متسمعيش اغاني حزينة قربي من ربك ابعدي عن الفيديوهات المؤثرة و الكلام العبيط ده اللي بيحاول يخليكي تتأثري بلعافية الاكتئاب صعب صعب صعب و مش أي حزن بيتقال عليه اكتئاب ممكن تكوني حزينة شوية مش لازم تكوني مكتئبة و كلنا عندنا مشاكل و كلنا بنزعل بس عادي مكملين ،مش هنقف عند كل حاجة تزعلنا و نعيط وبرضك مهما كان السبب اللي زعل اللي قدامك متستهزئيش بيه كل شخص عنده درجة تحمل و كل شخص متربي بطريقة مختلفة و كل شخص عنده مشاكله
انا مقصدش اقلل ابدآ منك واقولك انك طفلة ولو حسيتي بكدة حقك عليا انا بحاول اساعدك وربنا اعلم بنيتي و لو كلامي زعلك اسمعيه من هنا و طلعيه من الودن التانية و ربنا يوفقك ان شاء الله و يعينك على مشاكلك
تم النشر الخميس، ٦ فبراير ٢٠٢٥
انا مش ضعيفة نفسيا ده اولاً بستحمل الي على قد طاقتي و ده ثانياً و على اني طفله على حد قولك بس شفت حاجات محدش من الي في سني شافها و مع كده بحمد ربنا و ربنا عالم بالاحوال و انا جربت ايه و شفت ايه و كل واحد و ربنا مديله طاقه للحياه او الصعوبات الي عنده عموما يعني شكرا على كلامك بس انت مشفتش حياتي كلها من بدايتها لنهايتها عشان تقول ده و الي اثر فيه بجد هما اهلي مش ناس كده صحابي او اخواتي لا امي و ابويا في كلام اكبر و مقارنات حاجات مرضتش احكيها بس الحمدلله و بشكرك تاني..
تم النشر الخميس، ٦ فبراير ٢٠٢٥
يا ماما الاكتئاب ده مرض نفسي لازم دكتور نفسي يشخصك بيه غير كدة انا وانتي منقدرش نقول ان ده اكتئاب ،فكري فيها كدة طيب انتي عندك ١٢ سنة و الكل لسة بيتعامل معاكي على انك طفلة و اختك ١٤ سنة وهي كذالك مازالت طفلة دلوقت ايه السبب في حزنك؟ فكري في السبب وهل يستحق؟ و انتي لسة مشفتيش قد ايه الدنيا وحشة و جالك اكتئاب على حد قولك مبالك لما تكبري و تشوفي الظلم و الفساد و الفقر و البرد و الجوع و تشوفي احبائك بيموتو قبلك؟ انتي لسة على باب الدنيا لازم تكوني قوية و متخليش حاجة تأثر فيكي متبقيش ضعيفة نفسيآ اي حد يأثر فيكي
تم النشر الخميس، ٦ فبراير ٢٠٢٥
يعني الاكتئاب مش كره الحياه عدم الاقتناع ان دي حياتي شعور بالضياع التفكير في الانتحار انسى بسرعه اوي و عدم محبه لاكبر سبب اهلي او عائلتي المكون من ماما و باب و اخواتي و عمي و عيلته ده مش اكتئاب؟ لو كده قولو و ريحوني لما افضل مبتسمه و اضحك و مش عاوزه ابين اي حاجه محزنه عشان ميقولوش نفسيه او مكتئبه لما افضل اعيط و اشهق بالليل بصوت واطي و قلبي يوجعني ده مش اكتئاب قول و لو مش اكتئاب الحمد لله عشان انا بقيت اتكلم مع نفسي و جاوب بقيت افكر في حاجات دمويه و خايفه يكون مرض نفسي او اكتئاب اتمنى ترد
تم النشر الخميس، ٦ فبراير ٢٠٢٥
لعرض الإجابة في فدني اضغط هنا