السلام عليكم ورحمة الله وبركاته
ممكن اللي حفظ القرآن يقول ع طريقه لتثبيت الحفظ و تكون يسيره لاني اواجه صعوبه ف الحفظ و صعوبه ف التثبيت بالرغم اني اعرف تفسير الايات و جزاكم الله خيراً ❤️🩹
السلام عليكم، أي معلومة عقلك بيستقبلها ويحفظها إذا مكنش فيه مراجعة مستمرة بتتنسي بعد فترة. القرآن نفس الشيء، لازم تتعهديه بالمراجعة المستمرة. حتى لو فرضنا إن ملكة الحفظ عندك ضعيفة شوية، المراجعة بانتظام بتساعد. فيه عوامل مهمة تساعدك في سرعة الحفظ وتثبيته، كثرة السماع، وتلاوة الآيات في الصلاة، وتدبر وقراءة تفسير الآيات اللي حفظتِها، والمحاولة قدر الإمكان تطبيقها في الواقع. لأن عامة القرآن للتطبيق والعمل به. وربنا يوفقك لحفظه ويجعله حجة لكِ لا عليكِ.
تم النشر الثلاثاء، ٢٥ نوفمبر ٢٠٢٥
ثبتي مواعيد حفظ للقرآن بتفرغي نفسك لها عدد ايات قليل مع تكرار كتير اتركي لنفسك اجازة ومساحه وليكن خمس ايات يوم ويوم والجمعة اجازة وبس ربنا يوفقك و يعينك على ذكره وشكره وحسن عبادته يسري على نفسك الامور بسيطه اوي القرآن الهدف الكبير الجزء الهدف الاوسط والسورة الهدف الاصغر
تم النشر الاثنين، ٢٤ نوفمبر ٢٠٢٥
السلام عليكم ورحمة الله وبركاته ـ تقليل المقدار ومعاهدة القرآن لان احفظ انسان على وجه الارض لو ترك القرآن فتره من الزمن ينسى بلا شك والواجب على الحافظ المراجعه ولا ينظر للنسيان لانه حتمي وعاهد القرآن وتيقن ان مراجعته ممتده حتى وفاتك ـ البعض يتخيل ان هناك طريقه سحريه احفظ ولا اشقى واراجع ولا انسى وهذا خطأ ـ قلل المقدار وانتظم في وردك ولا تنظر لشيء اخر جزاك الله كل خير واعزك الله ونفع بك / ي.
تم النشر السبت، ٢٢ نوفمبر ٢٠٢٥
@sama tamer جزاكي الله خيراً
تم النشر السبت، ٢٢ نوفمبر ٢٠٢٥
السماع الكثير بيخلى القراءة و التجويد افضل و بيثبت الحفظ جدا
تم النشر الثلاثاء، ٢٥ نوفمبر ٢٠٢٥
اسمعي شيخ انت بتحبيه و كرري الموضوع دا كل اسبوع سورة و إن شاء الله تظبط معاكي
تم النشر الثلاثاء، ٢٥ نوفمبر ٢٠٢٥
ورد مراجعه يومى جزء او نص جزء مثلا وتصلى بيه صلواتك كلها
تم النشر الأحد، ٢٣ نوفمبر ٢٠٢٥
تثبيت يعني تكرار كرري كتير والشيخ عادل الجندي عنده كتاب للتثبيت والحفظ مش فاكره اسمه بس ابحثي هتعرفي بإذن الله
تم النشر الأحد، ٢٣ نوفمبر ٢٠٢٥
هو انا بحفظ بالطريقة اللي هقولك عليها دي أولا لو هتخفظي صفحه بصفحه فأنتي هتسمعي القراءة الصحيحه لها من شيخ قاريء مثلا المعيقلي وبعدين تقرأيها بنفس القراءه اللي سمعتيها وتكرري الآيات وكدا انتي هتحفظي بالبصر لانك شايفه وبالسمع كمان لانك سمعتي وكذلك الربع لو هتخفظي ربع وكدا نفس الحاجه وكرري يعني ولو تكتبي مفيش مانع انا بكتب لأن الكُتّاب الشيخ بيخلينا نكتب ربنا يوفقك وتحفظيه❤️
تم النشر السبت، ٢٢ نوفمبر ٢٠٢٥
بصي لو عايزة تحفظي يبقي بتكرار الايات كتير وكل يوم ولو بتعملي حاجة احفظي من علي اي برنامج تحفيظ او شغل اي قارئ جمبك انا بعمل كده وللتثبيت صلي السنن واقرئ فيها الجديد ولو مش عايزة تنسي الي حفظتيه اعمليلك ورد ثابت بترجعي فيه على القديم واتمني اكون افدتك
تم النشر السبت، ٢٢ نوفمبر ٢٠٢٥
لعرض السؤال في فدني اضغط هنا