا ماما وانا بخاف عليها اوي اوي وبخاف لو اتزوجت وسبتها ايه اللي ممكن يحصل فيها وبخاف من نقطة ان مامتنا مش مهتمية بيها اوي وكده فبقعد اعيط على اختي وهي نايمة من خوفي عليها فمحتاجة رأيكم والمتخصصين في حاجة انا كان في ناس بيتقدموا وكده بس انا بفكر الغي فكرة الزواج دي خالص علشان اختي..هي ملهاش غيري في الدنيا بعد ربنا لينا عمتين ولكن اكيد مش هيبقوا حاضرين معاها في كل الظروف زي ما انا حاضرة معاها فأنا بفكر اصد كل اللي يجيلي والغي خالص فكرة الزواج من دماغي واقعد مع اختي لحد ما تكبر واطمن عليها وبإذن الله ربنا يرزقها بالزوج الصالح وانا ربنا يصبرني ويعوضني عوض الصابرين فهل ده صح ؟ مع العلم.. مامتنا بجد تعتبر مريضة نفسية.. هي متعلقة بأبي تعلق مرضي وبحياتها واصحابها وكده طول حياتها وكانت مش مهتمية ليا ابدا ولا لاختي بس الحمد لله انا مش زيها.. انا انسانة بتحمل المسؤولية جدا ومبقدرش اكبر دماغي من كل حاجة زي ما هي بتعمل.

Accepted Answer

لا طبعا ما تلغي فكرة الزواج، عشان نفسك وعشان اختك كمان؛ بكرا بس تكبر اختك اكيد رح يجي الوقت الي رح يتقدمولها خطّاب، وبطبيعة الانسان بحاجة لشريك حياة، واحتمال كبير يصير بقلبك مشاعر سلبية تجاهها، وهي اصلا ما الها ذنب! ما بصير تعملي صفقة (من طرف واحد) بتتعلق بشيء مهم جدا بحياتك الي ممكن يأثر عليكي بالمستقبل ويأثر حتى على اختك؛ الي ممكن تحس كل عمرها بالندم عشان وجودها اصلا! (بسبب انها أثرت وقيّدت حياتك..) زي ما قالو الاعضاء بالإجابات، بتقدري تتزوجي وكمان تعتني بأختك، يعني مادام زوجك بالشغل ما في مشكلة تكون اختك كل الوقت عندك بالاتفاق معه طبعا، وكمان شوي بصير عندها امتحانات وجامعة وانشغالات، مش ضرورة تكوني عايشة معها بنفس البيت عشان تهتمي فيها الله يبارك فيكِ ويرزقك الزوج الصالح

Answer

طب ليه تلغي فكرة الجواز في حين ان ممكن يجيلك حد ابن حلال و شاريكي و يقبل ان اختك تعيش معاكم ، منها تبقي اهتميتي بأختك و منها تبقي اتجوزتي و عيشتي حياتك و ما حرمتيش نفسك ، ليه يا ابيض يا اسود ، ساعتها لو اللي اتقدم ما وافقش يبقى مش نصيبك و لو وافق يبقى شاريكي ، فما تحطيش تفاصيل حياتك المستقبلية لربنا ، ما ينفعش ، ممكن ربنا شايلك حاجه رابعه خالص و احسن من كل اللي بنقوله ، فخليكي متفتحه و اعرفي ان اختك هي اولوياتك و بس ، ما تقرريش أي حاجه مستقبلية غير ان اختك تكون معاكي ، و الباقي سيبيه لربنا هيبعتلك الاصلح ليكي ، وبالتوفيق 😊

Answer

بصي انتي قلبك كبير اوي والي بتعمليه مع اختك ده باب جنة مفتوح ليكي بس لازم تعرفي ان الجواز مش عائق بالعكس ممكن يكون هو السند الي يساعدك تشيلي الحمل ده ربنا مقالش اننا نلغي حياتنا عشان حد تاني لان رزق اختك وحمايتها في ايد ربنا مش في ايدك انتي لوحدك فبلاش تقفلي الباب في وش نصيبك وقبل ما ترفضي اي حد صلي استخارة وسيبيها على الله وممكن ربنا يرزقك بابن حلال يكون هو كمان حنين على اختك ويساعدك في مسؤوليتها فخليكي واثقة ان الي بيعين الناس ربنا بيعينه ومش هيضيعك ابدا عشان نيتك الطيبة دي وان شاء الله ربنا يعوضك خير ويريح قلبك ويطمنك على اختك

ماذا افعل وهل الغي فكرة الزواج من اجل اختي؟

نفسية

اجتماعية

زواج

سؤال من احد أعضاء فدني

تم النشر الأحد، ٢٢ مارس ٢٠٢٦

4 إجابة

16 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك