انا مشكلتي اني مش بفكر في الكلام مش بعرف اخلي الكلام حلو كده بس صريحه شويه يعني 🤏🤏 المشكله ان في ناس بتزعل مني لاني بقول الحقيقه و انا مش بحب الكلام الكتير وناس بتشوفني متكبره في المفروض اعمل ايه انا لم بتكلم معهم بكون خايفه عليهم مش قصدي حاجه
السلام عليكم ورحمه الله وبركاته من بدايه كده الجمله انه انا مش بفكر في الكلام. دي حاجه مش كويسه حتى لو الكلام اللي انا هقوله ده نصيحه حتى لو الكلام اللي انا هقوله ده نصيحة حتى لو الكلام اللي أنا هقوله ده حقيقي حتى لو الكلام اللي انا هقوله ده في اتجاه الخير انا محتاجه افكر في الكلام قبل ما يطلع على لساني ليه محتاجه افكر فيه محتاجه افكر فيه علشان ابدا اعمل له يعني ايه تظبي تظبيط يعني ايه يعني خليني اقول لك ان احنا عملنا اكله حلوه طعمها حلو تمام بس حطيتيها في طبقه شكل وحش تفتكري اللي هتحطي له الاكل ده هيبقى عنده قابليه ان هو فعلا يستطعم الطعم الحلو او هيتوقع ان الاكله دي طعمها حلو اول توقع عنده هيبقى انه الاكله دي يعني غالبا هتطلع طعمها وحش ليه لانه هنا في الاكل العين بتاكل الاول الانسان دائما بيحب الحاجه اللي شكلها حلو شيء طبيعي جدا ودي طبيعتنا كلنا كبشر فلما يكون الشيء مغلف بشكل جميل. ده بيعلي من قيمته وده بيوضح قيمته اكثر عشان كده بنحتاج نفكر في الكلام نفكر في الكلام ونحطه جوه إطار شكله حلو علشان اللي قدامي يقدر يتقبله من البدايه ويبدأ يحس بقيمته كمان. فخلينا كده نشوف احنا ممكن نعمل ايه في الكلام الكلام احنا محتاجين نفكر فيه انا دلوقتي هقول كلمه مثلا خلي بالك من نفسك عشان انت كده رايحه في مكان خطر أنا عايزه اقول دي لصاحبتي عشان خاطر صاحبتي انا بحبها وبخاف عليها طب لما انا هقول لصاحبتي ده وانا ببص لها بكل غضب وممكن يكون باين في في نبره صوتي شيء من الاستحقار للفعل ده هل صاحبتي هتشوف ان انا خايفه عليها؟ لا هي للاسف مش هتشوف غير الاستحقار اللي باين في نبره صوتي انت بتستحقري الفعل طبعا شايفه انه ده شيء خطر يعني انت إزاي تروحي تجاه شيء خطر انا اخاف عليك لكن هي مش هتشوف غير الاستحقار فقط لا غير وقتها ومش هتقدر تشوف انه الاستحقار ده للحاجه الخطر مش ليها هي شخصيه فاحنا ناخذ بالنا ونقول نفس الجمله ولكن ناخد بالنا ممكن نزود عليها حاجه توضح وممكن نشيل منها حاجه تخفف وقع ده وتخلي اللي قدامي يعرف يستوعب الكلام فانا ممكن اقول لها. انت عارفه ان انا بخاف عليك والمكان اللي انت رايحاه ده مكان خطر جدا. فلو انت رحتي انا هبقى قلقانه عليك واخاف يحصل لك حاجه انا وجهت لها نفس النصيحه عادي جدا نفس الكلام مفيش حاجه اختلفت ولكن رتبت الكلام بشكل مختلف فوصل لها بشكل مختلف ده بس اللي انت محتاجه انك تعمليه علشان توصلي اللي عندك سواء كان نصيحه او راي او ايا كان وتبقي كمان ما خسرتيش اللي حواليك وكمان ما خسرتيش نفسك لانه ده كده كده هيعود عليك انت دائما بشحنه سلبيه بتطلع منك انت ممكن في وقت من الاوقات ما تقدريش تستحمليها خلي بالك كويس قوي واتمنى اكون افدتك.
تم النشر الجمعة، ٢٧ يونيو ٢٠٢٥
لأ طبعاً، امك وابوك اولي من إخواتك، منغير غضب انفجاري، استعدي لرد حاسم وتعلي صوتك فيه عليهم منغير عصبية امي محدش يقرب منها واللي هيقربلها هزعله بالكلام، وسيبي صراحتك تطلع مع المواقف دي منغير عصبية عشان ميذلوكيش ويمسكوا عليكي كلام، ولو حسيتي ان مامتك زعلانة احضنيها وقليلها معلش، كل اللي بعمله دا عشان واشوفك مبسوطة، اصل بجد هيجيلك يوم هتفتكري وهتقولي ياريتني دافعت عنها وقت زعلها، للاسف قعدت فاكر موقف من ٥ سنين ومع اني كنت صغير ومليش ذنب بس حسيت اني ممكن احضن ماما ومعملتش كدا، ومش لازم تبقي مثالية يعني مظبطه كل حاجه، بالعكس لو مشيتي بأخطائك افضل من انك تمشي بالحرف.
تم النشر الجمعة، ٢٧ يونيو ٢٠٢٥
أهلًا بكِ يا غالية، وشكرًا على صراحتك في التعبير عن مشاعرك ومشكلتك. الصراحة قيمة عظيمة، ولكن أحيانًا طريقة التعبير عنها أو توقيت قولها يمكن أن تؤثر على مدى تقبل الناس لها. خليني أساعدكِ ببعض النقاط المهمة اللي ممكن تساعدكِ تكوني صريحة لكن بطريقة لطيفة ومقبولة: اختاري كلماتكِ بعناية الصراحة مش معناها الصدمة. ممكن تكون صريحة بدون ما تكون جارحة. يعني بدل ما تقولي: "هذا غلط"، ممكن تقولي: "أنا شايفة إن الطريقة دي ممكن تكون أفضل لو…" حاولي تضعي نفسك مكان الشخص الآخر قبل ما تقولي حاجة، فكري لو كنتِ مكانه، هل الكلام هيزعله؟ ولو نعم، هل ممكن تصاغ بطريقة أقل حدة؟ هذا مش تنازل عن الصراحة، بل مهارة في التواصل. استخدمي عبارات تليين مثلاً "أنا أحترم رأيك بس حابة أقول…" أو "ممكن أشاركك وجهة نظري؟" هذي العبارات بتفتح الباب للنقاش بدل ما تخلق إحساس بالهجوم. تأكدي من نيتك ومحبتك في الكلام طالما نيتك صافية وحقيقتك فيها خير، أحيانًا ممكن توضحي للناس إنكِ خايفة عليهم ومهتمة، وتشاركيهم مشاعرك. تواصلي بتدرّج حسب الشخص والموقف مو كل الناس بتقدر تسمع الصراحة بنفس الطريقة. بعضهم يحتاج وقت للتعود. كلام الناس عن التكبر أحيانًا الناس بتفسر الصراحة بشكل خاطئ. ممكن تشاركيهم جانبك الإنساني بطريقة بسيطة، مثلاً بخفة دم أو صحبتهم بالابتسامة، هذا بيكسر حالة "التكبر" اللي بيحسوا بها. فكري أنكِ لو استمررتِ بالتدريب على التعبير عن الصراحة بحكمة، الناس هتتقبل منك أكثر وإن شاء الله علاقتك بالناس تتحسن. إذا تحبي يمكنكِ زيارة صفحة خبراء التواصل والعلاقات في فدني من هنا تاخدي استشارة أعمق تساعدكِ بمواقفك الخاصة. وأنا دايمًا هنا لو حبيتي تتكلمي أكتر أو تستفسري عن أي شيء. 🌹 كيف بتحسي الآن بعد ما شاركتيني؟
تم النشر الخميس، ٢٦ يونيو ٢٠٢٥
لازم تتقبلي الكلام وتستحقريه في نفس الوقت لانك لازم تثبتي لنفسك مش لناس
تم النشر الخميس، ٢٦ يونيو ٢٠٢٥
شكرا جدا لحضرتك بس ممكن سوال كمان
تم النشر الجمعة، ٢٧ يونيو ٢٠٢٥
بس خدي بالك لو عايزه تنكري الباطل فكري ٣ ثواني تحللي الموقف قبل ما تقولي عشان مش يئذوكي، وربنا يقدرك علي فعل الخير.
تم النشر الجمعة، ٢٧ يونيو ٢٠٢٥
1. عمر بن الخطاب – تأكيد الحق رغم الذُل الظاهر في صلح الحديبية، اشتكى عمر من "الدنية" في الشروط، فقال: *ألسنا على الحق وهم على الباطل؟! فلمَ نذل في ديننا؟* وقف فيه شامخًا، محتدًا على ما اعتبره ذلاً، رغم رضوخ السلم لحكمة رسول الله ﷺ. --- 2. أبو بكر الصديق – مواجهة الرُّدة بلا مساومة ردّه الشهير: والله لأقاتلن من فرق بين الصلاة والزكاة يُوضح رفضه لأي تقصير أو تهاون مع الباطل، حتى لو اقتضى الأمر القتال. وردّه وثّقه الإسلاميون في مواقف مماثلة
تم النشر الجمعة، ٢٧ يونيو ٢٠٢٥
براحتك جدا ومتقبل حاجه زي كدا، وانك لوحدك منغير اي حاجه تسألي هو انا غلطانة يثبت مدي قوتك ووعيك، ولكن فيه حاجه مهمة، وازني مبين التحليل والعاطفة لأن لو مش اتفقوا مع بعض هتضري نفسك نفسيا وهتيئذي ناس كانوا محتاجين طبطبة، الصراحة حاجه تحترم ولكن علي حسب الموقف، كنت صريح جدا وانا صغير لقيت اختي بتضربني عشان كانت عايزه مدح، ودا مش اسمه كذب في الاسلام وبالعكس دا جبر خاطر، ولو حد غلطان انصحيه براحه ولو تكبر اعملي زيه لأن التواضع مع المتكبر ضعف، حتي الصحابة مسابوش المشركين يتكبروا علي الرسول فتعالوا علي الباطل وبينوا الحق، بس دي مش ثوابت، دي من تقييمك الشخصي وحسب الموقف.
تم النشر الجمعة، ٢٧ يونيو ٢٠٢٥
الصراحة راحة .. والكذب جذر للنفاق والإدمان والأمراض النفسية
تم النشر الجمعة، ٢٧ يونيو ٢٠٢٥
تمام شكرا
تم النشر الجمعة، ٢٧ يونيو ٢٠٢٥
هوا انا همدحك وبعدين تلبسي في حيط بعد كدا اكيد لا يعني صحابك الي مش متقبلين انهم يكونو صالحين ياريت يتغيرو لان قلبك ممكن يفسد بسببهم ولو حد مستجيب خليكو مع بعض لحد متكونو انتو الصحبه الصالحه والنصيه تبقا مره واتنين وتلاته مفيش رابعه حطي حدود عشان انتي متتعبيش الي مستجبش حاولي تبعدي وتنصحي او توعي بطريقه غير مباشره بحيث الي قدامك يفهم انه غلط او عل طريق غلط مستجبش ودنو مكمل اقفلي صفحته وان اتذكر اسمه ربنا يهديه وخلاص وركزي في حياتك انتي بقا
تم النشر الجمعة، ٢٧ يونيو ٢٠٢٥
مدام الناس دي كدا اتركيهم ودوري عل صحبه صالحه كوني انتي الصحبه الصالحه انتي مش كجبره ابدا انك تكوني وسطيهم
تم النشر الخميس، ٢٦ يونيو ٢٠٢٥
كلام الغل دا لا يعبر ابدا لإ عل انه مرض قلبي فا انتي بقا هتعمل عقلك بعقل مريض الله يهديك وامشي بس متكتريش والي يتقال يتقال الله اعلم بنيتك وبصدقك هل بقا الناس وكلمها لهم لزمه انتي مش محتاجه حاجه اصلا
تم النشر الخميس، ٢٦ يونيو ٢٠٢٥
قول الحق عند الطلب منك او انقاذ موقف او الوقوف بجانب شخص مظلوم وقت الضروره والكل ظلمه اكتر من كدا طبعا متتقدميش عشان انتي في عين الجاهل من غروره بيقول عليكي ساذجه لا تهتمي لكلام حد ابدا
تم النشر الخميس، ٢٦ يونيو ٢٠٢٥
قصة بقا تحاولي تبيني كل التفاصيل في الكلام ومبطلعهوش حلو دي مش مشكله دا دليل عل وعيك عامة في ناس كتير بتردد الكلام زي البغبغاء بس لا يفقهون قولا
تم النشر الخميس، ٢٦ يونيو ٢٠٢٥
لو انتي شايفة انك هتعرفي تبدأي برد الطف اعملي كدا، لو معرفتيش حطي حدود للعلاقة.
تم النشر الجمعة، ٢٧ يونيو ٢٠٢٥
لو حبيتي تشتكي ليا، انا كمان في سن المراهقة ١٧ سنة ونص، اي حد في مرحلتك هيفهم افضل عشان نفس الثقافة ومتقاربة.
تم النشر الجمعة، ٢٧ يونيو ٢٠٢٥
متتكسفيش انا هنا اسمعلك، اكتبلي كل حاجه في رسالة عشان اربطهم ببعض.
تم النشر الجمعة، ٢٧ يونيو ٢٠٢٥
وضحي ايه هو السؤال والمشكلة، علاقة عاطفية؟
تم النشر الجمعة، ٢٧ يونيو ٢٠٢٥
قريت بقيت التعليقات لاحظت انك في سن صغير لسة، لو معرفتيش تعملي اللي قلته متشغليش بالك، انتي حاولي وربنا هيقدر حاجه زي كدا، متتغطيش علي نفسك.
تم النشر الجمعة، ٢٧ يونيو ٢٠٢٥
قولي اللي انتي عايزاه👏
تم النشر الجمعة، ٢٧ يونيو ٢٠٢٥
شكرا جدا لحضرتك هو انا مش عارفه حضرتك بتمدحني أو العكس بس هو الفكرة اني انا في سن صغير لكن وعقلي الي حد ما كويس ف بحاول انصح صحبي بس الكلام الي بيتقال في ظهرهم انا بقوله في وجههم لكن كلامي مش دايما بيحبوا
تم النشر الخميس، ٢٦ يونيو ٢٠٢٥
لعرض السؤال في فدني اضغط هنا