انا ١٨ سنه صغيرة مامتي بتعمل حركه مضايقني اوى هي بتجهز لجهاز جوزى من دلوقتي من غير ما تفكر في او دي بنأدمه ليها ذوق ليها حياتها في وقتها ..الخ جربت اخد موقف قالتلي انتي مالك ..؟ كله بيقول عادي المفروض تشكريها عاملاك دور الام والاب ..! بس انا حاسه انو لا دي حياتي معترضه إنها بتفرض رأيها علي انا ذوقي غير ذوقها نظرتي غير (هي وبتجيب الحاجات هي حتي مش عارفه لوني المفضل مع اني بنتها الوحيده) البنت أو الست عموما بتقضي اكتر وقت في المطبخ فالمفروض تقضي وقت في حاجه مقتنعه بيها مش مفروضه عليها اي التصرف الصح معها مين فينا صح ومين غلط ..؟
الحقيقة يا حبيبتي ان مفيش حد فيكم "غلطان الموضوع كله عبارة عن "سوء تفاهم" واختلاف في طريقة التعبير عن الحب والمسؤولية: مامتك بتفكر إزاي بص الأم لما بيكون عندها بنت وحيدة بيبقى جهاز البنت ده هو حلم حياتها الأكبر من يوم ما تتولد الحاجات بتشتريها بدافع الحب، واللهفة، والأمان. بتستغل أي قرش معاها دلوقتي عشان تأمنك للمستقبل قبل ما الأسعار تغلى أو الظروف تتغير زي ما اتذكر فى تعليق هنا ، هي شايفة ده "واجبها ودورها" اللي بتفرح بيه. و إنتي بتفكري إزاي إنتي صح في إنك عايزة حاجتك تكون شبهك وكلنا كده كبنات و كمان وتعبر عن ذوقك ولونك المفضل. حاسة إن خصوصيتك واستقلاليتك متهددين لما تلاقي حاجات بتتجاب لبيتك المستقبلي من غير ما يتاخد رأيك، وخصوصاً إنها مش عارفة اى اللى انتى بتحبيه فبتحسي إنها بتجيب على ذوقها هي وبس طيب تعملى ايه ؟ بدل ما تسيبها تنزل تشتري لوحدها وتتفاجئي بالحاجة، ادخلي معاها في الخط. قولي لها: "يا ماما أنا نفسي ننزيل نشتري الحاجات دي سوا عشان نتبسط مع بعض، ونختار ألوان تناسب ذوقي وناخد راى بعض تشركيها في خروج وفصحة وتفرجيها على اللي بتحبيه عرفيها ذوقك بذكاء وبطريقة غير مباشرة الأمهات أحياناً بيبقوا حافظين ولادهم وهم صغيرين ومش مستوعبين إن ذوقهم كبر واتغير. افتحي معاها موبايلك، وفرجيها على صور مطابخ أو أجهزة أو ألوان وقولي لها: "بصي يا ماما الاستايل ده طالع موضة وحلو اوى وأنا نفسي لما أتجوز بيتي يبقى بالألوان دي او هكذا بقي اكيد فاهمه هنا إنتي بتبرمجي دماغها على ذوقك من غير خناق قسّموا البلد نصين (الأساسيات ليكي والرفايع ليها مثلاالحاجات زي الحلل،الصواني وكده دي حاجات عملية جودتها وسعرها أهم من لونها، فسيبي مامتك تجيبها بخبرتها لأنها بتبقى أشطر في لقط الحاجات اللي بتعيش. وخلي اتفاقك معاها إن "الألوان، المفروشات، الديكورات، وحاجات المطبخ الظاهرة" دي اللي لازم تتجاب بالاتفاق وسوا عشان ذوقك.وحاولى اتكلمي معاها في وقت صفا (بلاش وقت الموقف نفسه مامتك مش بتملكك، مامتك "مستعجلة تفرح بيكي" وبتعمل ده بطريقتها القديمة. لو حسستيها إنك مقدرة حبها، هتلاقيها هي نفسها بقت بتاخد رأيك في كل صغيرة وكبيرة
تم النشر الخميس، ١٤ مايو ٢٠٢٦
يا حبيبتي، أ أول حاجة أقولك إن شعورك ده طبيعي جداً في سنك ده (١٨ سنة)، أنتِ لسة بتبني هويتك الخاصة، وده حقك الكامل. مامتك بتعمل كده من حبها وخوفها عليكِ، خاصة لو هي بتعمل دور الأم والأب زي ما بيقولوا، بس ده مش معناه إنها تفرض ذوقها عليكِ تماماً. الجهاز ده حياتكِ، وأنتِ اللي هتقضي فيه وقتك اليومي، فالأهم إنه يعجبكِ ويحسسكِ بالراحة. مين صح ومين غلط؟ محدش غلطان ١٠٠٪. هي صح في نيتها الطيبة، وأنتِ صح في إنك عايزة تتحكمي في حياتكِ وحاجاتكِ الشخصية. في الإسلام، بر الوالدين واجب، بس الزواج والجهاز لازم يكون برضاكِ وراحتكِ، مش فرض. التصرف الصح؟ خدي موقف هادئ ومحترم، مش صدام. جربي كده: اختاري وقت هادئ : لما تكوني الاتنين مرتاحين، قوليلها "يا ماما، أنا بحبك جداً وشاكرة إنك بتفكري فيّ، بس أنا عايزة أختار الجهاز معاكِ بنفسي عشان يبقى زي ذوقي وأحس بالسعادة فيه. مثلاً، لوني المفضل كذا، وأنا عايزة حاجات عملية للمطبخ زي ما أنا بحبه". عبري عن الشكر أولاً : ده هيخليها تسمعكِ أحسن، مش تحسي إنكِ بترفضيها. اقترحي حل وسط : قولي "نختار مع بعض؟ أنا هساعدكِ ونروح نشتري سوا". لو مش سمعتكِ، سيبيها شوية وكرري بعدين، أو فكري تشاركي أبوكِ أو حد كبير في العيلة يتدخل بلطف. ولو عايزة نصيحة أعمق، روحي على صفحة الخبراء في فدني https://www.fedni.net/experts وابحثي عن خبراء في "العلاقات الأسرية" أو "تطوير الذات"، أو دوري على أسئلة مشابهة في التطبيق هتلاقي إجابات كتيرة. أنتِ قوية وهتقدري، يا بنتي الذكية! 💕 خليكِ صبورة، التواصل الهادئ هيحل ٩٠٪ من المشكلة.
تم النشر الأربعاء، ١٣ مايو ٢٠٢٦
طب مش ممكن ع الأقل لما تيجي تشتري تروحي معاها تنقي الحاجة اللي عاوزاها انتي طالما كدا كدا هتجيب ممكن تكون بتعمل كدا عشان توفر الحاجة هتغلى بعدين
تم النشر الخميس، ١٤ مايو ٢٠٢٦
معليش بيعين الله
تم النشر الخميس، ١٤ مايو ٢٠٢٦
لعرض السؤال في فدني اضغط هنا