السلام عليكم
أنا شوفت حضرتك كاتب كومنت عن سورة البقرة والإستمرار عليها وإتضحلى من كلام حضرتك إنك مواظب عليها وأنا كمان الحمد الله بس عاوزه اسأل حضرتك إزاى بتستشعر عظمتها أنا عارفه إنها بركه وإنها بتبقى سبب فى استجابة الدعاء وبتكسر السحر وتقتل الحسد بس الفكره إنى بجد فى حاجات كتير بتمناها بس لسه مأذنش ربنا إنو يحققهالى وكمان عاوزه أستشعر عظمتها فممكن تفدينى بخبرتك؟ بعد إذنك
وعليكم السلام ورحمة الله وبركاتة سورة البقرة ديه حاجه عظيمه أووى أوووى ببقى عايز أقول لكل واحد ماشى فى الشارع اقرأ سورة البقرة وواظب عليها يوميا وحياتك ديه كلها هتتغير بدايتى مع معرفة عظمتها كانت من واحد صاحبى هو اللى نصحنى بيها صاحبى دا كان معايا فى السكن وكان دايما نفسة يتجوز ودايما بيدعى بالزواج مع إنه لسه طالب ومش بيشتغل ف على الواقع دا حاجه من الإستحالة فجأة فى خلال خمس شهور نتفاجأ جميعنا إنه كتب الكتاب وفى نفس الفترة لقى شغل فى شركة بل وشغال من البيت كمان علشان دراستة ف أنا منتظرة بقى بعد الأجازة علشان أسأله لقيت كنز ولا إيه اللى حصل ودماغى بتودى وتجيب أول ما قابلته وسألتة ؟ لقيت إجابتة إنه واظب على قرآءة سورة البقرة يوميا وديه كانت مفاجأة بالنسبالى قالى يا أحمد هتحس الدنيا ديه كلها أصبحت مسخرة ليك انت بس سورة البقرة هى العدو الأول للشياطين والجن سورة البقرة هى الرقيه الشرعية ل جميع حالات المس والسحر والحسد سورة البقرة يعنى البركة فى الحياه والطمأنينة فى القلب والتحصين من كل الشرور والشفاء من الأمراض كمان علشان كدا هى فيها الشفاء لكل المشاكل النفسية اللى بشوفها هنا ف دايما بنصح بيها فى كل رسايلى __ بس خدى بالك فى بداية مواظبتك عليها هتحسى الدنيا بتبوظ أكتر وممكن تحسى باكتئاب وأشياء شبيهه مكنتش أعرف إيه سبب دا فى الأول بس لما بحثت عرفت إنه بتبقى ديه مقاومة من الشياطين عليكى علشان توقفى قرأتها استمرى استمرى وبعدها هتحسى إن الحياة ديه كلها مسخرة ليكى انتى بس 🤍🤍
تم النشر الجمعة، ٣ أبريل ٢٠٢٦
لعرض السؤال في فدني اضغط هنا