السلام عليكم
أنا طالبة في اولي ثانوي بس مش مرتاحه نفسيا أنا كنت كويسة بس ال حصل من مدة طويلة أنا حبيت النقاب اوي قلت دة ال هيقربني من ربنا وسمعت شيوخ حبببوني فيه
بس لبسته واهلي فضلوا يزنوا عليا عشان اخلعه والناس بدأت تقول لأهلي إيه ال بنتكم لابساه
وكلام كتير المهم خلعته وزعلت اوي من وقتها مش فاكرة اني كنت سعيدة داخليا أو حتى مع ال حواليا
انا وصلت اني من كتر ما أنا نفسي اضحك اسمع قصص كرتونية من اليوتيوب بتضحك وبدأت اقصر في حق ربنا في كتير من العبادات والفترة دي بتعصب بسرعة وانا مش بحب العصبية بس مش عارفه مش بتقبل كلام اهلي ومش بذاكر
أنا دلوقتي في أيام الامتحانات وبحل والحمد لله بس وببقى راحة الامتحان مش مذاكرة وواثقة اني هحل وفعلا بحل واطلع مبسوطة من الامتحانات وال مضايقني مش عندي أي شعور تجاه حاجه امتحانات كلام اهلي بس قررت ارجع لربنا
ممكن تقوليلي اي نصيحه
وكمان قررت إن شاء الله هفضل أقنع اهلي بالنقاب لحد ما يوافقوا ومقررة ألبسه في أول رمضان عشان لبست الخمار السنه السابقة في رمضان لان فعلا خايفة اكون وانا مش عاملة ال اقدر عليه تجاه ربنا
في البداية من الواضح انك شخصية ناضجة وطموحه وده واضح من كلامك فكرة انك حبيتي النقاب وحابه تلبسيه دي حاجه جميله وبحيكي عليه جدا بس خلينا نتفق أن احيانا اختيارتنا ممكن اهلنا يكون ليهم وجهة نظر أو رأي مختلف عننا بس احترمت فيكي جدا اصرارك على الفكرة وانك بتجتهدي انك تقنعي اهلك وده بجد صفه مميزه فيكي حاولي الفترة الجاية انك تكملي في انك تقربي من ربنا اكتر وتشوفي ايه الحاجات اللي بتحبيها وترجعي تعمليها تاني علشان يكون عندك حافز للمذاكرة وتحققي كل اللي بتتمنيه وكوني صبورة مع أهلك واقنعيهم باللين ومتزعليش وحاولي تفهميهم وجهة نظرك وبأمر الله الدنيا معاكي هتكون افضل 🌷
تم النشر الأربعاء، ١٤ يناير ٢٠٢٦
لأ ، خلي نيتك من جواكي طالما اللي حواليكي ممكن مايكونوش فاهمينك، ، وبعدين البيت مملكة المرأه حاولي تحبي القرار في البيت لإنه حاجه جميله جدا
تم النشر الأحد، ١٨ يناير ٢٠٢٦
نفس اللي حصل معايا بالظبط ودلوقتي في ٣ث وربنا رزقني النقاب تاني الحمدلله،،، أحيانًا بنلبس النقاب وإحنا مش عارفين معناه وإيه الهدف منه . وللأسف ممكن نلبسه لإنه شكله حلو أو كمان يلفت الملتزمين وده الشئ اللي بيفس، النوايا . لكن النقاب للستر لإن أكتر حاجه البنت بتحبها الزينه وربنا أمرنا بالستر فالموضوع محتاج مجاهده فاللي بتلبس النقاب بتلبسه علشان تمنع فتن وتساعد الشباب على غض البصر وتكون غير ملفته مش العكس ،، ربنا يرزقك النقاب 💓
تم النشر السبت، ١٧ يناير ٢٠٢٦
ازاي يعني دا أنا كل ما اكلمهم عن النقاب يكلمهم من ناحية الدين
تم النشر الأحد، ١٨ يناير ٢٠٢٦
بإذن الله ربنا يرزقك قريب ،، بس أهم حاجه وإنتي بتقنعي أهلك ماتحسسيش حد إنك أعلى منهم تدينًا ودايما وضحلهم إنك بتحبي لبسك يكون كده وبترتاحي فيه لكن بلاش تدخليلهم من ناحية الدين
تم النشر الأحد، ١٨ يناير ٢٠٢٦
أيوة معاكي حق هدفي اول ما فكرت في النقاب اني كل ما اجي اعمل حاجه غلط يبقي النقاب تذكرة ليا وبالتالي هحد من اغلاطي وتصرفاتي ويارب البس النقاب وعلي الأقل النقاب كافي لو لبست يدخلني الجنه بأذن الله
تم النشر الأحد، ١٨ يناير ٢٠٢٦
لعرض السؤال في فدني اضغط هنا