مش عارفة هتفهموني ولا لكن انا بحب حد وبحبو اوي لكن أوقات لما بقابل ناس غير واحس انو دا حد كويس واحس انو عجباه وفي صفات اكتر من اللي بحبو بحس انو ياه لو ااخد الشخص دا بس بيبقى جوايا ميول ناحية الشخص اللي بحبو معرفش نا على كدا بحب الشخص دا بجد ولا مش بحبو عشان بعجب بغيره وغيرو بيلفت انتباهي نا قولت يمكن فطرة بس لما سألتو وقولتلو انت لو شفت حد احسن مني ممكن يلفت انتباهك وتقول ياه لو ااخد الشخص دا
كان ردو عليا انو نا حبيبتو فمينفعش يقارني بباقي البنات ولو رجع بيا الزمن هختارك انتي فبقول جوايا هو نا على كدا مش بحب الشخص دا بس نا بحبو اوي ولما بيكون معايا مش بحس انو عايزة حد غيرو فهل عل كدا نا مش بحبو بجد وانو التفكير اللي بيجيلي لما بشوف حد بيلفت انتباهي دا معناة ايه عشان انا بتعب من كدا اوي @Yasmine Tawfik
أنا بحب ردك بحسك بتفهمينا ياريت تفديني وشكرا على تعب حضرتك
السلام عليكم ورحمه الله وبركاته اولا شكرا على ثقتك يعني اتمنى ان شاء الله ان انا افيدك في السؤال ده شوفي بما انك حاسه بالاحساس ده فهنا في احتماليه كبيره انه انجذابك للشخص ده وحبك لي من دافع انك ممكن تكوني حابه الطريقه اللي هو بيحبك بيها ان هو بيملالك جزء عاطفي ومش اكتر من كده الموضوع يعني احاسيس عاطفيه يعني مش هنقدر نقول عليها غير انها عابره مش اكثر وكده ومؤقته لان هي مرتبطه بالوقت اللي هو متواجد فيه والحاجات اللي هو بيقدمها لك ان هو بيعاملك بلطف ان هو بيقول لك كلام حلو ان هو بيتعامل معاكي بطريقه انت مفتقداها ومش لاقيها في اي حته او هي دي الحاجه او الطريقه اللي بتحسسك ان انت بنت وعايشه سنك وفي حد معجب بيكي ومغرقك حب واهتمام. غير كده الموضوع هنا عقلا انت عقلا في حاجات كتير جدا مش موجوده في الشخص ده وهتعجبك في اي حد ثاني ااا معدي يعني انا اعتقد ان انت سنك صغير ممكن تكوني يعني فهو العشرينات او ما وصلتيش للعشرينات فانا انصحك ااا بانك ما تعتبريش الشخص ده خالص ان هو ده حب حياتك بقى وحب عمرك واللي انت هتكملي معايا لحد اخر العمر لانك مش مجتمع على اختيار الشخص ده بقلبك وعقلك واا لسه محتاجه كتير قوي عشان خاطر تبقي عارفه انت عايزه ايه بالظبط وخلينا نقول القاعده الاساسيه للقاعده الاساسيه ما ينفعش يكون في علاقه ارتباط عاطفي ما بيني وما بين شخص واحنا مش في علاقه رسميه لانه كده او كده دي سلبياتها اكثر من ايجابياتها حتى لو انت شايفه ان دي حاجه لطيفه لكن صدقيني سلبيتها اكتر حتى لو احنا اا بعد شويه اتخطبنا بعد شويه اتجوزنا ولكن فعلا سلبيات المرحله دي بتظهر في وقت من الاوقات بعد كده في الحياه فانصح كلمه توقفي ده يعني عاجلا غير اجل ربنا يوفقك.
تم النشر الأحد، ٣١ أغسطس ٢٠٢٥
لعرض السؤال في فدني اضغط هنا