أنا من فترة بسيطةظهر في حياتنا واحد قريب لأمي يعتبر ابن عمها، وإحنا علاقتنا مع أعمام أمي مش كويسة وفيه مشاكل كتير، حصل موقف واتعرفنا وبقى فيه ود من وقتها بينا وسؤال وكان بيطمن عليا دايمًا.. إلخ، فمرة كنت فتحت تليفون أمي بسكرول فيه فضولي أخدني أفتح الشات إلي بينهم ولاقيت بيقولها إن باعه عني عن شخصيتي وأخر مرة كلمني وهكذا، فقرأت وقفلت ورجعت تآني بعد كام يوم حصل موقف إني أنا مش بسلم وهو أصر مرة يسلم عليا وأنا رفضت كالعادة بس عادة برفض ولما بيصر بلف إيدي في الهدوم واسلم، المرة دي مارضتش فهو مسكني من كتفي وهزر معايا، المهم أنا اتضايقت من الموقف بس عديته وقلت جوايا خلاص مادام هو من النوع إلي شايف إني زي بنته وعادي أسلم وبتاع ناخد أقل شيء ينفع وهو إني ألف إيدي وأسلم، بعدها بيوم أنا مسكت تليفون أمي وبرضو روحت فتحت الشات أشوف قالها إيه على أخر موقف دا لاقيت أمي باعتة صورة ليها مغطية وشها وببلوزة وبنطلون، وهي منتقبة، أنا اتخضيت حرفيا ما بصتش على أي حاجة تاني في الشات وقفلت، فضل الأمركاتم على نفسي وكنت متغيرة جامد وأمي فضلت تسألني مالك، فجبتها فإني متضايقة من موقفه الأخير وكلمته قالتله وقالها خلاص مش هكلمها تاني.. إلخ، وفصلت تكلمني إن هزاره كده وإني أكلمه عادي بس أوقفه عند حده وما أسلمش وكان صادف إن بنته تعبانة بمرض مالهوش علاج وهي قالتلي وعرفتني، أنا حاولت أحسن الظن بشتى الطرق ورجعت كلمته ومشيت الأمور عادي وقلت يارب يكون مثلا عشان هو أصغر منها وهم قرايب بشكل ما تكون باعتاها لأي سبب ومافيش بينهم شيء، طبعا فضولي رجع وأنا مش مرتاحة ودماغي عمالة تودي وتجيب، رجعت فتحت كذا مرة الشات بينهم، بلاقيه بيتكلم معاكسة وهو دا طبع عموما في العادي، عديت مرة بس كل مرة أفتح ألاقي نوعية كلامي بتوحي إن فيه شيء غلط، وفي نفس الوقت بيتكلم عادي عني وعن إخواتي زي إنه بيطمن وعاوز إخواتي ينتظموا في الصلاة في المسجد.. إلخ، بس لاقيت ماما دايما بتمسح الشات وبيتكلموا كول لما يكون مافيش حد موجود وبترجع تمسح الكول من الشات وتمسح الشات، وبتكسح ماسدجات معينة من الشات وتسيب الماسدجات إلي باينة إنها عادية، وأخر مرة فتحت الشات لاقيت كلام الي هو بوسة وحضن.. الفكرة حاليا أنا عارفة إنه حرام تحسسي عليها دا أولا، ثانيا كلنا بشر وبتغلط والأدباء والأمهات مش معصومين، وبدعيلها بالمغفرة والهداية، بس متضايقة إنه شخص تحديدا عارفنا وعارف بابا وأخواتي و بقابله وبيحط عينه في عينا، هي ذات نفسها مرة قالتلي يعني حتى لو غلطتي ما تبقيش غبية ما تبقيش في موضع فضيحة، وبنته المريضة ممنوعة من الخروج فكان طلب مني أروح البيت أشرحلها، فبقى ليا علاقة بمراته وبناته، مش عارفة أتصرف إزاي أقولها إني عرفت حاجة ؟ طب بعد ما أقولها هيبقي الموقف إيه فجأة هنقطع علاقتنا بالراجل دا، بدون سبب قدام زوجته وأولاده ومش هروح عندهم فجأة بلة أي مقدمات وأبطل أروح لبنته؟ ولا أسكت ولا أكني عارفة حاجة؟ الفكرة برضو إني مش متحملة أشوفه ولا أتكلم معاه، بس ما أقدرش أخد موقف معاه بلا سبب ماما هتفضل تسأل ليه، بس بجد مش طايقة التعامل، ومش عارفة إيه التصرف الصح بس مخنوقة جدًا والله أوي
الافضل طبعا انك تصاريحها لو هي مش هتتفهم انك تقولي لها ان الشخص ده مش حابه تتعاملي معاه. لانها اكيد هتسأل على السبب .. ف صاريحها افضل وبطريقة كويسة .. وطبعا ملوش لزوم زوجة الراجل ديه تعرف اي حاجه.. وياريت برضه متحاوليش تفتحي اي شات او اي فون وتفتشي فيه تاني. ده طبعا اولا علشان حرام.. ثانيا اوقات كتير جدا، الحقائق ممكن تزعلك.
تم النشر الخميس، ١٦ نوفمبر ٢٠٢٣
انا اولا احب اشكرك على وعيك وعمق تفكيرك انتى محتاجة تتكلمى مع ماما بصراحة وتقوليلها انا مش حابه اتعامل معاه باكتر من سلام عليكم وبس ...عشان بس اعرف واحده وواحده انسحب من التعامل مع عيلته كلها ويبقى على قد بنته ومساعدتها وبس وده شخص مش كويس وخليه بره حياتنا احسن هو ابتلاء صعب وربنا يقويكى عليه ان شاء الله
تم النشر الخميس، ١٦ نوفمبر ٢٠٢٣
انقطع العلاقه فورا لان هذا الشخص لا يحترم اى خصوصيه والصرحه فى ده حق مكتسب ليكى واتكلمي مع امك بصراحه وفهمها دا وحولى تتكلمى معه بالموضوع كلو بصرحه
تم النشر الأحد، ١٩ نوفمبر ٢٠٢٣
لعرض السؤال في فدني اضغط هنا