المشكله الحقيقيه فعلا ان احنا شفنا اللي هم مش شافوه احنا تعبنا احنا في جيل وهم كانوا في جيل ثاني الجيل بتاع زمان اعلى طموحاتهم كان ممكن ان هم يشتروا تلفزيون انما احنا جينا لقينا تليفونات نت كمبيوترات حياه سهله ممكن اكلم واحد صاحبي ما اعرفوش عن طريق ايموجي اعبر له عن مشاعري بضحكه مش انا اللي ضحكتها ولكن التليفون هو اللي بعت له الضحكه دي وهو صدق واقتنع وحبها المشكله الثانيه بقى ان احنا عايشين في عالم غريب فعلا عالم الاب بيعاير الابن انه بياكله مثلا انا عن نفسي عمر 23 سنه اتخانقت وسبت البيت لوالدي وانا عندي 16 سنه وبعدين امي واخواتي ما يقدروش يعيشوا معاه او يستحملوه جم عاشوا معايا بقيت من وانا عندي 16 سنه وانا شايل مسؤوليه اخوات وام وبيت وايجار وتعليم حاجه ما زعلتنيش بالعكس حاجه حسستني ان انا راجل ممكن اعتمد عليه ولكن في الفتره الثانيه بدات احس لوحدي ليه انا مش زي اصحابي صاحبي انا عنده 23 سنه وخاطب وعلى وش جواز او مخلص تعليم عالي ابص الاقي واحد مهندس الاقي واحد دكتور هو لسه ما تخرجش بس هو دخل كليه هندسه او كليه طب واللي دخل كليه شرطه بعد كده انا ممكن اقابل واحد صاحبي اقول له ازيك يا عبد الرحمن باشا مع انه صاحبي بالنسبه بقى للدراسه كان حلم حياتي ان اكون مهندس واسعه واذاكر واجتهد وافضل سبع ايام اذاكر انام ساعتين في اليوم عشان حلمي بعد بقى ما كملت 23 سنه ووالدي جه وشافني في الشارع وانا ماشي بالصدفه ولقيته واقف بيبص لي بصت استغراب مندهش بيقول ده ابني اللي انا سبته وهو عنده 16 سنه انا فخور بيك طب ليه ما كنتش فخور بيا في الاول بيحاول بقى على قد ما يقدر انه يتقرب لي ثاني بس انا مش عارف هل انا متقبل ولا مش متقبل الموضوع ده انا عارف ان انت كنت بتسالي سؤال عشان انت حاسه باحساس شبيه للاحساس اللي انا فيه وانا رديت باجابه ممكن تسد نفس الواحد ولكن انت لو قريت اللي انا قلته ده هتلاقي في اجابات كثير يعني لو انت عايشه وسط امك وباباكي واخواتك وفي بيت احمدي ربنا هنعمه دي انا النعمه دي انا كنت بدور على النعمه دي من وانا عيل او من وانا طفل زي ما بيقولوا فاحمد ربنا هم فعلا شايفين حاجات احنا بنعملها غلط ولكن هي بالنسبه لنا صح فعلا في حاجات في زماننا دلوقتي غلط وغلط جدا بس مش كل واحد بيستخدم الحاجه اللي قدامه في الغلط زي النت انا ممكن استخدم الانترنت في ان انا اتعلم برمجه كورسات انجليزي فرنش ممكن اتعلم لغه معينه حاجه معينه ممكن اشتغل عادي ممكن حد غيري يستغل ده في حاجه ثانيه ممكن يستغله في الشر انا هنا مش بتكلم على الشر عشان انا عارف ان في خيال واسع ممكن يفكر في الدارك ويب والكلام الهبل ده لكن انا هنا بتكلم عن الغلط ممكن الاجابه دي انا قلتها لحد ينصدم انا لحد الان فعلا ما كلمتش بنت واحده على حاجه اسمها نت او تعرفت على بنت جارتنا او الكلام ده فتلاقي اصحاب بيبصوا لي بصه انت متوحد او مريض نفسي ولكن بالعكس انا بحترم نفسي وبحترم اخواتي البنات اللي في البيت لان انا لو في موقف زي ده وعارف مثلا ان اختي ممكن تكون بتكلم حد انا شعوري هيكون درجه فظيعه درجه رهيبه ممكن اتجنن ممكن ممكن اعمل مشكله كبيره ولكن في احيانا انا مش هقول طبعا ان انا يعني انا كده جاحد بقلب ده فاحيانا كان نفسي الاقي واحده اكلمها او تكلمني وتسالني مالك اللي مزعلك لما الاقيها زعلانه اصالحها ولكن مش عارف هل انا صح ولا غلط ولا الناس كلها صح وانا اللي غلط
شكرا علي اجابتك
تم النشر الأحد، ١٥ سبتمبر ٢٠٢٤
اولأ شكرا علي مشاركتك بالأجابه ، انت لخصت حاجات كتيرر وهو انه فعلا جيلنا شايل مسؤوليات أكبر وضغوطات اكتر علي عكس ايام زمان كل حاجه سهله وكانت الحياه بسيطه دلوقتي بقي كل حاجه صعبه نظرا لظروف اقتصاديه واجتماعيه والخ..جيلنا غريب وكل حاجه فيه بسرعه السوشيل ميديا الي ملت العالم وحاجات تانيه كتيرر وكمان الأهل برضو زي م قولت مش متفاهمين ليهم عادات وتقاليد بقت صعبه دلوقتي الكل يعمل بيها ، ثانيا انت صح الغلط هيفضل غلط والحرام هيفضل حرام حتي لو كل الناس بتعمله انت ولا مريض زي م بتقول ولا متوحد ، شخص متقي الله ومحترم وبعدين المفروض كل الناس تعمل كدا مش انت بس بس إحنا اللي فجيل سابق عصره وعايز يعمل كل حاجه، بلص الله يعينك ويساعدك مأجور بأذن الله
تم النشر الأحد، ١٥ سبتمبر ٢٠٢٤
لعرض الإجابة في فدني اضغط هنا