السلام عليكم ورحمة الله وبركاته
أنا طالبه في تانيه ثانوي وبصراحه انا مكنتش عايزه ادخل ثانوي خالص عشان اللي سمعته انو ملهوش مستقبل وكنت في اعدادي جايبه المجموع 91% وكنت مقدمه تمريض بس محصلش نصيب ودخلته عشان اخدوا مجموع اعلى لأني في الأول مكنتش عايزه ادخله بس ماما و بابا اقنعوني بيه واقتنعت فعلا وكرهت الثانوي بقا وبعدين دخلت ثانوي وانا مش عايزاه اصلا ومن ساعت مدخلت الثانوي منزلتش دروس ولا ذاكرت اي حاجه يعتبر ممكن الأنجليزي بس اللي شويه ومش زي الإعدادي كمان وبصراحه انا فاقده الشغف تجاه كل حاجه ومفيش اي نصيحه بتأثر فيا حتى اي فيديو نصيحه للثانوي بعديه علطول مش بسمعه وكمان كنت بصلي دلوقتي مش بصلي ساعات اكدب علي ماما واقولها صليت وانا مبكنش صليت بجد حياتي دلوقتي عباره عن تيك توك و فيس وكدا ومش عارفه اعمل اي وخايفه من تالته ثانوي اووووووي وكمان انا علمي علوم وناويه ي طب ي تمريض بس مايله اكتر للتمريض انا لسه مدخلتش على سنه تالته وحاسه ان مستقبلي ضاع وكل حاجة ضاعت مني عايزه اعرف انا ممكن ابدأ تالته صح من البدايه واجيب مجموع كويس يدخلني تمريض ولا كدا خلاص عايزه نصيحه تشجعني اني ابدأ صح
معلش اسفه علي الإطاله بس حقيقي محتاجه إفاده من حد واعي عني وفاهم
وعليكم السلام ورحمه الله وبركاته بص يا اختاه انا كنت طالب ثانوي عام السنه اللي فاتت وبفضل ربنا دخلت حاسبات ومعلومات الحمدلله ....اولا ربنا بيقول ايه (وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ) يبقا انتي متزعليش علي التمريض وكمان تدخلي الثانوي وتعرفي أن ربنا شايلك الاحسن ليكي ومتقوليش انا مش حابه الثانوي اكيد مش هتتقبليه كاشغفك بس لو حاولي تتقبليه قا رزقك وأنه ربنا بيوجهك لحاجة احسن من اللي انت عايزاها ...... بالنسبة للصلاه انا مش كامل وكل بني ادم خطاء انا يمكن بدأت اصلي من اربع شهور بس بقطع وانا كنت زيك في يوم من الايام بس ربنا كرمني أنه خلاني افوق واحاول اجاهد نفسي وشيطاني اللهم اوهبنا الثبات ،بس صديقني عمرك ما هتتغير غير لما تصلي عمرك ما هتتغيري غير لو حته بتقرأي صفحه واحده في القران في اليوم وتستغفري كتير (فَاسْتَغْفِرُوا رَبَّكُمْ إِنَّهُ كَانَ غَفَّارًا، يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) فصدقيني عليكي والاستغفار والصلاه والقرأن ويكون عندك يقين أن لما ربنا يشوفك بتحاولي وبتسعي عشان رضاه الاول وعشان الاخره وأنه يتوب عليكي ربنا اكيد ويكون عندك ثقه أنه هيكرمك كرم عمرك ما شوفتيه ،قال رسول الله صلى الله عليه وسلم عن الله عز وجل :(أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأٍ ذكرته في ملأ خير منهم، وإن تقرب إليّ شبراً تقربت إليه ذراعاً، وإن تقرب إليّ ذراعاً تقربت إليه باعاً، وإن أتاني يمشي أتيته هرولة ) فجاهدي نفسك لطاعه الله تعالي وامسحي التيك توك والانستجرام وفيسبوك سيبي الماسينجر لو بتكلمي حد عليه صحابك كده يعني سيبيه ونفس الحكايه الواتس اي حاجه فيها اسكرول وريلز تتمسح وتبعدي عن أي حاجه بتاخد وقتك و حاجه مش قصدي حاجه والله عشان ما تبقاش قذف محصنات وتبقا حرام عليا لو بتكلمي ولد ملهاش لازمه صدقيني اسف لو بقولك كده وانتي مش بتعمليه سامحيني بس يعني تبقي تبع الحاجات اللي هي ذنوب وحرام نعملها ...... نيجي بقا للمذاكرة انا هنصح بحاجات مقتبسها من كذه حد وكذه حاجه بس انا شايف دلوقتي انتب لسه في تانيه وموادك مش مستهله نفس مذاكره تالته وكده بس برضه انتي بتتمرني وتنظمي وقتك وتتدربي عشان تالته ،المهم انتي تنامي الساعه ٩ ونص وتصحي الساعه ٣ الفجر بليل تصلي ركعتين قيام ليل وتدعي لنفسك واللي نفسك بيه وتدعي ربنا يكرمك في مذاكرتك يعني هتاخدي حوالي نص ساعه مثلا عمتا تخلصي تقومي بقا تذاكري الساعه المتبقيه لحد الفجر وبعد كده تصلي الفجر وتقرأي الاذكار وسوره يس وتنطلقي بقا من الساعه ٥ تذاكري لحد ما تروحي المدرسه لو انتي بتروحي المدرسة أو حاولي تروحي الايام المهمه بس عشان خاطر لو عندكم مش عارف تقييمات والحاجات روحي الايام المهمه هيبقي معاكي ساعات اكتر بس انتي لحد ما تروحي مدرستك معاكي وقت حلو برضه تلت ساعات أو ساعتين ونص والايام اللي مش مهم تروحي المدرسه تقعدي تذاكري لحد الظهر عدي كده بقا كام ساعه معاكي من اول الساعه ٥ ٦ ٧ ٨ ٩ ١٠ ١١ هتخلصي علي اذان الظهر معاكي ٧ ساعات غير الساعه اللي قبل الفجر انتي بتسخني فيها بعد الفجر والله العظيم لو ذاكرتي في ٨ ساعات دول بنسبه ٧٠ % بس حتي والله العظيم هتجيبي درجات حلوه ومع الوقت مستواكي بيتغير وهتعلي النسبه دي ل 90% كفاءة بعد كده بعد الظهر تروحي دروسك وتيجي تكتبي واجباتك وطبعا طول اليوم صلواتك كلها متسبيش فرض وتقرأي صفحتين قرأن أثناء اليوم غير سوره يس ،الايام اللي هتروحي فيها المدرسه طبعا الساعات هتقل يعني ساعه قبل الفجر و 5 و6 كده تلت ساعات وبعد كده هتيجي تروحي دروسك وتيجي تخلصي واجباتك وتاخدي ساعتين مذاكره يبقا كده ٥ ساعات يبقا ايام هتذاكري ٨ ساعات وايام ٥ ساعات لو هتقولي الساعات كتير متنسيش مثلا عتقوني تاخدي بريك ١٠ دقائق تقومي تفطري اسف في الكلمه دخول الحمام ده كله يعمله ساعه وبرضه حاولي مضيعيش وقت علي قد ما تقدري طبعا انتي كده في يوم المدرسه هيبقا متعب شويه بس تاني يوم هتذاكري الصبح وبقيت اليوم كتابه واجب والباقي قاعده براحتك وطبعا تنامي الساعه ٩ ونص بعد ده كله واهم حاجه صلاتك وبرضه تلفونك يبقا بعيد عنك بره الأوضه اللي انتي فيها أثناء المذاكرة ونصيحه مني ارجوكي تاخدي بيها انتي لو مش عاجبك كلامي مثلا مش مشكله بس خدي النصيحة دي متاخديش دروس اونلاين متاخديش دروس اونلاين متاخديش دروس اونلاين الطريقة دي لو ارتحتي فيها والله استخدميها في تالته ثانوي إن شاء الله والله هتنفع معاكي انتي علمي علوم ولازم تتجدعني مش بخوفك خليكي حكيمه مفيش حاجه اهم من صحتك ونفسيتك وجسمك عمرها ما كانت بالكليات والله انا كنت يوم النتيجة والله بقول يا رب لو جبت مجموع تجاره حتي انا راضي بقضاءك بس عارفك انك الكريم وهتكرمني وفعلا ربنا كرمني والحمدلله ، متقلقيش من حاجه ولا تبصي للمستقبل ولا تخافي من اللي جاي كل حاجه ربنا كاتبها خير ونحمد ربنا دائما ونتفائل خير في حياتنا ،اسأل اللي انا يوهبك علما نافعاً ويوهبك الهدايه لطاعته ويوهبك البركه في حياتك ،وانا اتأسف علي كثره كلامي لقد كتبت كلام اكثر من كلام مشكلتك 😅 واتنمي أن أكون ساعدتك .
تم النشر الجمعة، ٢٧ مارس ٢٠٢٦
وعليكم السلام ورحمة اللة وبركاتة مشكلتك الأساسية فى الثقة ، الثانوية مش عايزة حد حاسس إنة فاشل أو حاسس إنة مش هيعمل حاجة لكن الخوف من الثانوية دا طبيعى جدا جدا كلنا كنا مرعوبين بس اللى بيفرق بين الناس هنا فى إن فية حد داخل خايف ومصدق إنة هيعمل حاجة وواحد تانى خايف ومش مصدق إنة ممكن يعمل حاجة وخوف بيدمرة تماما أول حاجة حوار انك منزلتيش دروس أو مذاكرتيش فى أولى وتانية متقلقيش منها تالتة حالة خاصة تماما كل اللى بنعملة فى أولى أو تاتية إن احنا بس بنستعد لتالتة نرجع لحوار الثقة والمستقبل مستقبلك لسة بإيدك ومضاعش ولا حاجة متخليش الوساوس دية تأثر عليكى أول الحاجة الصلاة انتى بتقولى ساعات بتكدبى على ماما فى انك مصلتيش بس سؤالى هنا لازم تقعدى مع نفسك وتساليها هو انتى بتصلى لمين أصلا ماما ولا ربنا ؟ التزامك غى الصلاة هو أول طريق تفوقك فعلا لأنها بتصنع حالة من الثقة وإحساس بالإنجاز إن أنا صليت الخمس صلوات النهاردة الحمدللة ف تحس إنك أنجزت ف دا يبدأ يفتح نفسك على إنك تعمل وتنجز أشياء أخرى ربنا يوفقك ويكتب لك اللى فية الخير
تم النشر الأربعاء، ٢٥ مارس ٢٠٢٦
و عليكم السلام ورحمه الله وبركاته ، المستقبل ،المستقبل ، المستقبل، مين فينا عارفه ، مين ضامنه ، مين واثق انه هيوصله، او هيعيش لحد ما يحققه ، الخل انك تفضلي تسألي نفسك ليه ؟ وتجاوبي ، عايزه مجموع ، ليه ، علشان كليه طب ، ليه ، علشان .... و هكذا و هكذا ، لحد ما تزصلي لأعمق إجابة ل ليه ، و هتلاقي ان الاجابة الأخيرة دي ليها طرق كتيرة اووووي تقدري تمشي فيها ، و هت صلك برده للي انتي عايزاه، فما تقفليش مستقبلك و حياتك و اهدافك على طريق واحد ، الطرق كتيرة و الاختيارات كتيرة فعيشي و جربي و استمتعي ، ده كفكر عامل ، نتوغل بقى في الدراسة نفسها ، تلحقي تذاكري اه تلحقي، و تحيبي مجموع كمان ايه اللي يمنع ، بس مشكلتك مش في المذاكرة ، مشكلتك في نظرتك في الطريق اللي انتي فيه ، كلامي اللي فوق مش معناه انك ترمي دراستك وتمشي ، لأ ، ده معناه انك لقدر الله ما اتوفقتيش بعد السعي و انك تعملي اللي عليكي ف ده مش نهاية العالم ولا نهاية حياتك ولا طموحك ، تمام ، تمام ،انتي في طريق دلوقتي و ده الواقع ، يا نتعامل و نشمر يا ندفن راسنا و نندب حظنا ، طب هنختار نشمر و نتعامل ، يبقى نتعامل بذكاء و بهدوء ، رقم واحد تغيري نظرتك لطريقك ، عبشان ده مش هيوصلك لأي حته غير انك تفضلي مكانك ، الثانوية العامة مش حرفه يعمي الأساسيات عدمها مش هيدمر فهمك للحالي ، تقدري تبدأي من شرح اي جزء و تفهميه و تكملي عليه ، جربي ادوات مذاكرة جديدة و طرق جديدة ، تعاملي معاها زي ما الولاد بتتعامل مع الجيش ، نحبه يكرهنا نكرهه يحبنا ، وبالتوفيق 😊
تم النشر الأربعاء، ٢٥ مارس ٢٠٢٦
بصي يا بطلة مفيش حاجة ضاعت والباب لسه مفتوح قدامك وعمر ربنا ما هيسيبك وانتي نيتك صافي وعايزة تبدأي صح أول حاجة لازم تعرفيها إن الصلاة دي هي الحبل اللي بيربطك بربنا وهي اللي بتفتح الأبواب المقفولة وبتهدي النفس من التوتر والخوف بطلي تخبي على مامتك وواجهي نفسك وخلي صلاتك هي أولويتك عشان البركة تحل في وقتك ومذاكرتك تاني حاجة تذكر أن الله لا يضيع أجر من أحسن عملا يعني لو تعبتي وبدأتي بجد في تالتة ثانوي ربنا هيكرمك باللي بتتمنيه وأكتر سواء تمريض أو غيره لأن ربنا بيحب العبد اللي بيسعى وبيتوكل عليه بصدق تالتي حاجة الشيطان دايما بيحب يحسسك باليأس وفقدان الشغف عشان تفضلي مكانك وتضيعي وقتك على السوشيال ميديا استعيذي بالله من العجز والكسل وقومي ابدأي صفحة جديدة مع ربنا ومع مستقبلك لأن توبة العبد وفرحة ربنا بيكي وانتي راجعة ليه هتكون هي الطاقة اللي هتمشيكي في أصعب الأيام وثقي إن اللي فات كان تجربة بتعلمك والقادم بإذن الله أجمل طول ما أنتي قريبة من الله وبتحاولي بجد وأنا واثق إنك تقدري تعمليها وتفرحي قلبك وقلب أهلك. وتيكتوك وفيس انا حكايات كانت كدا برضو بس من فتره منعت فيس بوك خالص وبعدها تيك توك وحاليا ماسح تيكتوك من اكتر من خمس شهور واللي خلاني انزلوا اصلا اني كنت بعمل محتوى ديني عليه بس لقيت انو بيضيع وقتي فمسحتو ف انتي ممكن تصلي الوصول ليه تدريجيا ممكن تشكيليه من الشاشة الرئيسية خطيه في التطبيقات المخفيه. واعمل رمز ايه وبعد كدا وحده وحده هتنسيه وبعد كدا امسحيه .وممكن تمسحيه ولما تحتاجيه تنزليه ده هيصعب عليكي الموضوع وبعد كدا متنزليهش تاني .لان الفيديوهات السريعه بتعمل تعفن الدماغ وجد والله ربنا يحفظك ويسعدك
تم النشر الأربعاء، ٢٥ مارس ٢٠٢٦
وعليكم السلام ورحمة الله وبركاته يا حبيبتي، أول حاجة، متخافيش خالص – أنتِ مش لوحدك في اللي بتحسي بيه، كتير من البنات زيك كانوا في نفس الوضع ونجحوا يعملوا ريمونت كامل في الثالثة. 91% في الإعدادي ده دليل إن عندكِ قدرة رهيبة. وثالثة فرصة ذهبية تبدئي من الصفر وتجيبي مجموع يدخلكِ تمريض (اللي أنتِ ميالة له أكتر، وده اختيار جميل ومستقبلي قوي إن شاء الله). نصيحتي العملية خطوة بخطوة عشان تبدئي صح: ارجعي للصلاة فوراً : وادعي الله يرجع لكِ الشغف. قولي "اللهم أعني على ذكرك وشكرك وحسن عبادتك" – ده هيغير حياتكِ تدريجياً، ومتكذبيش على ماما تاني، صدقيني هترتاحي. اجعلي جدول بسيط : حددي 2 ساعة يومياً بس في الأول (مثل 1 ساعة مواد أساسية زي الأحياء والكيميا للتمريض، ونص ساعة إنجليزي). استخدمي تطبيق زي "Forest" عشان تقفلي التيك توك والفيسبوك أثناء الدراسة – هيحسسكِ إنكِ بتلعبي لعبة وتربحي! مواد التمريض : ركزي على العلوم (أحياء، كيميا، فيزياء خفيفة)، وخدي كورسات مجانية على يوتيوب. هدفكِ مجموع 85-90% ممكن تماماً لو ملتزمة 4 شهور بس. خطوات صغيرة يومية : النهارده اقرئي صفحة واحدة بس من كتاب، بكرة صفحتين. كل أسبوع شوفي تقدمكِ وكافئي نفسكِ (شوكولاتة أو هواية مفيدة). أنتِ مش ضيعتِ حاجة، ده مجرد مرحلة – الله كاتب لكِ الخير، وتوكلي عليه. لو عايزة تشجيع أكتر، ابحثي في فدني عن "نصائح ثانوية عامة" هتلاقي إجابات كتير من خبراء، أو شوفي صفحة الخبراء هنا: https://www.fedni.net/experts – فيه مدربين حياة ومتخصصين تعليم يساعدوكِ. ابدئي دلوقتي يا قمر، أنتِ هتقدري! 💪❤️
تم النشر الأربعاء، ٢٥ مارس ٢٠٢٦
الثانوي ليه كذا طريقة تقدري تكوني افضل .... بس محتاج تركيز جامد وشغل عالي منك وكذالك عاوز اجتهاد ... من يطلب العلا عليه والاجتهاد والتعب والله لا يضيع اجرك
تم النشر الخميس، ٢٦ مارس ٢٠٢٦
كلام حضرتك علي راسي ي دكتوره والله لما عرفت ان غلط بقيت اقول لماما لأ بس بإذن الله هلتزم في الصلاه
تم النشر الخميس، ٢٦ مارس ٢٠٢٦
بصي اقولك على حاجه قصتك شبه قصتي انا ،وانا حاليا في الفرقة الثالثة طب بشري انا كنت متفوق من يومي في كل المراحل لكن في تالتة اعدادي في أول امتحان واللي كان عربي وقتها حصلت مشكلة واتخانقت من المراقب المهم لم الورق قبل الوقت بنص ساعة وباقي اللجان كانت شغالة ومحدش قدر يتكلم معاه خالص المهم انا مكنتش خلصت الامتحان وقولت الحمدلله ومزعلتش ورضيت وكملت باقي الامتحانات وقفلتها كلها إلا العربي دا ومدخلتش تمريض اللي كان نفسي فيها ودخلت ثانوي شوية أشد وشوية أراكم اروح مرة واكنسل مرة لكن كنت بذاكر يعني وشديت اكتر في تالتة ايوه صحيح كانت في حاجات تايهه مني عشان مكنتش شادد كويس في السنتين اللي عدو بس كنت بقدر الم الدنيا اللي واقعة دي وبس يا ستي ربنا كرمني في الاخر ودخلت طب وهي عذاب اكتر من الثانوي بس بتتعذب وانت فرحان يعني الخلاصة انو ارضي بأمر ربنا وافرحي بيه بجد يعني أنا كنت مقتنع انو دا الافضل ليا ارضي باللي انتي فيه وادعي ربنا وهو هيرزقك ومتقلقيش هتقدري تلمي كل حاجه وهتتفوقي بس اخر حاجه انا بلومك على تركك للصلاة وكدبك على امك متصلحيش الغلط بلغط ربنا يصلحك حالك ويكرمك يا دكتورة
تم النشر الأربعاء، ٢٥ مارس ٢٠٢٦
كملي في ثانوي
تم النشر الخميس، ٢٦ مارس ٢٠٢٦
لعرض السؤال في فدني اضغط هنا