وعليكم السلام ورحمة الله وبركاتة سورة البقرة ديه حاجه عظيمه أووى أوووى ببقى عايز أقول لكل واحد ماشى فى الشارع اقرأ سورة البقرة وواظب عليها يوميا وحياتك ديه كلها هتتغير بدايتى مع معرفة عظمتها كانت من واحد صاحبى هو اللى نصحنى بيها صاحبى دا كان معايا فى السكن وكان دايما نفسة يتجوز ودايما بيدعى بالزواج مع إنه لسه طالب ومش بيشتغل ف على الواقع دا حاجه من الإستحالة فجأة فى خلال خمس شهور نتفاجأ جميعنا إنه كتب الكتاب وفى نفس الفترة لقى شغل فى شركة بل وشغال من البيت كمان علشان دراستة ف أنا منتظرة بقى بعد الأجازة علشان أسأله لقيت كنز ولا إيه اللى حصل ودماغى بتودى وتجيب أول ما قابلته وسألتة ؟ لقيت إجابتة إنه واظب على قرآءة سورة البقرة يوميا وديه كانت مفاجأة بالنسبالى قالى يا أحمد هتحس الدنيا ديه كلها أصبحت مسخرة ليك انت بس سورة البقرة هى العدو الأول للشياطين والجن سورة البقرة هى الرقيه الشرعية ل جميع حالات المس والسحر والحسد سورة البقرة يعنى البركة فى الحياه والطمأنينة فى القلب والتحصين من كل الشرور والشفاء من الأمراض كمان علشان كدا هى فيها الشفاء لكل المشاكل النفسية اللى بشوفها هنا ف دايما بنصح بيها فى كل رسايلى __ بس خدى بالك فى بداية مواظبتك عليها هتحسى الدنيا بتبوظ أكتر وممكن تحسى باكتئاب وأشياء شبيهه مكنتش أعرف إيه سبب دا فى الأول بس لما بحثت عرفت إنه بتبقى ديه مقاومة من الشياطين عليكى علشان توقفى قرأتها استمرى استمرى وبعدها هتحسى إن الحياة ديه كلها مسخرة ليكى انتى بس 🤍🤍
@Alshymaa Ahmed اللى انتى فيه دا شئ من العوارض زى ما قولتلك لأنها تتعذب بسبب قرائتك لسورة البقرة والشياطين عايزين يخلوكى تبطلى تقرائيها وبيحاربوكى بالبطئ واحساسك ان مفيش حاجة بتتغير وضيق القلب بس انتى على الطريق الصحيح اوعى تتركيها لحد ما تنتهى تلك العوارض والشياطين والطاقة السلبيه بمجرد ما تنتهى من تنظيف كل دا هتبدأى تشوفى بركة سورة البقرة بس ممكن يكون غايب عنك حاجه ان احنا مش من بنقرأها تجربة أو ان احنا عايزين كذا لا احنا مؤمنين بالله ومؤمنين انه قادر على أن يسخر كل من فى الأرض لنا صح ولا لا ف احنا بنتقرب الى الله عز وجل بقرائتها وبالفضل العظيم ل سورة البقرة آملين من الله عز وجل أن يحقق لنا ما نرجو فاهمانى بصى فى فيديو هحطلك اللينك هنا ممكن يفيدك أكتر منى فى النقطة ديه اسمعيه وبعدين ابقى ردى عليا هنا ربنا يكتب لك اللى بتتمنيه يارب ويرزقك أجر قرائتك ل سورة البقرة ويكتب لكى فضلها اللهم آمين https://youtu.be/24y2bfjGWZ4?si=L10aYJbzojkGOGTv
تم النشر السبت، ٤ أبريل ٢٠٢٦
طيب أنا عاوزه أقول لحضرتك إنى بقالى سنتين مواظبة عليها الحمد الله وبالنسبالى القراءن كله كنز وسورة البقرة من أعظم كنوز القراءن بس أنا مع الأسف وضعى بيسوء يوم عن يوم رغم إنى مواظبه عليها جدا والحمد الله مفيش يوم بيعدى غير لما أكون قريتها فسؤالى أنا إيه مشكلتى هل الغلط فيا لأنى بقرها وعندى حاجات كتيره نفسى فيها بس وضعى بيسوء يوم عن يوم ..رأى حضرتك إيه
تم النشر السبت، ٤ أبريل ٢٠٢٦
لعرض الإجابة في فدني اضغط هنا