كنت فتاه طوال عمري مفعمه بالحيوية وسعيده بحياتي واثقه من نفسي حتي تزوجت انطفأت تماما
فانا انسانه مرهفه المشاعر اعبر له عن مشاعري وما أشعر به وهو عكس ذالك تماما لا يتكلم ابدا بأنه يحبني أو يشتاق لي تحدثت معه كثيرا ورده كان نحن تربينا علي عدم الإفصاح عن المشاعر
وكل مره كنت أتحدث معه في ذلك أفقد شيئا من نفسي
حتي وصلت لمرحله سيئه جدا
وجميع مفاجاته لي وهداياه يجعل أهله يقدموها لي فلااشعر بخصوصيه ولا سعاده
انطفأت وأصبحت مريضه نفسيا وجسديا اعاني حاليا من مرض القلب فلا استطيع التنفس
ازدادت نفسيتي تدهورت بعدما سافر خارج البلاد للعمل
نحن متزوجون من سنه ونصف
كيف اخرج من حالتي تلك
اشعر بك حبيبتى وهذه احد الصدمات التى تحدث لمرهفين المشاعر مثلك لكن دعينا نتحدث هنا عن عجزنا جميعا فى التغلب على شىء اعتدنا عليه ولكن نحاول ان نتعامل مع الامر بان نقوم بتعويض او احلال بشىء اخر . لا يستطيع احد ان ينكر عليكى احتياجك وايضا توقعاتك وانتظارك ان يشبعك زوجك فى هذا الاحتياج ولكن لم يروى ظمأك للاسف اعلم انك تنتظرى الامر بشكل محدد ...لكن هنا الاكثر اهميه ان يكون يعبر بطريقة او بأخرى ادعوكى فى هذا التوقيت لسفره ان تثقفى ذاتك باحد الدورات الخاصة بالزواج والتواصل بين الازواج ..الموضوع هام جدا ونقاط التكامل ستضىء لكى الطريق باذن الله كل شىء له اكثر من طريقة ...افتحى عينيكى على كل الاساليب واستشعرى المضمون اكثر واكثر
تم النشر الأحد، ٨ أكتوبر ٢٠٢٣
ترجعي لحياتك وطبيعتك عشان نفسك أولاً.. ترجعي تقبلي على الحياة وتدوري على أسباب سعادتك داخل نفسك قبل ماتبقي معتمدة فيها على زوجك .. انا عارف انه صعب بس حاولي تشوفي الإيجابيات في زوجك وفي حياتك حتى ولو بسيطة .. ركزي عليها .. ضلمي الصورة وخلي الإضاءة على اي حاجة حلوة هو بيعملها عشان تطلعي من الفكرة دي ..
تم النشر الأربعاء، ١١ أكتوبر ٢٠٢٣
فيه حاجه اسمها لغات الحب .. ممكن الشخص اللي معاكي يكون من لغات حبه هو انه يقدم ليكي هدايا وديه بتكون تعبير عن حبه ولكن بلغته او بطريقته المختلفة. للاسف الموضوع بيكون سئ لما الاتنين بيكون عايزين حاجات مختلفة عن بعض. انتي محتاجه الكلام وهو لا .. ف حاولي انك تقربي منه، وتعرفي منه هو بيحب ايه مثلا، وتعبري له شوية بشوية عن الحاجات اللي بتحبيها. وانه مش عيب انه يوقكل كلمة حلوة. ممكن يكون كمان نمط تربيته غالب عليه، متعودش على انه بفصح عن مشاعره. انا طبعا مقدرة كل اللي بتمري بيه، بس هنا السؤال هل انتي قادرة انك تخوضي تجربة تانيه معاه ولالا .. على فكرة ممكن يكون فيه مميزات كويسة جدا، زي انه محترم، ومثلا بيتقي ربنا فيكي، ومش مخليكي محتاجه لشئ، وبيخاف عليكي. حاجات كير ممكن تكون كويسة .. ف حاولي انك ع الاقل لو انتي محاولاتك باءت بالفشل .. ايه المشكلة لو اخصائية نفسية او استشاري علاقات زوجية ساعدك في الموضوع ده مش عيب خالص .. ف حاولي فعلا لو الشخص اللي معاكي يستاهل المحاولة. خصوصا انه باين ان الموضوع خارج عن سيطرته .. بانه شايفة بيقولك ايه (احنا متعودناش ع كده،او متربتش على كده) ف ديه حاجاه كانت في تربيته، غصب عنه بمعنى اصح.
تم النشر الأحد، ٨ أكتوبر ٢٠٢٣
لعرض السؤال في فدني اضغط هنا