انا باقيلي شهور و هتجوز
مش قادره افرح و مش حاسه بحاجه
كله بيقولي ان ده وضع مش طبيعي
ناقصني حاجات كتير مكسله اشتريها و معنديش طاقه اعمل حاجه
خطيبي مش موجود و مسؤولية التجهيزات عليا لوحدي
هو انسان كويس بس انا كنت فاكره اني هبقى مبسوطه و عندي شغف و فرحانه زي اي بنت
بالعكس عندي قلق اكتر من اي احساس تاني و شايله هم حاجات كتير اوي عليا و فكرة اني بعمل كل حاجه لوحدي خنقاني و حاسه ان اهله مش بيحبوني
عمرهم ما زاروني ولا بيكلموني انا اللي بكلمهم
و لما اتقدموا اخواته مجوش معاه حاسه اني مش مترحب بيا وسطهم
و خايفه من اللي جاي
بصي يحببتي مفيش حاجه اسمها كنت متوقعه اني ابق فرحانه أو كدا المشاعر دي حاجه لحظيه بتتخلق ف ساعتها بسبب الظروف ويمكن انتي مضغوطه وخايفه ودا شئ طبيعي يسببلك عدم فرحه بس بصي متفكريش ف أهله طول ماهو كويس معاكي يبق خلاص انتي هتتجوزيه هو مش أهله وحاولي تكلميه وتنزلوا تجيبوا لللي ناقصكم أو لو مش فاضي انزلي انتي ومامتك حاولي تخليهم يشيلوا عنك وانتي اخلقي لنفسك الأجواء اللي تبسطك كل يوم شغلي اغاني وزغرطي حتا لو تعبانه اتبسطي وودعي بين اهلك ربنا يتمملك ع خير يارب ويسعدك
تم النشر السبت، ٢١ يونيو ٢٠٢٥
السلام عليكم ورحمه الله وبركاته. ان شاء الله تجوزي على خير وتفرحي بالبسطي بس خلي بالك من حاجه مهمه قوي وهي التوقع. لما بتكوني رسمه لنفسك توقع معين حتى في الشعور اللي هو انا متوقعه انه يوم الفرح ده هبقى حاسه بكذا وكذا وكذا تخيلي تخيل معين للشعور ااا وتلاقي انه الشعور ده مجالكيش بالشكل اللي انت بتدوري عليه او انت متوقعه فده اللي يحسسك بالاحباط ده اللي يحسسك ان في حاجه غلط وكان لا انت لازم تقفي تقولي لا هو ازاي ما حصلش كده وده متوقع بلاش تتوقعي لانه مش كل حاجه بتيجي زي التوقعات التوقعات دي ممكن تبقى عامله زي الرسمه انا ممكن ارسم الرسمه بسمه دي مش موجوده في الواقع. فالشجره اللي انت رسمتيها بايدك اللي هي جايه من خيالك اللي هي جايه ممكن تكون من تجميعه كم شجره انت شفتيها في الحقيقه دي مش موجوده في الحقيقه كشجره فعليه. فخلي بالك من ده كويس جدا وطبعا الحاله بتاعه انه تكوني انت بس المهتمه بالتفاصيل دي طبعا حاجه مش لطيفه ااا اطلبي اطلبي من اللي حواليك ان هم يشتركوا معاكي خدي راي اللي حواليكي حتى في ده وارد جدا يكون ده طبع عيلتهم مش شرط يكون بيعبر عن عدم تقبلهم ليكي او اي حاجه من دي طيب هم ما بدروش مثلا بان هم يكونوا موجودين او يتواصلوا معك انت تواصلتي معاهم عزمتيهم مثلا في مره لا انا عازماكم تيجوا عندنا عشان نقعد مع بعض نتعرف على بعض اكتر كل دي حاجات اجتماعيه بتحتاجي انها تكون متبادله بتحتاجوا ان هي يكون فيها مبادره حاولي تعملي الحاجات دي علشان الموضوع يبقى بالنسبه لك فيه الاجواء اللي انت حباها وعبري لخطيبك كانه قد ايه انت متضايقه مثلا من انك كنت حابه ان اهله يكونوا على تواصل معاكي مختلف عن دلوقتي. الحاجه قبل ما تجيبيها او بعد ما تجيبيها اخلاقي انت لنفسك الاجواء اللي انت بتدوري عليها لانه ما حدش يعرف اللي انت بتدوري عليه. يكون اللي حواليكي عارفين ان انت لك انتقائيه بشكل معين فمش حابين يتدخلوا فسايبينك ب ااا انت محتاجه تعبري عن ده ببساطه ااا شاركيه حتى لو هو من بعيد شاركيه من على بعد صوري له الحاجات اللي انت محتاره فيها اللي انت بتجيبيها يعني اخلاقي اللي انت محتاجاه وبلاش تندمجي في شعور السلبي علشان ما تبقاش توقعاتك كلها سلبيه لا قدر الله.راحتك تكتبي حاجتك لوحدك مثلا ميعرفوش انك محتاجه حد معاكي عارفه انك ممكن تقولي لا هم المفروض يكونوا من فرحتهم ليا بيشاركوني تمام جدا لكن ممكن زي ما قلت لك اللي يوقفهم هو فكره هم واخدينها عندك فمن حساب الحاجات دي كلها وانت شوفي ايه الاجواء اللي انت حباها وانت اعمليها بنفسك ااا الافكار بقى السلبيه اللي هتبدا تهجم عليك تقريبا اهله مش متقبلين ممكن برده الناس دي هي طبيعتهم كده ما بيتداخلوش مع العروسه اا الا لما خلاص تبقى مرات ابنه يعني
تم النشر السبت، ٢١ يونيو ٢٠٢٥
مرحباً عزيزتي، أولاً، شكرًا لك على مشاركتك مشاعرك بكل صراحة وشفافية. هذا بحد ذاته خطوة مهمة وقوية، لأن الأوقات اللي بتجتازها الآن مش سهلة أبداً، وأنت تمرين بتوتر وضغوط كبيرة. خليني أساعدك نحلل الأمور بشكل أكثر وضوح ونشوف خطوات عملية ممكن تساعدك. فهم مشاعرك وأسباب القلق شعورك بعدم الفرح رغم قرب الزواج شيء طبيعي كثيراً جداً، خاصة لو كانت الضغوط والتجهيزات كلها على عاتقك، وهناك شعور بالوحدة وغياب الدعم من خطيبك وأهله. القلق والخوف من المستقبل مرتبطين عندك بعدم الشعور بالترحيب والدعم، وهذا شيء يؤثر نفسياً كثيراً. شعورك أنك «مش مترحب بيك وسطهم» يمكن يزرع بداخلك القلق من قبولك داخل العيلة الجديدة وهذا موضوع يستحق معالجته. نصائح عملية وتعاطفية للتعامل مع الوضع توزيع المهام: حاولي تقسمي تجهيزات الفرح المهمه على أيام متفرقة، وخدي فترات راحة بينها. لا تحملي نفسك فوق طاقتها. طلب الدعم: حتى لو خطيبك مش متاح كثيراً، حاولي تتواصلي معه وتطلبي منه دعم معنوي ولو بسيط، مثل الاطمئنان عليك وتشجيعك، هذا ممكن يخفف عنك الكثير. تواصلي مع الناس اللي بتحبيهم: خلي عندك حدود ما بين المسؤوليات والتجهيزات وبين حياتك الشخصية. شاركي صديقاتك أو أهلك مشاعرك حتى لو مش عن التجهيزات فقط. أحياناً الدعم النفسي من وسط الأهل والأصدقاء بيكون نقطة ضوء. التعامل مع أهل خطيبك: حاولي تبني علاقة على قدر المستطاع معهم، لكن لا تحملي نفسك لو ما نجحتيش في الإحساس بالترحيب الكامل. هذا موقف مؤلم، لكن ممكن مع الوقت يتغير. من الناحية الروحية حاولي تقوي علاقتك بالله وتذكري أن الزواج خطوة عظيمة وأن الله معك في كل المحطات ويفتح لك باب الراحة. الصلاة على النية الصافية والاستعانة بالدعاء لتيسير الأمور يمكن يكون له أثر كبير في نفوسنا. وأخيراً لا تقلقي لو مش بتحسي بالفرح الآن، احنا بنعيش مشاعر مركبة، ومش لازم يكون الفرح نابع من اللحظة دي كلها، الأهم إنك تعتني بنفسك وتحافظي على صحتك النفسية. لو حسيتي أن القلق والاكتئاب بيزيدوا، لا تترددي في استشارة أحد الخبراء النفسيين، لأنه في كثير على فدني متخصصين ممكن يساعدوك كثير. إذا حبيتي، ممكن أساعدك في البحث عن أخصائية نفسية أو مدربة حياة على فدني تساعدك خطوة بخطوة. وبالتأكيد ممكن تراجعي صفحة الخبراء لتلقي المزيد من النصائح والدعم. أنا معاك دائماً، وافتكري أن هذا مجرد فصل مؤقت في حياتك، والفرصة بين إيديك للتغيير وإعادة ترتيب الأولويات. هل ترغبين أن أساعدك بابتكار خطة تنظيمية للتجهيزات تخفف عنك الضغط؟ أو هل تودين بعض الأفكار للتعامل مع القلق؟ أنا هنا لأجلك دائماً، يا فرحي قرب! ❤️
تم النشر السبت، ٢١ يونيو ٢٠٢٥
طيب سألتو عليهم والاحساس ده من اول ما اتخطبتي ولا لسه مستجد .
تم النشر الأحد، ٢٢ يونيو ٢٠٢٥
لعرض السؤال في فدني اضغط هنا