Ibrahim Mohamed Hashad

المشكله الحقيقيه فعلا ان احنا شفنا اللي هم مش شافوه احنا تعبنا احنا في جيل وهم كانوا في جيل ثاني الجيل بتاع زمان اعلى طموحاتهم كان ممكن ان هم يشتروا تلفزيون انما احنا جينا لقينا تليفونات نت كمبيوترات حياه سهله ممكن اكلم واحد صاحبي ما اعرفوش عن طريق ايموجي اعبر له عن مشاعري بضحكه مش انا اللي ضحكتها ولكن التليفون هو اللي بعت له الضحكه دي وهو صدق واقتنع وحبها المشكله الثانيه بقى ان احنا عايشين في عالم غريب فعلا عالم الاب بيعاير الابن انه بياكله مثلا انا عن نفسي عمر 23 سنه اتخانقت وسبت البيت لوالدي وانا عندي 16 سنه وبعدين امي واخواتي ما يقدروش يعيشوا معاه او يستحملوه جم عاشوا معايا بقيت من وانا عندي 16 سنه وانا شايل مسؤوليه اخوات وام وبيت وايجار وتعليم حاجه ما زعلتنيش بالعكس حاجه حسستني ان انا راجل ممكن اعتمد عليه ولكن في الفتره الثانيه بدات احس لوحدي ليه انا مش زي اصحابي صاحبي انا عنده 23 سنه وخاطب وعلى وش جواز او مخلص تعليم عالي ابص الاقي واحد مهندس الاقي واحد دكتور هو لسه ما تخرجش بس هو دخل كليه هندسه او كليه طب واللي دخل كليه شرطه بعد كده انا ممكن اقابل واحد صاحبي اقول له ازيك يا عبد الرحمن باشا مع انه صاحبي بالنسبه بقى للدراسه كان حلم حياتي ان اكون مهندس واسعه واذاكر واجتهد وافضل سبع ايام اذاكر انام ساعتين في اليوم عشان حلمي بعد بقى ما كملت 23 سنه ووالدي جه وشافني في الشارع وانا ماشي بالصدفه ولقيته واقف بيبص لي بصت استغراب مندهش بيقول ده ابني اللي انا سبته وهو عنده 16 سنه انا فخور بيك طب ليه ما كنتش فخور بيا في الاول بيحاول بقى على قد ما يقدر انه يتقرب لي ثاني بس انا مش عارف هل انا متقبل ولا مش متقبل الموضوع ده انا عارف ان انت كنت بتسالي سؤال عشان انت حاسه باحساس شبيه للاحساس اللي انا فيه وانا رديت باجابه ممكن تسد نفس الواحد ولكن انت لو قريت اللي انا قلته ده هتلاقي في اجابات كثير يعني لو انت عايشه وسط امك وباباكي واخواتك وفي بيت احمدي ربنا هنعمه دي انا النعمه دي انا كنت بدور على النعمه دي من وانا عيل او من وانا طفل زي ما بيقولوا فاحمد ربنا هم فعلا شايفين حاجات احنا بنعملها غلط ولكن هي بالنسبه لنا صح فعلا في حاجات في زماننا دلوقتي غلط وغلط جدا بس مش كل واحد بيستخدم الحاجه اللي قدامه في الغلط زي النت انا ممكن استخدم الانترنت في ان انا اتعلم برمجه كورسات انجليزي فرنش ممكن اتعلم لغه معينه حاجه معينه ممكن اشتغل عادي ممكن حد غيري يستغل ده في حاجه ثانيه ممكن يستغله في الشر انا هنا مش بتكلم على الشر عشان انا عارف ان في خيال واسع ممكن يفكر في الدارك ويب والكلام الهبل ده لكن انا هنا بتكلم عن الغلط ممكن الاجابه دي انا قلتها لحد ينصدم انا لحد الان فعلا ما كلمتش بنت واحده على حاجه اسمها نت او تعرفت على بنت جارتنا او الكلام ده فتلاقي اصحاب بيبصوا لي بصه انت متوحد او مريض نفسي ولكن بالعكس انا بحترم نفسي وبحترم اخواتي البنات اللي في البيت لان انا لو في موقف زي ده وعارف مثلا ان اختي ممكن تكون بتكلم حد انا شعوري هيكون درجه فظيعه درجه رهيبه ممكن اتجنن ممكن ممكن اعمل مشكله كبيره ولكن في احيانا انا مش هقول طبعا ان انا يعني انا كده جاحد بقلب ده فاحيانا كان نفسي الاقي واحده اكلمها او تكلمني وتسالني مالك اللي مزعلك لما الاقيها زعلانه اصالحها ولكن مش عارف هل انا صح ولا غلط ولا الناس كلها صح وانا اللي غلط

بالعكس ده رد فعل طبيعي لواحد مسافر في بلد اخري بعيد عن اولاده وزوجتة وبيتة واهلة واصحابة هوا بيحاول يعرف ردة فعلك لما يسافر هل هتستسلمي للأمر الواقع وتعرفي تتعايشي مع الاولاد وده شئ مهم لازم تلاحظية ان غياب الاب عن البيت فترة كبيرة ده ممكن يخلي اولادك يتصرفو تصرفات مش متوقعة لأن ساعتها عنصر الرهبة والخوف من الاب مبقاش موجود وده اهم شئ ثاني شئ أن انتي تكوني علي استعداد تام لأي موقف ممكن يحصل هوا خائف من انك متعرفيش تتصرفي وتحسي بالحيرة ارجو أنك تكوني عرفتي هوا بيعمل كده لية

1-المواظبه علي الصلاة 2- كثرة الاستغفار والصلاة علي الني محمد علية الصلاة والسلام3-حاولي ان تشغلي نفسك بشئ مفيد مثل قراءة كتاب افضل كتاب غير تفكيري تماما عن الحياة كتاب (مالون مظلتك)4-الابتعاد عن ادمان الهاتف كل يوم لمدة لاتقل عن 5او6 ساعات 5- اهم شئ قراءة جزء او صفحة واحدة من القرءان يوميا

ممكن يكون من كذا سبب اول سبب يكون نفسي والثاني مرض فعلي بعد الشر يعني

فعلا صدق رسول الله صلى الله عليه وسلم عندما قال قال رسول الله ﷺ: يأتي زمان على أمتي القابض على دينه كالقابض على جمرة من النار

ولكن مش لدرجة الصعبة الي احنا وصلنالها دي

شكرا علي اجابتك