ممكن مساعده انا من ساعة ما النتيجه بتاعتي ظهرت وانا راضيه بس للاسف ثقة اهلى انعدمت حرفيا علشان كان املهم فيا كبير بس لم اوفق هذه المره ولكن انا مش عارفه ارجع لطبيعتي وحبي للحياه مره تانيه وثقتي فى نفسي اللى ضاعت و اني بقت كسوله اوي وفى خمول شديد ومش عايزه اعمل حاجة ولا حاجة كنت بحبها بقيت اعملها وخطتي للاجازه كانت كل شغفى و دلوقتى مش عايزه اعمل حاجة وساكته طول اليوم ومش قادره اعمل حاجه ممكن تساعدوني علشان اعرف ابدأ مرحله جديده وانسي القديم وميأثرش عليا فى حاجه مش عايزه ابدأ السنه بكرهي للحياه وانى مش عايزه اعمل حاجة وفعلا مش هقدر بما انى كارهه كل حاجه اعملها
طيب اي المشكلة لو جبتي درجه مش حلوه عادي اشتغلي على نفسك عشان تجيبي درجة فوق الحلوة كمان اي يعني وقعتي مره خطتك فشلت بسبب ظروف ما حصلت اكيد وارد حاجه زي دي تحصل خططي من اول وجديد واعملي حساب ان في حاجه ممكن نحصل زي كده ممكن مودك يتغير ممكن وقتك يبقى ضيق عادي لازم توقعي عشان تتعلمي يعني هل لما الطفل بيجي بريكب العجله بيمشي بيها من اول مره ولا بيوقع ويوقع ويوقع لحد ما يمشي ويوزن نفسه ومش معنى انه احسن واحد في السواقه انه مش هيوقع تاني لا ممكن يوقع برضه ممكن تحصل مشكلة في العجله نفسها المهم متيأسشيش ولا تحبطي كملي واصبري وسببي الباقي ع الله أتمنى تكون رسالة وصلت ومكنش طولت عليكي بالتوفيق إن شاء الله ومتنسيش تقربي من ربنا وتدعي ربنا بالي انتي عاوزاه افتكري إن مع العسر يسرا
تم النشر الاثنين، ١٠ أغسطس ٢٠٢٦
السلام عليكم، مشاعرك الحالية طبيعية جدا، أنتِ لسه بتمري بمرحلة صدمة بعد النتيجة. اعطي نفسك فرصة للتعافي ومتاخديش قرارات دلوقتي وأنتِ ما زلتِ في صدمة. *** ومتفكريش خالص في أهلك دلوقتي، إحساسك بالذنب ناحيتهم أو تفكيرك في مشاعرهم وفقدان ثقتهم ده هيزود مشاعرك السلبية ويوفقك فترة أطول في مكانك. اللي هينسيهم ويغير تفكيرهم الوقت وإنك تثبتي جدارتك ونجاحك في المستقبل إن شاء الله وتثبتي لهم إن دي كانت مجرد عثرة في طريقك لكن مكسرتكيش. *** خدي فاصل مع نفسك، وقت للتعافي استغليه في إنك تعيدي برمجة أفكارك ناحية النتيجة والحياة. بلاش أفكار سلبية لأن عقلك الباطن بياخد أي فكرة تقوليها له ويحولها لحقيقة، فخلي كلامك مع نفسك دائما إيجابية. لو فضلتِ تكرري عليه إنك بقيتِ كسولة وخاملة وفاقدة الشغف ده هيتقرر في عقلك الباطن ويخليكِ فعلا حاسة كده طول الوقت. ** دخلي عادة الامتنان في روتينك، خصصي نوتة جميلة كده وأقلام ملونة واكتبي فيها كل يوم على الأقل ٣ حاجات بتشكري ربنا عليها، إنجازات عملتِها أو حاجات خلال اليوم فرحتكِ مهما كانت صغيرة. ده هيخليكِ تدركي النعم الكتير في حياتك واللي ممكن مشاعرك السلبية دلوقتي عامياكِ عنها. وامشي خطوات صغيرة، مش لازم تحاولي ترجعي شغفك بالقوة أو تفكري إنك لازم تعملي حاجات كبيرة وأنتِ مش عندك طاقة لحاجة. امشي واحدة واحدة. ** استعيني بالله ولا تعجزي، وإذا كنتِ مسلمة فأنصحك من دلوقتي تبدئي في الالتزام بأذكار الصباح والمساء وقراءة سورة البقرة يوميا (ممكن تقسميها على الأيام لو صعب عليكِ تقرأيها مرة واحدة) كمان رددي كتير ذكر (لا حول ولا قوة إلا بالله العلي العظيم) وإن شاء الله ربنا هيبعد عنك الخمول والكسل ويمنحك القوة عشان تتجاوزي المرحلة دي وتغيري حالك للأفضل. وبالتوفيق إن شاء الله.💚💚
تم النشر السبت، ٨ أغسطس ٢٠٢٦
بصي يا بنت الناس..اهدي على نفسك شوية ومتحمليهاش فوق طاقتها النتيجة مش نهاية العالم واهلك كده كده هيزعلوا يومين ويرجعوا يحبوكي ويثقوا فيكي تاني اهم حاجة دلوقتي انك تدي لنفسك فرصة ترتاحي وتستوعبي الصدمة ومتضغطيش على نفسك بالخمول ده لانه طبيعي جدا بعد الزعل و الزعل اللي انتي فيه ده صدمة مؤقتة وهتروح لحالها بس انتي قومي اتوضي وصلي واعملي حاجة بتحبيها حتى لو صغيرة ..خدي خطوات بسيطة واحدة واحدة ومن غير ما تفكري في اللي فات خالص اللي عدى عدى وركزي في اللي جاي وان شاء الله ربنا هيعوضك بالخير وافتكري ان ثقتك في نفسك هي اللي هتقومك تاني مش كلام حد ولا زعل حد وخليكي قوية عشان تبدأي سنتك الجديدة بشكل مختلف ومتحكميش على نفسك وانتي زعلانة وجد والله ربنا يحفظك ويوفقك
تم النشر السبت، ٨ أغسطس ٢٠٢٦
أختي العزيزة، أفهم تمامًا شعورك بالإرهاق والكسل وعدم الرغبة في الحياة بعد ظهور النتيجة، خاصة مع توقعات أهلك الكبيرة التي جعلتك تشعرين بفقدان الثقة. هذا أمر طبيعي بعد ضغط كبير، ولا يعني أنكِ فاشلة أو أن شغفكِ اختفى إلى الأبد؛ بل هو مرحلة مؤقتة يمكن تجاوزها بخطوات عملية تبدأين بها الآن لتبني مرحلة جديدة. ابدئي بإعادة بناء ثقتكِ بنفسكِ من خلال أفعال صغيرة يومية، مثل تنظيم جدول بسيط ليومكِ يشمل مهامًا خفيفة كقراءة صفحة من كتاب مفضل أو ترتيب غرفتكِ، مع التركيز على إنجازاتكِ السابقة التي أثبتت قدرتكِ. تذكري أن الرضا بالنتيجة الذي تشعرين به هو خطوة إيجابية، ويمكنكِ استخدامه كأساس للتخطيط للعام الجديد بأهداف واقعية تركزين فيها على ما يمكنكِ التحكم فيه، مثل تطوير مهاراتكِ أو استكشاف هوايات جديدة تُعيد الشغف تدريجيًا. في الإسلام، يُشجعنا على الصبر والتوكل على الله مع العمل، فاجعلي دعاءكِ جزءًا من يومكِ لتجديد الطاقة ونسيان الماضي دون أن يؤثر عليكِ. لن تستمر هذه الحالة إذا بدأتِ بخطوة واحدة اليوم، مثل كتابة ثلاثة أشياء إيجابية حدثت مؤخرًا، مما يساعدكِ على استعادة حب الحياة. ابحثي عن أسئلة مشابهة على فدني للحصول على المزيد من الآراء، وستجدين أن الكثيرات مررن بمثل هذا وتجاوزنه بنجاح. أنتِ قادرة على البدء من جديد، وأنا هنا لدعمكِ في كل خطوة.
تم النشر الجمعة، ٧ أغسطس ٢٠٢٦
اهلك حقهم يزعلو وهياخدو فترة وهتقبلو الأمر اهم حاجه انتي لو قالو كلمه مثلا جرحتك متزعليش تقبلي وقولي قدر الله وماشاء فعل بالنسبه ليكي طالما مش قصرتي وعملتي اللي عليكي خلاص تقبلي الأمر طالما سعيتي وجبتي اخرك خلاص خليكي فاكرة ربنا كاتب لكل شخص مكانه اللي يناسبه صلي قيام الليل وادعي وان شاءالله ربنا هبقي كاتبلك مكان أفضل وربنا يوفقك
تم النشر الأحد، ٩ أغسطس ٢٠٢٦
الخمول والاكتئاب وضع طبيعي بسبب التغير والتحول من الدراسة والضغط والتوتر إلى الأجازة والفراغ ... فالجسم بياخد وقت على ما يتعود على التحول ده ... ملهاش دعوة بالنتيجة بشكل اساسي
تم النشر الاثنين، ١٠ أغسطس ٢٠٢٦
لعرض السؤال في فدني اضغط هنا