محتاج آخد رأيكم في حاجة بجد، ويمكن حد مر بنفس الحيرة دي يقدر يفيدني.
أنا خريج كلية آداب قسم جغرافيا ونظم معلومات، وعندي خبرة حوالي 10 سنين في مجال الملابس والمصانع، واشتغلت في أكتر من مكان واتعلمت شغل كتير. اشتغلت الفترة الأخيرة في فتح الله، لكن الشغل مجاش معايا ومقدرتش أكمل فيه.
ودلوقتي قدامي أكتر من طريق، وكل طريق فيهم مخليني محتار أكتر من التاني.
قدامي شغل في مكتب في المينا، وقدامي إني أرجع لمجال مصانع الملابس اللي عندي فيه خبرة كبيرة، وفي نفس الوقت بفكر أسيب كل ده وأبدأ أغير مجالي من الأساس.
بفكر أسافر بره مصر وأحاول أبدأ حياة جديدة، أو لو هفضل هنا آخد كورس إنجليزي وأحاول أدخل مجال الـ Call Center، أو آخد كورس OSHA وأبدأ أشتغل في مجال السلامة والصحة المهنية (HSE).
المشكلة إني مش عارف أختار أنهي طريق فيهم.
أنا خريج جغرافيا ونظم معلومات، وللأسف حاسس إن الشهادة نفسها لحد دلوقتي مش نافعاني بحاجة حقيقية في سوق العمل، رغم إني حاولت أتعلم وأشتغل وأكوّن خبرة في أكتر من مجال.
عندي خبرة سنين، لكن في نفس الوقت حاسس إن السنين دي ممكن تكون ضاعت لو فضلت أكمل في نفس المجال من غير ما يكون فيه مستقبل واضح. ولو بدأت من جديد، خايف أضيع وقت تاني وأنا بحاول أغيّر مجالي.
فأنا حاليًا حرفيًا تايه بين إني أستفيد من خبرتي، أو أبدأ من الصفر، أو أسافر، أو أطور نفسي وأفضل هنا.
لو كنت مكاني، هتختار إيه؟ أكمل في الملابس؟ أروح مكتب الشحن؟ أتعلم إنجليزي وأدخل كول سنتر؟ أخد OSHA وأدخل HSE؟ ولا أركز على السفر وأحاول أبدأ بره؟
محتاج آراء ناس عندها خبرة فعلية في المجالات دي، مش مجرد "اعمل اللي بتحبه"، لأن أنا فعلًا محتاج أحدد طريق أمشي فيه وأبني عليه مستقبلي.
لو مكانى، هتعمل إيه؟ وليه؟
السلام عليكم ورحمه الله وبركاته خليني اقول لك. علشان نحدد الطريق اللي هنمشي فيه احنا محتاجين نعرف اخر الطريق ايه انا بطريقه مش عارف اخره وده اللي بيساعد في ان احنا نحدد الطريق ان انا يكون عندي هدف واضح عايز احدد اللمبه اللي في اخر الطريق دي عامله ازاي انا انا اللي هحط اللمبه علشان ابدا اشوف ملامح الطريق بناء على اللمبه دي فاللي هدفه مثلا ان هو رجل اعمال غير هدفه ان هو يكون ااا. صاحب جمعيه خارج الهدفه ان هو يكون ااا بوزيشن مثلا سي اي او غير اللي هدفه ان هو يكون عنده مشروع الخاص. دي لمبه ده هدف وده هدف وده هيكون طريقه غير ده يعني اللي عايز يكون فيه اوه اكيد مش هيبقى بيفكر ازاي يعمل رسمه لكن اللي بيفكر ان هو يكون عنده مشروع خاص اكيد هيبقى بيدرس حتى حاجات او بيتعلم حاجات لها علاقه باداره البيزنس الخاص بتاعك فتفاصيل طريقه كل واحد هتختلف بناء على بتاعه هحط الهداف بتاعك عاوز توصل لايه في النهايه لان الحاجات اللي انت قلتها مختلفه تحط لها اهداف مختلفه لو انت ااا عاوز مثلا الهدف بتاعك انك تشتغل في شركه معينه اا وتوصل معين مثلا في مجال السلامه مثلا همم فده هيخليك تبدا تحدد الطريق بتاعك والمجال ده وتبدا تشوف تقدر تعمل ايه البورصات اللي هتدعمك لانك توصل للهدف بتاعك وهكذا وتقدر تخش بطريقه وتبداوا وتمشي فيه وتبقى محدد جدا طيب لو سافرت بره مصر هتسافر بره مصر بره مصر هو ده الهدف ده مينفعش يكون هدف كان انا اشوف انا عايز اسافر بره مصر اعمل ايه او هبني ايه بره مصر لو انا عاوز مثلا اسافر بره مصر عشان همم اشتغل اي حاجه مش هيفرق معايا المهم ان انا اجمع مبلغ مالي مثلا وارجع في ناس ثانيه لا انا عايزه ااسس حياه كامله بره اا علشان تكون دي حياتي الاساسيه في البلد اللي انا هسافر لها بره فده هدف مختلف وهيبقى تفاصيل مختلفه وهيبقى الشغل مختلف وهكذا. حدد الهدف بتاعك علشان طريقه يبدا يظهر معك ان شاء الله.
تم النشر الثلاثاء، ١٨ أغسطس ٢٠٢٦
لومكانك طبعا اول حاجة اني هفكر في السفر لكن قبلها هاخد كورس انجليزي وهدور على شغل في مجال من المجالين والي الاقيه دخله المادي اكبر هخش فيه وغالبا هيكون في الملابس لأنها فن ومصدر دخلها أحسن وكمان شغل يدوي مش شغل مكاتب وهتمل منه
تم النشر الأحد، ١٦ أغسطس ٢٠٢٦
أنا فاهمة تمامًا اللي بتمر بيه يا صاحبي، الحيرة دي طبيعية بعد 10 سنين خبرة وأنت شايف إن الشهادة الجامعية مش ساعدتك زي ما كنت متوقع. المهم دلوقتي إنك تقيم الخيارات بناءً على واقعك: خبرتك الطويلة في المصانع، عمرك، والظروف الاقتصادية الحالية في مصر. لو كنت مكانك، هبدأ بتقييم سريع لكل خيار بناءً على الاستقرار والنمو. الاستمرار في مجال الملابس والمصانع هو الأقرب للاستفادة الفورية من خبرتك، لأن 10 سنين مش هتضيع، وممكن تبحث عن فرص أفضل في نفس المجال بمرتب أعلى أو منصب إشرافي. أما مكتب الشحن في الميناء، فده خيار عملي لو بتحب الروتين المكتبي والتعامل مع اللوجستيات، وممكن يستفيد من خلفيتك في الجغرافيا ونظم المعلومات في تنظيم البيانات أو التخطيط. بالنسبة لتغيير المجال كليًا زي الـ Call Center أو HSE، أنصحك تفكر فيه كخطوة ثانية مش أولى. تعلم الإنجليزي أو أخذ كورس OSHA هيحتاج وقت وجهد، وأنت محتاج دخل مستقر دلوقتي عشان ما تضيعش سنين إضافية. HSE ممكن يكون مناسب لأن فيه طلب في المصانع، وممكن تربط بين خبرتك السابقة في الملابس والسلامة المهنية. أما السفر، فهو خيار كبير ومحفوف بالمخاطر، خاصة لو مش عندك خطة واضحة أو مهارات مطلوبة بره زي اللغة أو شهادات معتمدة. الأفضل دلوقتي هو أن تبدأ بخطوة عملية: استغل خبرتك في المصانع لفترة انتقالية (6-12 شهر) عشان تبني مدخرات، وفي نفس الوقت خد كورس OSHA أو طور إنجليزيك بشكل موازي. كده هتكون بتستفيد من الماضي وبتفتح باب للمستقبل بدون مخاطرة كبيرة. ابحث عن أسئلة مشابهة على فدني عشان تشوف تجارب ناس مرت بنفس الحيرة. لو عايز نناقش تفاصيل أكتر عن أي خيار، أنا هنا.
تم النشر الأحد، ١٦ أغسطس ٢٠٢٦
استخير ربنا الاول ثم امسك ورقة وقلم وحط كل خياراتك دي على الورق واكتب مميزات وعيوب كل حاجه وحاول تحط لكل ميزة او عيب درجة واحسب الدرجات كلها في الآخر وشوف انهي مجال جاب عدد اكبر من الدرجات بالنسبة لرأيي انا لو مكانك فهقولك تسع اعشار الرزق في التجارة وانت عندك خبرة كويسة فيه وجاهز تدخل السوق فلو مكانك بتوكل على الله وابدا في الملابس وربنا يوسع رزقك اللهم امين
تم النشر الأربعاء، ١٩ أغسطس ٢٠٢٦
لعرض السؤال في فدني اضغط هنا