السلام عليكم
للاسف انا عندي مشكله اختي اكتشفت من فتره انها يعني بتعمل العاده السريه بس بطريقه مقرفه شويه بتتفرج على افلام اباحيه وبتكلم شباب كتير مع العلم ان والدي متدين واهلي عموما والموضوع اتطور معاها ان كذا حد لمسها بس يعني لسه بنت واكيد هتفهموني والموضوع الشهوه ولمس جسمها ف مكان معين بقاا هوس بتحكيلي انها ممكن تعمل اكتر من أربع او خمس مرات ف اليوم ومع العلم انها ما كنتش كده كانت بتصلي وحافظه كتاب ربنا ومعرفش ايه اللي حصلها الموضوع بقااا إدمان عندها وكمان انا مااقدرش احكي لأهلي لان متأكده ممكن تموت فيها منهم وكمان مااقدرش استشير شيخ لان تقريبا شبه الشيوخ عارفين والدي ي ريت ي جماعه حد يساعدني بدون تجريح هل هي تعتبر زانيه والحل ايه انها ترجع لربنا ازاي خصوصا انها بتقولي حاولت كذا مره برضو بتسيب الصلاه وتميل للحلجات دي وكمان محتاجه استشاره دكتور نفسيه هل ده مرض ولازم يتعالج وللأسف انا ما بقيتش عارفه هي اذت نفسها ولسه بنت ولا ايه ❤️🩹❤️🩹❤️🩹❤️🩹❤️🩹❤️🩹😭😭😭😭😭😭😭
بصي يا بنت الحلال..أهم حاجة دلوقتي تهدوا وتستوعبوا إن دي حالة إدمان وسلوك قهري ناتج عن ضغط نفسي شديد أو تجربة لخبطتها مش زنا ولا حاجة وبنت زي ما هي أن شاء الله ومفيش داعي للرعب والخوف اللي هيخليها تكتم وتزيد أول حاجه وأهم خطوة إنها تروح لدكتورة .. تمام دكتوره مش دكتور ..نفسية أو متخصصة علاج إدمان سلوكي في اسرع وقت عشان تساعدها تتخلص من العادة دي والوسواس اللي عندها بالتدريج وبطريقة صح من غير جلد ذات ولا فضايح وأنتي كأختها خلكي ضهر ليها واحتويها بلاش فضايح ولا حكي للأهل ولا للشيخ وخليكم مع بعض وقربوا من ربنا بالراحة ومن غير إجبار وإن شاء الله فترة وتعدي وتخف وترجع لحياتها الطبيعية بس المهم البدء في العلاج النفسي في اسرع وقت ..ولو مش في استطاعتها تروح لدكتور نفسي ... ممكن تحاولي تخليها تقطع المحفزات والتليفون في السرير خالص وتزحم يومها بأي حركة ومشغولات عشان العزلة والفراغ هما السر وتفهم إنها بحالة نفسية وسلوك قهري ومفيش أي خسارة لعذريتها ولا حاجة تهدى وتقرب من ربنا بالراحة وتستعين بالدعم والأهم تمنع القعدة لوحدها وتغير مكانها فوراً أول ما تجيلها الفكرة وانتي حاولى تكوني معاها دائما لو تعرفي تنزليها شغل لو انت في شغل أو تنزلوا الجيم مع بعض تتعلم حاجه جديده مع بعض المهم تملوا يومكم بحاجات مفيده وكذالك يكون في ترفيه شوفي هي تحب اي من الهوايات واعملوا الهوايه دي مع بعض ..رسم .طبخ ...الخ وجد والله ربنا يحفظها ويعفو عنها وترجع احسن من الاول ...لو تعرفو تنزلوا حلقات تزكية النفس..أو حفظ قرآن يكون حلو جدا
تم النشر الأربعاء، ٢٦ أغسطس ٢٠٢٦
وعليكم السلام ورحمة الله وبركاتة.. حضرتك ممكن تحاولي تتكلمي معاها وتفهميها اني دا غلط لانها بنت ومينفعش وغير انه حرام وزي الزنا وتحاولي تاخدي منها الفون مش دايما بس متخليهاش تممسك الفون وتقعد في اوضى لوحدها يعني لو عاوزة الفون لازم تقعد قدامك وبليل وقت النوم تشيلي اي تلفونات نهائي علشان متعرفش توصل ليها ووحده وحده يعني خليها اول يوم تقلل استخدام الفون وتاني يوم تقعد معاكي حاولي تخليها تعمل حاجات تشغلها عن دا تطلعو تتفسحو تعملو اي حاجة في البيت مثلا تبداو انتو الاتنين تحفظو قران وكدا دايما انتي معاها وتساعديها وتشغليها معاكي وبلاش تمسك الفون وتقعد وحدها
تم النشر الأربعاء، ٢٦ أغسطس ٢٠٢٦
طبعآ بلاش تعرفي اهلك لان الموضوع محتاج علاج بالحكمة وليس بالعنف وبما انها تعرضت للتحرش والتلامس اكثر من مره فلا شك ان ذلك عامل مباشر لتنشيط شهوتها في سن مبكر والتعرف على ممارسة العادة السرية والتحول لإدمانها وهذا يعتبر مرض سلوكي يحتاج للتعافي من خلال المتابعة مع مختص نفسي لتعديل السلوك وهكتب لحضرتك بعض الارشادات اتمنى انها تساعدها على التعافي الارشادات التالية ممكن نرى نتائجها في خلال اسبوع واتمنى من الله ان يعينها على التوبة والثبات على العفة ١) تجنب الوحدة والفراغ قدر المستطاع ٢) ممارسة رياضة مفيدة مثل الجري او الجيم او الكرة النسائية او اي رياضة فيها مجهود بدني ٣) مسح اي محتوى اباحي او رابط او اي مثيرات بالهاتف او استبدال الهاتف باخر غير متصل بالنت مثل الهاتف بالزراير ٤) تجنب صحبة السوء والابتعاد عن التواصل معهم ٥) الحفاظ على الورد اليومي من الاذكار او الصلاة
تم النشر الاثنين، ٢٤ أغسطس ٢٠٢٦
السلام عليكم، أختك عندها إدمان سلوكي واللي تعرضت له مش شوية وصعب جدا. الإدمان القهري ده ملوش علاقة بإيمانها ولا صلاتها، دي حاجة شبه إدمان المخدرات ومسيطرة عليها ومأثرة على كيمياء مخها. لازم وضروري متابعة مع مختصة ومعالجة سلوكية تساعدها بعلاج سلوكي وتعالج جذور المشكلة من أول التحرش والاعتداء الجنسي اللي تعرضت له في طفولتها. ممكن تدخلي على قائمة الخبراء في التطبيق وتختاري خبيرة تخصصها علاج سلوكي ومن خلال زر حجز استشارة تقدري تتواصلي معها وتكلميها على الوضع وتشوفي الجلسات ونظامها إيه ولو هي قريبة منك. ولو مفيش حد قريب منك من الخبيرات هنا، فيه عندك برضه موقع فيزيتا ممكن تبحثي عليه حسب المنطقة اللي عايشين فيها أو الأقرب لكم واقرأي كويس تعليقات وآراء الناس اللي تابعوا معها عشان تتأكدي منها قبل ما تحجزي وإن شاء الله تقدر تساعدها. المهم خليكِ جنبها وادعميها نفسيا لأنها هي أكيد عندها جلد ذات وكره شديد لنفسها وتعبانة بسبب الوضع اللي مش قادرة تتخلص منه. ويا ريت لو تعرفي ارقيها بنفسك أو شغلي الرقية الشرعية في غرفتها طول الوقت وخليها تقرأ سورة البقرة بنفسها كل يوم حتى لو لقت صعوبة في ده، شجعيها وتابعي معها باستمرار. ربنا معكم ويصلح أحوالها ويطمنكم عليها.
تم النشر الاثنين، ٢٤ أغسطس ٢٠٢٦
وعليكم السلام ورحمة الله وبركاته، يا أختي. أنا أفهم تمامًا مدى القلق والألم اللي بتمرين بيه، وأقدر إنك بتحاولي تحمي أختك بدون ما تؤذيها أو تكشفي سرها لأهلك. الموضوع ده مش سهل، وهو فعلاً يبدو إدمانًا سلوكيًا مرتبط بالشهوة والضغط النفسي، مش مجرد "عادة" عابرة. أختك كانت ملتزمة ومحفظة لكتاب الله، وده دليل إن التغيير ممكن، لأن الرجوع للطريق الصحيح متاح دايمًا بالتوبة الصادقة. بالنسبة لسؤالك إذا كانت تعتبر زانية: لا، مش بالمعنى الشرعي الكامل للزنا اللي هو الجماع المحرم، لكن الأفعال اللي بتعملها (مشاهدة الأفلام الإباحية والكلام مع الشباب واللمس) كلها محرمة، وتحتاج توبة نصوحة. التوبة في الإسلام بتكون بالندم الحقيقي، والإقلاع الفوري، والعزم على عدم العودة، مع الإكثار من الاستغفار والدعاء. حاولي تتكلمي معاها بهدوء وبدون تجريح، قوليلها إنك بتحبيها وبتقلقي عليها، وشجعيها على الرجوع للصلاة والقرآن تدريجيًا، زي ما كانت قبل كده، وادعميها بأفكار عملية زي تخصيص وقت يومي للذكر أو قراءة سور قصيرة. أما عن الجانب النفسي، فده فعلاً يُعتبر سلوكًا إدمانيًا قد يحتاج تدخل متخصص، مش مرض عضوي بالضرورة لكنه يشبه الإدمان على المواد المخدرة في تأثيره على الدماغ والسيطرة على النفس. أنصحك بشدة تشجعي أختك على استشارة طبيبة نفسية متخصصة في الإدمان السلوكي أو الاضطرابات الجنسية، عشان تفهم السبب الجذري (ممكن ضغوط أو صدمات سابقة) وتتعلم طرق عملية للسيطرة عليه. أنتِ مش مسؤولة عن علاجها لوحدك، لكن وجودك كدعم هيفرق كتير. لو قدرتي تبحثي عن أسئلة مشابهة على فدني، هتلاقي تجارب أخرى بتساعد في فهم الطريقة الأفضل للتعامل. خدي بالك من نفسك كمان، يا قمر، لأن الضغط ده بيأثر عليكِ. استمري في الدعاء لها ولنفسك، وربنا يهديها ويصلح حالها ويخفف عنكِ. ❤️
تم النشر الاثنين، ٢٤ أغسطس ٢٠٢٦
تمام جزاكي الله كل الخير
تم النشر الاثنين، ٢٤ أغسطس ٢٠٢٦
اختك انتكست للاسف ❤️🩹❤️🩹 لازم تاخدي ب ايدها لو انتي اكبر منها شيلي الفون الادمان دا محتاج تدريجي توقفه لازم توقفي جنبها ومتسبيهاش لوحدها راقبيها واسمعي بودكاست مع بعض خليكي جنبها وطبعا حتت اللمس دي الموضوع صعب بجد ومش هتعرف تتخطي بسهوله وزي ماقلت الأخت فوق محتاجه دكتور أو أخصائي يخرجها من الحالة دي ف حاولي تمشي ف الموضوع دا كد م تقدري وواحده واحده هترجع لربنا صلو مع بعض وفهميها ان كدا بتضيع الموضوع مش سهل بجد وحتت خالك دي مصيبه أكبر اختك عايزة مراقبه وهي ف سن صعب ف حافظي ع اختك بالله وادعي كتير كد م تقدري الله المستعان
تم النشر الأربعاء، ٢٦ أغسطس ٢٠٢٦
بصي خليها تقرأ سورة النور بنفسها الأول ، بلاش تسمعها حاليا ، تقرئها بهدوء كدا وتدبر
تم النشر الاثنين، ٢٤ أغسطس ٢٠٢٦
مش هناخدها بالغصب ، مش هية عاوزة تتوب وتتغير ولا انتي اللي عوزاها تتغير وهية معندهاش استعداد ؟
تم النشر الاثنين، ٢٤ أغسطس ٢٠٢٦
تمام هعمل كده بس الفكره عندها الاستمرارية تصلي فرض وتقعد اسبوع ماتصليش ولما حد يغصب عليها تقول صليته وهي ما صلتهوش
تم النشر الاثنين، ٢٤ أغسطس ٢٠٢٦
خليها تصلي ركعتين توبة ، وتدعي في السجود كتير ، ثم بعدها لو معاكي سماعة ركبيهالها وشغليها علي سورة النور وخليها تسمعها بتدبر ، وراقبي الأوضاع انتي ، اعملي بس دا وبعدها نشوف الباقي
تم النشر الاثنين، ٢٤ أغسطس ٢٠٢٦
طيب وبعدين
تم النشر الاثنين، ٢٤ أغسطس ٢٠٢٦
طيب هنمشي معاها وحده وحده ، اقعدي معاها وخليها تعمل حظر أو ابلاغ لأي مواقع كانت بتشوف فيها الإباحية أو بتكلم منها شباب ، وتحذف أي موقع للسوشل سواء ( انستا أو تيك أو فيس أو وتس ، كل اللي معاها وكانت بتفتحه ) ثم خديها خليها تغتسل غسل الجنابة حتي لو مفيش حاجه ، احنا عاوزين نطهر البدن قبل القلب ، وخليها تتوضي بعد متخلص .
تم النشر الاثنين، ٢٤ أغسطس ٢٠٢٦
١٨
تم النشر الاثنين، ٢٤ أغسطس ٢٠٢٦
طيب بصي ي حبيبتي هية عندها كام سنة حاليا ؟
تم النشر الاثنين، ٢٤ أغسطس ٢٠٢٦
صعب اكيد هيلاحظوا
تم النشر الاثنين، ٢٤ أغسطس ٢٠٢٦
انا معرفش غير من اسبوعين و الموضوع عدي عليه اكتر من ١٠ سنين
تم النشر الاثنين، ٢٤ أغسطس ٢٠٢٦
يعني مش هتعرفي تخليها تتابع مع أخصائي ؟
تم النشر الاثنين، ٢٤ أغسطس ٢٠٢٦
لي مشتكيتيش خالها دا وابنه ؟
تم النشر الاثنين، ٢٤ أغسطس ٢٠٢٦
الموضوع اكبر من كده هي للاسف وحسبي الله ونعم الوكيل خالي لمسها من ورا وكان بفرجها ع القرف ده وكمان ابن خالي عمل الحركه دي وهي كانت صغيره ف تالته ابتدائي ولما كبرت وبقيت ف اعدادي اتكرر معاها الموضوع انا مش عارفه عي بنت ولا لأ انا اخدتها تعيش معايا عشان ماحدش يلاحظ انا محتاره والدكتور اكيد هياخدوا بالهم وكمان انا عايزها ترجع لربنا
تم النشر الاثنين، ٢٤ أغسطس ٢٠٢٦
هل في إمكانية تتابع مع أخصائي؟ أو دكتور ؟
تم النشر الاثنين، ٢٤ أغسطس ٢٠٢٦
انا عمري ما هفضح اختي دي نور عيني بس صعبانه علية ومش عارفه اتصرف
تم النشر الاثنين، ٢٤ أغسطس ٢٠٢٦
اولا استري عليها ومتحكيش لأهلك منعاً لتجنب ردود الفعل العنيفة والعواقب السيئة اللي هتعود عليها ، و من الناحية الدينية ف الإسلام بيدعو إلي الستر علي النفس والآخرين وفتح باب توبة بين العبد وربه ومنفضحوش ولا نشيع الفاحشة ، لإن في فرق بين الزنا الأكبر ( الفاحشة الكاملة ) و بين المعاصي التانية والسلوكيات الغلط ، ف الزنا اللي يقع عليه الحد والعقوبة له أركان محددة ١ / يحصل بينهم زي مبيحصل بين الزوجين يعني ( إيلاج الفرج في الفرج) بحاول أوضح بقدر الإمكان🤦♀️ ٢ / الشخص يكون بالغ وعاقل وعارف إن دا حرام وبرده ارتكبه و مختار يعني غير مكروه يعني عمله بإرادته محدش غصبه . ثانيا موضوع الإدمان والإباحيات غالبا بيكون وسيلة للهروب من ضغوطات نفسية أو قلق أو فراغ ومش شرط تبقا شهوة ، لو عندك الإمكانيات تخليها تتابع مع طبيب نفسي أو أخصائي نفسي بدون علم الأهل ف دا هيكون أفضل خيار .
تم النشر الاثنين، ٢٤ أغسطس ٢٠٢٦
لعرض السؤال في فدني اضغط هنا